交易傳聞已久，曼聯啱啱終於喺官方網站宣布，正式簽下水晶宮後衛雲比沙卡。
英國時間6月29日中午12點，曼聯官方宣布，成功由水晶宮羅致英格蘭U21國腳雲比沙卡，並與佢簽下一份5年合約，加上1年續約選項。
根據《Sky Sports》及《BBC》報導，曼聯於今次交易中需要向水晶宮支付4500萬鎊前期轉會費，以及500萬鎊於未來根據球員上陣次數而支付嘅額外金額，即合共5000萬鎊。據報，21歲嘅雲比沙卡將會獲得8萬英鎊周薪。
雲比沙卡成為曼聯今夏第二位新加盟球員，紅魔早前已經簽下來自史雲斯嘅年輕翼鋒丹尼爾占士。另外，雲比沙卡亦係曼聯史上轉會費第五高球員，喺佢之上嘅有普巴 (8900萬鎊)、盧卡古 (7600萬鎊) 、迪馬利亞 (5970萬鎊) 以及費特 (5200萬鎊) 。
曼聯主帥蘇斯克查接受官網訪問時，大讚雲比沙卡潛質優厚，認為佢未來將會成為英超最強後衛，又話佢係一名擁有拼搏精神、願意學習嘅年輕球員，正係現時曼聯所需要嘅球員。
Source: Sky Sports、BBC
英國時間6月29日中午12點，曼聯官方宣布，成功由水晶宮羅致英格蘭U21國腳雲比沙卡，並與佢簽下一份5年合約，加上1年續約選項。
根據《Sky Sports》及《BBC》報導，曼聯於今次交易中需要向水晶宮支付4500萬鎊前期轉會費，以及500萬鎊於未來根據球員上陣次數而支付嘅額外金額，即合共5000萬鎊。據報，21歲嘅雲比沙卡將會獲得8萬英鎊周薪。
雲比沙卡成為曼聯今夏第二位新加盟球員，紅魔早前已經簽下來自史雲斯嘅年輕翼鋒丹尼爾占士。另外，雲比沙卡亦係曼聯史上轉會費第五高球員，喺佢之上嘅有普巴 (8900萬鎊)、盧卡古 (7600萬鎊) 、迪馬利亞 (5970萬鎊) 以及費特 (5200萬鎊) 。
曼聯主帥蘇斯克查接受官網訪問時，大讚雲比沙卡潛質優厚，認為佢未來將會成為英超最強後衛，又話佢係一名擁有拼搏精神、願意學習嘅年輕球員，正係現時曼聯所需要嘅球員。
Source: Sky Sports、BBC
請按此登錄後留言。未成為會員? 立即註冊