阿仙奴今夏轉會有限，但球隊上季戰績未如理想，反映多個位置需要作出收購改善。因此，一直有傳阿仙奴嘗試出售部分球員，增加轉會資金。最近，舊將向阿仙奴提出實則建議，甚至可以話係推銷，因為呢位舊將係有能力促使交易進行之人。
荷蘭足球名將奧華馬斯 (Marc Overmars) 曾於阿仙奴效力3年，後轉往巴塞隆拿，奧華馬斯現時已成為阿積士技術總監，與另一荷蘭名宿雲達沙合作管理球會。荷甲水平已不復當年，難以於歐洲賽場上與歐洲五大聯賽球隊抗衡，上季歐聯阿積士得以殺入四強，已是難能可貴，亦有賴球隊栽培已久嘅多位潛力猛將漸趨成熟。奧華馬斯及雲達沙喺法蘭基迪莊轉投巴塞隆拿時受訪，顯然心知阿積士嘅可持續發展策略，係成為歐洲五大聯賽嘅「造星工場」。佢哋絕不介意陣中多名主力於今夏離隊，因為佢哋曾經表示球會策略係不斷推陳出新，由優質青訓球員上位填補出售球星留低嘅空間，等待佢哋成為下一位球星。
相對於法蘭基迪莊及迪列特等轉會市場紅人，薛耶治 (Hakim Ziyech) 雖然已為人熟知，但於今個轉會窗受關注程度卻被比下去，阿積士技術總監奧華馬斯忍唔住向身陷困境嘅舊東家阿仙奴推銷，佢接受《Voetbal International》訪問時表示：
「我好意外而家冇乜人關注薛耶治。我認為佢一年勁過一年，佢嘅數據亦都係特別突出，而家好多球會都會好留意呢啲數據。
佢哋更傾向於留意球員嘅數據，多於球員真正嘅表現同周邊嘅事情。事實上我認為薛耶治係勁過奧斯爾。
我同阿仙奴講過，如果佢哋將奧斯爾賣去其他球隊套現，佢哋拎返一半錢出嚟就可以帶走薛耶治。不過佢哋冇聽我講，睇嚟薛耶治來季仍然會留喺阿積士。」
26歲嘅摩洛哥國腳薛耶治去季於荷甲上陣29場，錄得16入球、17助攻，歐聯亦於11場比賽中錄得3入球3助攻，效率驚人；佢個人生涯於主要位置進攻中場上上陣165場比賽，錄得60入球60助攻。奧華馬斯並未明言薛耶治身價，但報導指其合約中有解約金條款3150萬英鎊。如果可以用呢個價錢買到薛耶治，相信係一筆超值嘅交易，可惜阿仙奴應該冇可能以6000萬鎊出售奧斯爾，跟據最近傳聞，就連搵球隊外借及承擔奧斯爾部分薪金亦有難度。
Source: Sky Sports
荷蘭足球名將奧華馬斯 (Marc Overmars) 曾於阿仙奴效力3年，後轉往巴塞隆拿，奧華馬斯現時已成為阿積士技術總監，與另一荷蘭名宿雲達沙合作管理球會。荷甲水平已不復當年，難以於歐洲賽場上與歐洲五大聯賽球隊抗衡，上季歐聯阿積士得以殺入四強，已是難能可貴，亦有賴球隊栽培已久嘅多位潛力猛將漸趨成熟。奧華馬斯及雲達沙喺法蘭基迪莊轉投巴塞隆拿時受訪，顯然心知阿積士嘅可持續發展策略，係成為歐洲五大聯賽嘅「造星工場」。佢哋絕不介意陣中多名主力於今夏離隊，因為佢哋曾經表示球會策略係不斷推陳出新，由優質青訓球員上位填補出售球星留低嘅空間，等待佢哋成為下一位球星。
相對於法蘭基迪莊及迪列特等轉會市場紅人，薛耶治 (Hakim Ziyech) 雖然已為人熟知，但於今個轉會窗受關注程度卻被比下去，阿積士技術總監奧華馬斯忍唔住向身陷困境嘅舊東家阿仙奴推銷，佢接受《Voetbal International》訪問時表示：
「我好意外而家冇乜人關注薛耶治。我認為佢一年勁過一年，佢嘅數據亦都係特別突出，而家好多球會都會好留意呢啲數據。
佢哋更傾向於留意球員嘅數據，多於球員真正嘅表現同周邊嘅事情。事實上我認為薛耶治係勁過奧斯爾。
我同阿仙奴講過，如果佢哋將奧斯爾賣去其他球隊套現，佢哋拎返一半錢出嚟就可以帶走薛耶治。不過佢哋冇聽我講，睇嚟薛耶治來季仍然會留喺阿積士。」
26歲嘅摩洛哥國腳薛耶治去季於荷甲上陣29場，錄得16入球、17助攻，歐聯亦於11場比賽中錄得3入球3助攻，效率驚人；佢個人生涯於主要位置進攻中場上上陣165場比賽，錄得60入球60助攻。奧華馬斯並未明言薛耶治身價，但報導指其合約中有解約金條款3150萬英鎊。如果可以用呢個價錢買到薛耶治，相信係一筆超值嘅交易，可惜阿仙奴應該冇可能以6000萬鎊出售奧斯爾，跟據最近傳聞，就連搵球隊外借及承擔奧斯爾部分薪金亦有難度。
Source: Sky Sports
請按此登錄後留言。未成為會員? 立即註冊