今年可以話係巴西球星尼馬嘅事非年，佢早前即使受傷無緣出戰PSG對曼聯嘅歐聯比賽，但喺場邊睇波嘅佢仍然因為網上發表侮辱球證言論而被歐洲足協罰停賽三場，缺席來季歐聯頭三場比賽；返到法國，PSG喺法國盃決賽輸俾雷恩，被球迷諷刺侮辱，尼馬按捺不住出手打人，又被法國足協停賽三場。最近，尼馬更惹上官非，被指涉嫌強姦。
根據《BBC》及《ESPN》報導，一名女子於巴西報案，指自己於巴黎遭到尼馬強姦。該名女子聲稱，自己於 Instagram 上與尼馬認識，尼馬後來與佢相約喺巴黎見面，更提供機票將佢由巴西送到巴黎一間豪華酒店。根據巴西警方文件，該名女子稱尼馬於5月15日去到呢間酒店相見，睇落已經飲醉咗，兩人傾談及擁抱，但尼馬後來違背女方意願，強行發生性行為。女事主於兩日後返到巴西，佢表示喺事發後太驚，唔敢喺法國報警，於是返到巴西先報警。
尼馬現已返回巴西參加巴國國家隊集訓，佢星期日於Instagram自拍一段短片作出自白，佢表示：「認識我嘅人都知道我為人，我絕對唔會咁做。」尼馬公開咗一系列與該名女性嘅短訊對話內容及相片，指該名女性曾經向佢發送裸露相片，暗示係你情我願，更暗示對方設局陷害佢。
但有關Instagram影片隨後已被刪除。
https://youtu.be/hMMjqc9BFog當然逃不過backup。
報導指，巴西警方亦會調查尼馬公開嘅訊息內容。
尼馬今次返回國家隊，隊長一職已經由老將丹尼爾艾維斯取代。主帥迪堤日前受訪時拒絕評論尼馬被控一事，只係話明白事件嚴重性，但自己只會衡量事實，又表示尼馬喺技術層面上係不可或缺，但唔代表佢係不可被替代。
最新報導指，巴西警方周一前往巴西國家隊集訓基地，向尼馬發出傳票，要求佢喺今個星期五出庭應訊。
Source: BBC、ESPN
根據《BBC》及《ESPN》報導，一名女子於巴西報案，指自己於巴黎遭到尼馬強姦。該名女子聲稱，自己於 Instagram 上與尼馬認識，尼馬後來與佢相約喺巴黎見面，更提供機票將佢由巴西送到巴黎一間豪華酒店。根據巴西警方文件，該名女子稱尼馬於5月15日去到呢間酒店相見，睇落已經飲醉咗，兩人傾談及擁抱，但尼馬後來違背女方意願，強行發生性行為。女事主於兩日後返到巴西，佢表示喺事發後太驚，唔敢喺法國報警，於是返到巴西先報警。
尼馬現已返回巴西參加巴國國家隊集訓，佢星期日於Instagram自拍一段短片作出自白，佢表示：「認識我嘅人都知道我為人，我絕對唔會咁做。」尼馬公開咗一系列與該名女性嘅短訊對話內容及相片，指該名女性曾經向佢發送裸露相片，暗示係你情我願，更暗示對方設局陷害佢。
但有關Instagram影片隨後已被刪除。
https://youtu.be/hMMjqc9BFog當然逃不過backup。
報導指，巴西警方亦會調查尼馬公開嘅訊息內容。
尼馬今次返回國家隊，隊長一職已經由老將丹尼爾艾維斯取代。主帥迪堤日前受訪時拒絕評論尼馬被控一事，只係話明白事件嚴重性，但自己只會衡量事實，又表示尼馬喺技術層面上係不可或缺，但唔代表佢係不可被替代。
引用“We say he is indispensable, we are not saying he is irreplaceable. He is indispensable, but nobody is irreplaceable.”
最新報導指，巴西警方周一前往巴西國家隊集訓基地，向尼馬發出傳票，要求佢喺今個星期五出庭應訊。
Source: BBC、ESPN
請按此登錄後留言。未成為會員? 立即註冊