因為髮型外貌而得到「維拉周柏豪」之稱嘅基亞利殊 (Jack Grealish)，當年喺英超鋒芒初露，已經被視為英格蘭未來中場大將，更有不少大球會對佢有興趣，但相信佢仍然會留喺阿士東維拉。
基亞利殊6歲加入阿士東維拉，喺2013-14球季，以17歲之齡代表阿士東維拉上演個人英超處子戰，自此備受注目。「維拉周柏豪」受到阿士東維拉重點栽培，不時給予機會，不過佢亦好似好多英格蘭「希望之星」一樣，一度出現紀律問題。2015年4月，基亞利殊被發現吸笑氣；同年11月，佢又被發現於球隊輸波後流連夜店；2016年，基亞利殊於酒店通宵開party，接受球隊內部紀律聆訊。不過基亞利殊現已成為展現領袖風範，不時戴起隊長臂章，幫助球隊於升班附加賽擊退打比郡，重返英超。
根據《Sky Sports》報導，英超球會熱刺一直對基亞利殊念念不望，於去年夏天已經三度出價求購，最高曾開出2,500萬英鎊轉會費，假若阿士東維拉今季未能成功「衝超」，熱刺勢必擁有更大籌碼，邀請基亞利殊加盟。
結果，阿士東維拉成功升上英超，雖然熱刺仍然對基亞利殊感到興趣，但《Sky Sports》消息指，23歲嘅基亞利殊決意留效母會，以隊長身分幫助球隊喺來季征戰英超。
過往唔少英格蘭新星不但紀律有問題，更嚴重自我膨脹，過早加盟豪門球會，例如積洛維等自加盟曼城後已不見蹤影。經一事長一智，基亞利殊隨維拉降落英冠，再協助母會重返英超，上年更與球隊簽下5年長約，應該避過揠苗助長嘅命運。
Source: Sky Sports
基亞利殊6歲加入阿士東維拉，喺2013-14球季，以17歲之齡代表阿士東維拉上演個人英超處子戰，自此備受注目。「維拉周柏豪」受到阿士東維拉重點栽培，不時給予機會，不過佢亦好似好多英格蘭「希望之星」一樣，一度出現紀律問題。2015年4月，基亞利殊被發現吸笑氣；同年11月，佢又被發現於球隊輸波後流連夜店；2016年，基亞利殊於酒店通宵開party，接受球隊內部紀律聆訊。不過基亞利殊現已成為展現領袖風範，不時戴起隊長臂章，幫助球隊於升班附加賽擊退打比郡，重返英超。
根據《Sky Sports》報導，英超球會熱刺一直對基亞利殊念念不望，於去年夏天已經三度出價求購，最高曾開出2,500萬英鎊轉會費，假若阿士東維拉今季未能成功「衝超」，熱刺勢必擁有更大籌碼，邀請基亞利殊加盟。
結果，阿士東維拉成功升上英超，雖然熱刺仍然對基亞利殊感到興趣，但《Sky Sports》消息指，23歲嘅基亞利殊決意留效母會，以隊長身分幫助球隊喺來季征戰英超。
過往唔少英格蘭新星不但紀律有問題，更嚴重自我膨脹，過早加盟豪門球會，例如積洛維等自加盟曼城後已不見蹤影。經一事長一智，基亞利殊隨維拉降落英冠，再協助母會重返英超，上年更與球隊簽下5年長約，應該避過揠苗助長嘅命運。
Source: Sky Sports
請按此登錄後留言。未成為會員? 立即註冊