曾經有戴巴拿、卡雲尼、柏斯托尼、盧卡東尼等球星於不同時期效力，意大利老牌球會巴勒莫 (Palermo) 今日竟然因為管理不善，而由天堂跌落地獄。
《ESPN》報導，意大利時間5月13日下午，意大利足協正式公布，意乙球會巴勒莫因為違規管理，違反財政規例，被罰降班至意丙。報導指出，已經擁有球會16年嘅巴勒莫球會主席 Maurizio Zamparini ，喺2018年12月以象徵式10歐元將球會出售與一間於倫敦註冊嘅匿名公司，指對方將為球會支付約2,280萬歐元債務及協助興建鄗球場及訓練中心，不過只係3個月後，Daniela De Angeli 及 Rino Foschi 呢兩位一直喺 Maurizio Zamparini 手下工作嘅球會管理層接收咗球會擁有權。
上季後降班到意乙嘅巴勒莫，今季喺意乙有捲土重來之勢，踢罷36輪聯賽，取得63分排第三位，本來已安排於5月22日出戰升班附加賽，爭取馬上返回意甲，豈料由天堂跌落地獄，來季將要到意丙作賽。巴勒莫仍可以就判決上訴，此舉將會令升班附加賽延期，但暫時未有相關消息。
如果判決維持的話，將會影響另外幾支意乙球隊「生死」，原本排名第9位嘅佩魯賈 (Perugia) 將會補上獲得升班附加賽資格，而原本要出戰護級附加賽嘅第15位威尼斯 (Venezia) ，將會逃出生天，原本必定降班嘅第17位霍治亞 (Foggia Calcio) ，就獲得護級附加賽資格，保留一線生機。
Source: ESPN
《ESPN》報導，意大利時間5月13日下午，意大利足協正式公布，意乙球會巴勒莫因為違規管理，違反財政規例，被罰降班至意丙。報導指出，已經擁有球會16年嘅巴勒莫球會主席 Maurizio Zamparini ，喺2018年12月以象徵式10歐元將球會出售與一間於倫敦註冊嘅匿名公司，指對方將為球會支付約2,280萬歐元債務及協助興建鄗球場及訓練中心，不過只係3個月後，Daniela De Angeli 及 Rino Foschi 呢兩位一直喺 Maurizio Zamparini 手下工作嘅球會管理層接收咗球會擁有權。
上季後降班到意乙嘅巴勒莫，今季喺意乙有捲土重來之勢，踢罷36輪聯賽，取得63分排第三位，本來已安排於5月22日出戰升班附加賽，爭取馬上返回意甲，豈料由天堂跌落地獄，來季將要到意丙作賽。巴勒莫仍可以就判決上訴，此舉將會令升班附加賽延期，但暫時未有相關消息。
如果判決維持的話，將會影響另外幾支意乙球隊「生死」，原本排名第9位嘅佩魯賈 (Perugia) 將會補上獲得升班附加賽資格，而原本要出戰護級附加賽嘅第15位威尼斯 (Venezia) ，將會逃出生天，原本必定降班嘅第17位霍治亞 (Foggia Calcio) ，就獲得護級附加賽資格，保留一線生機。
Source: ESPN
請按此登錄後留言。未成為會員? 立即註冊