德甲班霸拜仁慕尼黑於官方網站發出新聞稿，宣布陣中中堅侯姆斯 (Mats Hummels) 將會再次加盟多蒙特。
拜仁慕尼黑官方網站指，球會已經同多蒙特完成談判，侯姆斯將會於短期內進行體檢並重返多蒙特，具體轉會費金額未於官方新聞稿公布。
多蒙特亦已於社交媒體及官網歡迎侯姆斯再次加盟。
根據《Sky Sports》較早前報導，多蒙特可能需要付出3000萬歐元收購侯姆斯。喺拜仁公布轉會消息後，著名德國轉會資料網站《Transfermarkt》更新，指侯姆斯今次轉會費為3050萬歐元。《Sky Sports》就指轉會費連額外條款最高可達3800萬歐元，雙方簽約至2022年。
侯姆斯當年由拜仁慕尼黑青訓升上一隊出道，但年輕嘅佢難獲一隊上陣機會，多蒙特以420萬歐元將佢收購。效力蜜蜂軍團7個球季間 (不計外借)，侯姆斯逐漸成為球會兼德國國家隊後防大腦，更協助德國奪得2014世界盃冠軍。2016-17球季，侯姆斯以3500萬歐元轉會費，重投母會拜仁慕尼黑。
有不少球迷認為，拜仁以極度接近買入價 (3500萬歐元) ，賣出「用老用殘」、年屆30歲嘅侯姆斯 (3000萬歐元) ，係「搵笨」行為。拜仁於德甲藉由自己嘅勢力及地位，每每可以用低價甚至免費簽入一流本土球員，今次交易對拜仁而言無疑係賣得好價錢，但對多蒙特而言價錢需貴，亦不遠矣。事關多蒙特今季中堅人選曾起用阿簡治 (Manuel Akanji) 、迪亞路 (Abdou Diallo) 、薩加度 (Dan-Axel Zagadou) 三位年輕球員，呢條冒失又缺乏經驗嘅防線犯錯甚多，係失冠嘅重要因素之一。現今球壇頂級中堅難求，就連李斯特城中堅麥佳亞亦因其英人身份叫價達8000萬鎊，3000萬鎊歐元雖然足夠俾多蒙特喺德甲內搵到一位唔錯嘅中堅，但佢哋最需要嘅似乎係一位防線領袖，能夠得到侯姆斯回巢，算係唔錯嘅選擇。如果價錢喺2500萬歐元左右的話，筆者認為係買得過，而家多出嗰500萬，唯有當係「拜超價」。
Source: fcbayern.com、bvb.de
拜仁慕尼黑官方網站指，球會已經同多蒙特完成談判，侯姆斯將會於短期內進行體檢並重返多蒙特，具體轉會費金額未於官方新聞稿公布。
多蒙特亦已於社交媒體及官網歡迎侯姆斯再次加盟。
根據《Sky Sports》較早前報導，多蒙特可能需要付出3000萬歐元收購侯姆斯。喺拜仁公布轉會消息後，著名德國轉會資料網站《Transfermarkt》更新，指侯姆斯今次轉會費為3050萬歐元。《Sky Sports》就指轉會費連額外條款最高可達3800萬歐元，雙方簽約至2022年。
侯姆斯當年由拜仁慕尼黑青訓升上一隊出道，但年輕嘅佢難獲一隊上陣機會，多蒙特以420萬歐元將佢收購。效力蜜蜂軍團7個球季間 (不計外借)，侯姆斯逐漸成為球會兼德國國家隊後防大腦，更協助德國奪得2014世界盃冠軍。2016-17球季，侯姆斯以3500萬歐元轉會費，重投母會拜仁慕尼黑。
有不少球迷認為，拜仁以極度接近買入價 (3500萬歐元) ，賣出「用老用殘」、年屆30歲嘅侯姆斯 (3000萬歐元) ，係「搵笨」行為。拜仁於德甲藉由自己嘅勢力及地位，每每可以用低價甚至免費簽入一流本土球員，今次交易對拜仁而言無疑係賣得好價錢，但對多蒙特而言價錢需貴，亦不遠矣。事關多蒙特今季中堅人選曾起用阿簡治 (Manuel Akanji) 、迪亞路 (Abdou Diallo) 、薩加度 (Dan-Axel Zagadou) 三位年輕球員，呢條冒失又缺乏經驗嘅防線犯錯甚多，係失冠嘅重要因素之一。現今球壇頂級中堅難求，就連李斯特城中堅麥佳亞亦因其英人身份叫價達8000萬鎊，3000萬鎊歐元雖然足夠俾多蒙特喺德甲內搵到一位唔錯嘅中堅，但佢哋最需要嘅似乎係一位防線領袖，能夠得到侯姆斯回巢，算係唔錯嘅選擇。如果價錢喺2500萬歐元左右的話，筆者認為係買得過，而家多出嗰500萬，唯有當係「拜超價」。
Source: fcbayern.com、bvb.de
請按此登錄後留言。未成為會員? 立即註冊