掃蕩型中場嘅工作時常都被忽視，佢哋往往喺球場上做咗好多唔起眼嘅工作，對於一支球隊嘅攻守運轉有舉足輕重嘅影響，但受注目程度就不及進攻球員或者佢哋身邊負責「派牌」嘅中場拍檔。伊祖沙古爾 (Idrissa Gueye，又譯基耶或古耶) 喺廣大球迷心目中未必稱得上一名球星，但事實上佢作為兩屆「英超攔截王」嘅表現，已經足夠說明佢嘅能力。
根據《Sky Sports》報導，愛華頓中場伊祖沙古爾接近以2800萬英鎊轉會費加盟法甲班霸巴黎聖日耳門，球會雙方已經完成談判，球員個人條件亦不成問題，伊祖沙古爾將於短期內抵達巴黎聖日耳門進行體檢。
《Sky Sports》早於1月已曾報導PSG希望簽下伊祖沙古爾嘅消息，後來愛華頓拒絕PSG開出嘅2150萬鎊報價，據報「拖肥」希望喺簽下合適替代人選後先考慮賣人。最終，愛華頓於今夏簽入由曼城加盟嘅戴夫。
29歲嘅伊祖沙古爾係塞內加爾國腳，職業生涯早年曾效力里爾及阿士東維拉，2016年轉投愛華頓。佢加盟首個球季 (2016-17) 已經以場均4.1次攔截 (Tackles per game) ，力壓佐敦軒達臣 (Jordan Henderson) 及簡迪 (N'Golo Kante) 成為「英超攔截王」。2017-18球季，古爾嘅場均攔截次數仍多於簡迪，但該季「英超攔截王」就落喺李斯特城中場尼迪迪 (Wilfred Ndidi) 手中。2018-19球季，古爾再次錄得場均超過4次攔截，以4.3次力壓尼迪迪及雲比沙卡 (Aaron Wan-Bissaka) ，再次成為「英超攔截王」。喺2018-19球季總攔截次數方面，全歐洲五大聯賽，就只有尼迪迪 (143) 比古爾 (142) 錄得多1次攔截。
Source: Sky Sports、WhoScored
根據《Sky Sports》報導，愛華頓中場伊祖沙古爾接近以2800萬英鎊轉會費加盟法甲班霸巴黎聖日耳門，球會雙方已經完成談判，球員個人條件亦不成問題，伊祖沙古爾將於短期內抵達巴黎聖日耳門進行體檢。
《Sky Sports》早於1月已曾報導PSG希望簽下伊祖沙古爾嘅消息，後來愛華頓拒絕PSG開出嘅2150萬鎊報價，據報「拖肥」希望喺簽下合適替代人選後先考慮賣人。最終，愛華頓於今夏簽入由曼城加盟嘅戴夫。
29歲嘅伊祖沙古爾係塞內加爾國腳，職業生涯早年曾效力里爾及阿士東維拉，2016年轉投愛華頓。佢加盟首個球季 (2016-17) 已經以場均4.1次攔截 (Tackles per game) ，力壓佐敦軒達臣 (Jordan Henderson) 及簡迪 (N'Golo Kante) 成為「英超攔截王」。2017-18球季，古爾嘅場均攔截次數仍多於簡迪，但該季「英超攔截王」就落喺李斯特城中場尼迪迪 (Wilfred Ndidi) 手中。2018-19球季，古爾再次錄得場均超過4次攔截，以4.3次力壓尼迪迪及雲比沙卡 (Aaron Wan-Bissaka) ，再次成為「英超攔截王」。喺2018-19球季總攔截次數方面，全歐洲五大聯賽，就只有尼迪迪 (143) 比古爾 (142) 錄得多1次攔截。
Source: Sky Sports、WhoScored
請按此登錄後留言。未成為會員? 立即註冊