傳言阿仙奴今個轉會窗只有4500萬英鎊預算，球會高層公開表示傳聞不實，喺早已「超支」嘅情況下，兵工廠最近仍頻頻傳出再有轉會動作，相信真係可以如球會「太子爺」所講，令球迷興奮起嚟。
一向係阿仙奴轉會消息權威嘅《BBC》記者David Ornstein，剛剛作出報導，證實近日阿仙奴將於今日簽下兩名球員。其中一位係槍手由轉會窗開啟已追求至今嘅些路迪左閘基蘭泰亞尼 (Kieran Tierney)，另一位就係近日突然傳出嘅車路士中堅大衛雷斯 (David Luiz)。
David Ornstein於其Twitter上發表更新，指阿仙奴已經同車路士達成協議，以800萬英鎊簽下32歲巴西中堅大衛雷斯，並將與佢簽下兩年合約；另一方面，些路迪亦同意以2500萬鎊出售蘇格蘭國腳左閘基蘭泰亞尼，簽約5五年。報導指，兩人將會於短期內完成體檢及簽約，英超轉會窗於當地時間今日17:00關閉。
阿仙奴原隊長哥斯尼早前已轉投法甲球會波爾多，令本來質素欠佳嘅防線更為不足，有傳槍手希望向祖雲達斯租借25歲嘅意大利國腳中堅魯加尼 (Daniele Rugani) ，但未有進展，反而於昨日突然傳出車路士中堅大衛雷斯罷操，要求轉會阿仙奴。
Source: BBC
一向係阿仙奴轉會消息權威嘅《BBC》記者David Ornstein，剛剛作出報導，證實近日阿仙奴將於今日簽下兩名球員。其中一位係槍手由轉會窗開啟已追求至今嘅些路迪左閘基蘭泰亞尼 (Kieran Tierney)，另一位就係近日突然傳出嘅車路士中堅大衛雷斯 (David Luiz)。
David Ornstein於其Twitter上發表更新，指阿仙奴已經同車路士達成協議，以800萬英鎊簽下32歲巴西中堅大衛雷斯，並將與佢簽下兩年合約；另一方面，些路迪亦同意以2500萬鎊出售蘇格蘭國腳左閘基蘭泰亞尼，簽約5五年。報導指，兩人將會於短期內完成體檢及簽約，英超轉會窗於當地時間今日17:00關閉。
阿仙奴原隊長哥斯尼早前已轉投法甲球會波爾多，令本來質素欠佳嘅防線更為不足，有傳槍手希望向祖雲達斯租借25歲嘅意大利國腳中堅魯加尼 (Daniele Rugani) ，但未有進展，反而於昨日突然傳出車路士中堅大衛雷斯罷操，要求轉會阿仙奴。
Source: BBC
請按此登錄後留言。未成為會員? 立即註冊