里昂新星尼當比利 (Tanguy Ndombele) 受到唔少球會關注，其中有傳聞指英超球會熱刺有意喺今個夏天將佢收歸旗下，尼當比利就毫不避嫌，盛讚熱刺係「好歸宿」。
根據《Sky Sports》報導，熱刺已經同法甲里昂就尼當比利展開轉會談判，但談判進度只屬於初期。里昂球會主席 Jean-Michel Aulas 曾經表示，曼聯及曼城已向里昂問價，祖雲達斯亦對尼當比利有興趣，不過 Jean-Michel Aulas 認為只要祖雲達斯開出同樣條件，佢更願意將尼當比利賣到祖雲達斯，令呢位新星可以同前里昂球員比真歷 (Miralem Pjanić) 合作。
《Sky Sports》又指，熱刺早於2017-18球季已密切留意尼當比利，視佢為穆沙丹比利 (Mousa Dembele) 嘅替代品，但因為丹比利喺去年夏天留隊而暫時擱置。最終，丹比利於季中轉投中超球會廣州富力。
對於熱刺，尼當比利近日接受訪問時表示：
「毫無疑問，熱刺係一支偉大嘅球隊，一間大球會。佢哋喺英超以第四名完成，更加係歐聯決賽份子。
佢哋同其他大球會一樣，有邊個球員唔希望為呢啲大球會效力？」
22歲嘅尼當比利今季為里昂於各項賽事上陣49場，射入3球兼交出8個助攻。現時主要司職中場中路嘅佢，初出道時曾經踢右中場位置，擁有一定嘅盤球突破能力，上季於歐聯場均過人2.9次，亦擅長作出致命一傳。
Source: Sky Sports
根據《Sky Sports》報導，熱刺已經同法甲里昂就尼當比利展開轉會談判，但談判進度只屬於初期。里昂球會主席 Jean-Michel Aulas 曾經表示，曼聯及曼城已向里昂問價，祖雲達斯亦對尼當比利有興趣，不過 Jean-Michel Aulas 認為只要祖雲達斯開出同樣條件，佢更願意將尼當比利賣到祖雲達斯，令呢位新星可以同前里昂球員比真歷 (Miralem Pjanić) 合作。
《Sky Sports》又指，熱刺早於2017-18球季已密切留意尼當比利，視佢為穆沙丹比利 (Mousa Dembele) 嘅替代品，但因為丹比利喺去年夏天留隊而暫時擱置。最終，丹比利於季中轉投中超球會廣州富力。
對於熱刺，尼當比利近日接受訪問時表示：
「毫無疑問，熱刺係一支偉大嘅球隊，一間大球會。佢哋喺英超以第四名完成，更加係歐聯決賽份子。
佢哋同其他大球會一樣，有邊個球員唔希望為呢啲大球會效力？」
22歲嘅尼當比利今季為里昂於各項賽事上陣49場，射入3球兼交出8個助攻。現時主要司職中場中路嘅佢，初出道時曾經踢右中場位置，擁有一定嘅盤球突破能力，上季於歐聯場均過人2.9次，亦擅長作出致命一傳。
Source: Sky Sports
請按此登錄後留言。未成為會員? 立即註冊