曼聯前鋒阿歷斯山齊士 (Alexis Sanchez) 加盟以嚟飽受批評，不但出勤率甚低、表現欠佳，而且一直花費曼聯巨額薪金，因此有唔少球迷都希望將佢送走。隨著歐洲五大聯賽夏季轉會窗即將關閉，山齊士離隊與否，相信好快會有定案。
曼聯主帥蘇斯克查早前曾經表示，山齊士仍然喺佢計畫之內：「山齊士十分專業，佢每日好努力訓練，佢係想成為球隊嘅一分子。有傳聞話佢被下放到預備隊，冇咁嘅事，佢係我哋陣容嘅一部分，係一個好好嘅球員。佢要追返上其他球員嘅狀態，仲差幾個星期，但佢好接近可以返返嚟出場陣容中。我哋嘅前鋒線唔算好多人，所以佢有可能比你哋所預期上陣更多。我哋期望佢可以表現更好，佢有呢個能力。」
不過，喺對狼隊賽後，蘇斯克查一改口風，承認山齊士有可能離開：「而家距離轉會窗 (英超以外) 關閉仲有一段時間，係有咁嘅機會。有一啲球會表達咗對山齊士嘅興趣，所以我哋會睇下事情點發展。我哋冇更多資訊可以透露。」
30歲嘅山齊士於2018年1月由阿仙奴加盟，佢喺阿仙奴時期上陣166場比賽，錄得80入球、45助攻，但喺曼聯只曾上陣45場，錄得5入球9助攻。
《Sky Sports》報導，早前已簽入盧卡古嘅意甲球隊國際米蘭，亦有興趣將山齊士收歸旗下。據報，國米希望先借用山齊士一年，及加入明年夏天1700萬歐元買斷條款，但十分有可能要求曼聯於借用期內支付山齊士部分薪金。意甲轉會窗將於當地時間8月23日關閉，而西甲、德甲、法甲轉會窗就會於9月2日關閉。
Source: Sky Sports
曼聯主帥蘇斯克查早前曾經表示，山齊士仍然喺佢計畫之內：「山齊士十分專業，佢每日好努力訓練，佢係想成為球隊嘅一分子。有傳聞話佢被下放到預備隊，冇咁嘅事，佢係我哋陣容嘅一部分，係一個好好嘅球員。佢要追返上其他球員嘅狀態，仲差幾個星期，但佢好接近可以返返嚟出場陣容中。我哋嘅前鋒線唔算好多人，所以佢有可能比你哋所預期上陣更多。我哋期望佢可以表現更好，佢有呢個能力。」
不過，喺對狼隊賽後，蘇斯克查一改口風，承認山齊士有可能離開：「而家距離轉會窗 (英超以外) 關閉仲有一段時間，係有咁嘅機會。有一啲球會表達咗對山齊士嘅興趣，所以我哋會睇下事情點發展。我哋冇更多資訊可以透露。」
30歲嘅山齊士於2018年1月由阿仙奴加盟，佢喺阿仙奴時期上陣166場比賽，錄得80入球、45助攻，但喺曼聯只曾上陣45場，錄得5入球9助攻。
《Sky Sports》報導，早前已簽入盧卡古嘅意甲球隊國際米蘭，亦有興趣將山齊士收歸旗下。據報，國米希望先借用山齊士一年，及加入明年夏天1700萬歐元買斷條款，但十分有可能要求曼聯於借用期內支付山齊士部分薪金。意甲轉會窗將於當地時間8月23日關閉，而西甲、德甲、法甲轉會窗就會於9月2日關閉。
Source: Sky Sports
請按此登錄後留言。未成為會員? 立即註冊