比利時一對球星夏薩特兄弟好大機會將會喺今個暑假分別轉會，其中「細佬」杜根夏薩特 (Thorgan Hazard) 離隊已成定局，佢近日更承認已經自己已經選定目的地；「大佬」夏薩特 (Eden Hazard) 嘅去向就不如弟弟明朗，但佢希望前往馬德里，已經係球壇公開嘅秘密。
效力慕遜加柏嘅杜根夏薩特，轉眼已年滿26歲，正趨向大熟大勇之年，佢喺今個球季完結時就效力慕遜加柏四季，係時候尋求新挑戰。事實上，慕遜加柏體育總監艾比爾 (Max Eberl) 上月已經向傳媒透露，杜根夏薩特已經向球會表明唔會續約，而佢嘅合約喺明年夏天到期，因此球會必定會喺今個夏天將佢出售。
杜根夏薩特未知係唔係因為轉會問題而分心，入球數字踏入2019年顆粒無收，不過縱使如此，佢今季各項賽事出戰33場已貢獻12個入球、11個助攻，效率仍然不俗，已足夠吸引眾多豪門希望將佢收歸旗下，傳聞中大熱包括德甲「二哥」多蒙特、英超利物浦，甚至哥哥效力嘅車路士，若然杜根夏薩特喺哥哥離隊之際重返史丹福橋，一個夏薩特走，一個夏薩特嚟，將會成為一時佳話。
不過，杜根夏薩特最近接受訪問時，已親口證實自己心屬何處：「我希望接受新挑戰，而家只等待兩家球會談判條件。可能仲需要一啲時間，談判就係咁樣。冇錯，慕遜加柏而家同多蒙特傾緊。
我已經同多蒙特達成個人協議，而家決定權唔喺我手上，而係由球會決定。」
換言之，只要多蒙特同慕遜加柏喺轉會費上達成共識，就可以完成交易。根據較早前報導，慕遜加柏要求嘅轉會費報價喺4000萬歐元左右。多蒙特已經將陣中美國翼鋒普列錫賣到車路士，相信願意花費不少金錢獲取熟悉德甲環境嘅杜根夏薩特作為替代品。
順帶一提，其實「大佬」夏薩特 (Eden Hazard) 傳聞中嘅處境同弟弟有少少類似。根據早前西班牙傳媒《馬卡報》報導，夏薩特希望加盟皇家馬德里，皇馬主帥施丹亦已要求球會處理轉會，只要車路士與皇馬就轉會費達成協議，交易就會成事，但據報今夏將面臨轉會禁令嘅車路士，索價1.4億歐元轉會費，令談判存灰不少難度。不過，《馬卡報》最近更指出車路士與皇馬已經達成協議，喺球季完結後就會公布轉會。由於仍然係傳聞，所以只能拭目以待。
Source: Goal、DW、standard、DailyMail、Marca
效力慕遜加柏嘅杜根夏薩特，轉眼已年滿26歲，正趨向大熟大勇之年，佢喺今個球季完結時就效力慕遜加柏四季，係時候尋求新挑戰。事實上，慕遜加柏體育總監艾比爾 (Max Eberl) 上月已經向傳媒透露，杜根夏薩特已經向球會表明唔會續約，而佢嘅合約喺明年夏天到期，因此球會必定會喺今個夏天將佢出售。
杜根夏薩特未知係唔係因為轉會問題而分心，入球數字踏入2019年顆粒無收，不過縱使如此，佢今季各項賽事出戰33場已貢獻12個入球、11個助攻，效率仍然不俗，已足夠吸引眾多豪門希望將佢收歸旗下，傳聞中大熱包括德甲「二哥」多蒙特、英超利物浦，甚至哥哥效力嘅車路士，若然杜根夏薩特喺哥哥離隊之際重返史丹福橋，一個夏薩特走，一個夏薩特嚟，將會成為一時佳話。
不過，杜根夏薩特最近接受訪問時，已親口證實自己心屬何處：「我希望接受新挑戰，而家只等待兩家球會談判條件。可能仲需要一啲時間，談判就係咁樣。冇錯，慕遜加柏而家同多蒙特傾緊。
我已經同多蒙特達成個人協議，而家決定權唔喺我手上，而係由球會決定。」
換言之，只要多蒙特同慕遜加柏喺轉會費上達成共識，就可以完成交易。根據較早前報導，慕遜加柏要求嘅轉會費報價喺4000萬歐元左右。多蒙特已經將陣中美國翼鋒普列錫賣到車路士，相信願意花費不少金錢獲取熟悉德甲環境嘅杜根夏薩特作為替代品。
順帶一提，其實「大佬」夏薩特 (Eden Hazard) 傳聞中嘅處境同弟弟有少少類似。根據早前西班牙傳媒《馬卡報》報導，夏薩特希望加盟皇家馬德里，皇馬主帥施丹亦已要求球會處理轉會，只要車路士與皇馬就轉會費達成協議，交易就會成事，但據報今夏將面臨轉會禁令嘅車路士，索價1.4億歐元轉會費，令談判存灰不少難度。不過，《馬卡報》最近更指出車路士與皇馬已經達成協議，喺球季完結後就會公布轉會。由於仍然係傳聞，所以只能拭目以待。
Source: Goal、DW、standard、DailyMail、Marca
請按此登錄後留言。未成為會員? 立即註冊