拜仁慕尼黑中堅侯姆斯 (Mats Hummels) 三年前上演「愛回家」，由多蒙特重投母會拜仁慕尼黑。根據最新報導，多蒙特正與拜仁談判，希望再次將侯姆斯收歸旗下。
侯姆斯現年30歲，由7歲起已於拜仁慕尼黑青年軍受訓，後來成功升上一隊，但只得一次上陣機會，就被先借後賣到多蒙特。
效力蜜蜂軍團7個球季間（不計外借），侯姆斯逐漸成為球會兼德國國家隊後防大腦，更協助德國奪得2014世界盃冠軍。2016-17球季，侯姆斯以3500萬歐元轉會費，重投母會拜仁慕尼黑。
時至今日，德國隊主帥路維已明言，唔會再選召侯姆斯、謝路美保定及湯馬士梅拿；喺球會方面，拜仁已經花費合共1.15億歐元，簽下同為23歲法國國腳後衛嘅盧卡斯靴南迪斯 (Lucas Hernández) 及柏華特 (Benjamin Pavard) ，加上陣中蘇利 (Niklas Süle) 係球會兼德國隊重點栽培對象，侯姆斯已非不可或缺之人，而佢嘅拍檔謝路美保定更被主席漢尼斯「建議」離隊。
《Sky Sports》報導，指出多蒙特正與拜仁談判，希望再次收購侯姆斯，估計轉會費可達3000萬歐元，對拜仁而言絕對係唔錯嘅交易，亦會令謝路美保定得以留隊。多蒙特今季大好形勢下爭標失敗，三位中堅人選阿簡治、迪亞路、薩加度年輕缺乏經驗，多次喺重要賽事中犯錯，無疑係失敗原因之一，如邀得侯姆斯回巢統領防線，亦係好事。
如果侯姆斯再次加盟效力多年嘅多蒙特的話，將會係「愛回家續集」，先回家 (拜仁慕尼黑) ，再回家 (多蒙特) ，而佢嘅職業生涯只係喺兩間球會之中來回，十分特別。
Source: Sky Sports
侯姆斯現年30歲，由7歲起已於拜仁慕尼黑青年軍受訓，後來成功升上一隊，但只得一次上陣機會，就被先借後賣到多蒙特。
效力蜜蜂軍團7個球季間（不計外借），侯姆斯逐漸成為球會兼德國國家隊後防大腦，更協助德國奪得2014世界盃冠軍。2016-17球季，侯姆斯以3500萬歐元轉會費，重投母會拜仁慕尼黑。
時至今日，德國隊主帥路維已明言，唔會再選召侯姆斯、謝路美保定及湯馬士梅拿；喺球會方面，拜仁已經花費合共1.15億歐元，簽下同為23歲法國國腳後衛嘅盧卡斯靴南迪斯 (Lucas Hernández) 及柏華特 (Benjamin Pavard) ，加上陣中蘇利 (Niklas Süle) 係球會兼德國隊重點栽培對象，侯姆斯已非不可或缺之人，而佢嘅拍檔謝路美保定更被主席漢尼斯「建議」離隊。
《Sky Sports》報導，指出多蒙特正與拜仁談判，希望再次收購侯姆斯，估計轉會費可達3000萬歐元，對拜仁而言絕對係唔錯嘅交易，亦會令謝路美保定得以留隊。多蒙特今季大好形勢下爭標失敗，三位中堅人選阿簡治、迪亞路、薩加度年輕缺乏經驗，多次喺重要賽事中犯錯，無疑係失敗原因之一，如邀得侯姆斯回巢統領防線，亦係好事。
如果侯姆斯再次加盟效力多年嘅多蒙特的話，將會係「愛回家續集」，先回家 (拜仁慕尼黑) ，再回家 (多蒙特) ，而佢嘅職業生涯只係喺兩間球會之中來回，十分特別。
Source: Sky Sports
請按此登錄後留言。未成為會員? 立即註冊