阿積士一直以青訓聞名於世，今屆佢哋喺歐聯四強嘅對手熱刺陣中，兩大中堅艾達韋列特、維頓漢、新晉中堅戴雲遜山齊士、中場核心艾歷臣都曾經於阿積士青年軍受訓。今季阿積士成為歐聯黑馬，令到本來已經備受世界球壇注目嘅幾大新星，變得更炙手可熱，除咗法蘭基迪莊已落實季後加盟巴塞隆拿之外，年僅19歲嘅隊長迪列特 (Matthijs De Ligt) 亦係極大機會於今夏離隊嘅轉會市場大紅人。
前荷蘭國腳朗奴迪保亞 (Ronald de Boer) 現時於阿積士U19擔任助理主帥，佢對於迪列特嘅性情及風格想必十分了解，佢最近就為迪列特嘅前路提供建議，唔知年輕人會唔會考慮前輩嘅意見呢？
朗奴迪保亞接受《talkSport》訪問時表示：「在我睇嚟，一個19歲嘅阿積士隊長，喺荷蘭國家隊嘅拍檔係雲迪克，佢真係好強，好有決心爭勝，簡直不可思議。
你可以見到佢喺鏡頭面前接受訪問嘅神態，我從未見過一個19歲嘅年輕人可以咁樣。
佢有能力踢任何球隊。佢可以加盟一支進攻型球隊或者防守型球隊，因為佢真係好波。
佢可以輕易去到英超或者喺世界任何一個地方踢波。法蘭基迪莊已經確定會以7,500萬歐元轉會費加盟巴塞隆拿，價錢仲有可能上升到8,500萬歐元 (浮動條款) 。不過我個人認為，迪列特嘅質素同成功嘅可能仲喺法蘭基迪莊之上。
當然一切取決於迪列特自己，佢需要自己搵一支合適嘅球隊，同埋要知道自己想要啲乜。佢會想去一支踢得開心，經常保持球權嘅球隊？我覺得咁係好嘅。定係佢會揀一支放棄控球嘅球隊呢？
對我嚟講，巴塞、曼城或者利物浦——利物浦都鍾意用波——或者PSG，呢啲都係我建議佢去嘅球隊。當然，其他球隊例如熱刺都係值得效力嘅球隊。」
朗奴迪保亞多次提及英超、利物浦、雲迪克，《利物浦迴聲報》更直接以 "Matthijs de Ligt told to join Liverpool by Ajax coach as transfer speculation mounts" 為題，朗奴迪保亞話中之意呼之欲出啦。
不過，根據最近嘅轉會傳聞，迪列特嘅潛在下家，似乎以曼聯、巴塞呼聲較高，原因係傳聞球員本人屬意巴塞，但經理人就認為應該選擇曼聯。
Source: LiverpoolEcho、Sportbible
前荷蘭國腳朗奴迪保亞 (Ronald de Boer) 現時於阿積士U19擔任助理主帥，佢對於迪列特嘅性情及風格想必十分了解，佢最近就為迪列特嘅前路提供建議，唔知年輕人會唔會考慮前輩嘅意見呢？
朗奴迪保亞接受《talkSport》訪問時表示：「在我睇嚟，一個19歲嘅阿積士隊長，喺荷蘭國家隊嘅拍檔係雲迪克，佢真係好強，好有決心爭勝，簡直不可思議。
你可以見到佢喺鏡頭面前接受訪問嘅神態，我從未見過一個19歲嘅年輕人可以咁樣。
佢有能力踢任何球隊。佢可以加盟一支進攻型球隊或者防守型球隊，因為佢真係好波。
佢可以輕易去到英超或者喺世界任何一個地方踢波。法蘭基迪莊已經確定會以7,500萬歐元轉會費加盟巴塞隆拿，價錢仲有可能上升到8,500萬歐元 (浮動條款) 。不過我個人認為，迪列特嘅質素同成功嘅可能仲喺法蘭基迪莊之上。
當然一切取決於迪列特自己，佢需要自己搵一支合適嘅球隊，同埋要知道自己想要啲乜。佢會想去一支踢得開心，經常保持球權嘅球隊？我覺得咁係好嘅。定係佢會揀一支放棄控球嘅球隊呢？
對我嚟講，巴塞、曼城或者利物浦——利物浦都鍾意用波——或者PSG，呢啲都係我建議佢去嘅球隊。當然，其他球隊例如熱刺都係值得效力嘅球隊。」
朗奴迪保亞多次提及英超、利物浦、雲迪克，《利物浦迴聲報》更直接以 "Matthijs de Ligt told to join Liverpool by Ajax coach as transfer speculation mounts" 為題，朗奴迪保亞話中之意呼之欲出啦。
不過，根據最近嘅轉會傳聞，迪列特嘅潛在下家，似乎以曼聯、巴塞呼聲較高，原因係傳聞球員本人屬意巴塞，但經理人就認為應該選擇曼聯。
Source: LiverpoolEcho、Sportbible
請按此登錄後留言。未成為會員? 立即註冊