又一個登陸中超　34歲國際米蘭中堅米蘭達解約赴江蘇

中超球隊今個夏天紛紛「出動」，例如上海雙雄分別簽下艾沙拉維及阿奴杜域，地理位置相對接近嘅江蘇蘇寧，亦有所動作。


國際米蘭官方宣布，34歲中堅米蘭達 (Miranda) 已經與球會達成解約協議，讓佢以自由身轉投中超球隊江蘇蘇寧。國際米蘭於聲明中祝願米蘭達一切順利。江蘇蘇寧後來亦已宣布米蘭達來投。


根據較早前報導，米蘭達本來曾經被傳有意加盟法甲球隊摩納哥，但有傳江蘇蘇寧向佢開出價值500萬歐元年薪嘅3年合約。最終，米蘭達於近日順利與國米高層完成會談，獲得放行，以自由身加盟江蘇蘇寧。另外，其中一大關鍵因素係國際米蘭同樣由蘇寧集團擁有。

江蘇蘇寧陣中本已擁有1名巴西籍球員，佢係前薩克達中場阿歷士泰斯拿 (Alex Teixeira Santos) 。同時，隊中更有同樣曾於米蘭生活嘅33歲前AC米蘭中堅柏列達 (Gabriel Paletta) ，相信米蘭達融入球隊並無太大問題。

Source: Football-Italia