《Sky Sports》於英國時間6月6日下午報導，皇家馬德里已經同車路士達成原則上共識，同意支付8800萬英鎊收購夏薩特。
28歲嘅夏薩特已效力車路士7年，近年已並非第一次與皇馬拉上關係，雙方早已「情投意合」，但皇馬等到今個夏天先正式作出行動，原因相信係同夏薩特與車路士嘅合約於明年夏天到期有關，令皇馬有信心以較低價錢提出收購。
喺上星期歐霸決賽，夏薩特協助車路士奪冠。賽後接受訪問時，「夏神」被記者追問前途問題，終於表示「相信今場係我喺車路士嘅告別賽。」佢又補充指，自己早已作出決定，一切只待兩間球會談判條件。
當時，《Sky Sports》報導指，車路士將夏薩特標價1.3億英鎊，但皇馬有信心以唔高於8,800萬鎊嘅價錢簽下夏薩特。今日《Sky Sports》報導轉會費金額正係8,800萬鎊，不過今次報導中加上"plus significant add-ons"字眼，估計車路士仍有可能要求皇馬增加浮動條款或轉售分成等額外條款。
截至執筆之時，交易仍未獲官方確認。
Source: Sky Sports
28歲嘅夏薩特已效力車路士7年，近年已並非第一次與皇馬拉上關係，雙方早已「情投意合」，但皇馬等到今個夏天先正式作出行動，原因相信係同夏薩特與車路士嘅合約於明年夏天到期有關，令皇馬有信心以較低價錢提出收購。
喺上星期歐霸決賽，夏薩特協助車路士奪冠。賽後接受訪問時，「夏神」被記者追問前途問題，終於表示「相信今場係我喺車路士嘅告別賽。」佢又補充指，自己早已作出決定，一切只待兩間球會談判條件。
當時，《Sky Sports》報導指，車路士將夏薩特標價1.3億英鎊，但皇馬有信心以唔高於8,800萬鎊嘅價錢簽下夏薩特。今日《Sky Sports》報導轉會費金額正係8,800萬鎊，不過今次報導中加上"plus significant add-ons"字眼，估計車路士仍有可能要求皇馬增加浮動條款或轉售分成等額外條款。
截至執筆之時，交易仍未獲官方確認。
Source: Sky Sports
請按此登錄後留言。未成為會員? 立即註冊