雖然足球員唔會好似賽馬咁講父系母系血統，但如果要講而家荷蘭球壇最家世顯赫嘅新一代球員，相信會係小古烈治，佢最近首次喺職業聯賽中上陣，唔知佢有冇繼承到家族嘅足球天分呢？
麥森古列治 (Maxim Gullit) 一睇就知係荷蘭足球名宿古列治嘅仔，原來佢媽媽嘅家族都同荷蘭足球有關係。麥森古列治嘅媽媽 Estelle Cruyff (與古烈治已離異) 正係荷蘭球王告魯夫 (Johan Cruyff) 嘅侄女，所以麥森其實係告魯夫嘅外侄孫。
今年17歲嘅麥森古列治，本來效力於阿姆斯特丹 (Amsterdamsche FC) 青年軍，2017年更上一層樓轉投到阿爾克馬爾青年軍，自此逐級跳，先喺今季中段由阿爾克馬爾U17升至U19，為U19上陣21場，最近再跳升到阿爾克馬爾二隊。喺荷蘭足球系統入面，阿爾克馬爾二隊參加荷乙聯賽，所以麥森古列治將有機會出戰職業聯賽。國家隊方面，佢已經為荷蘭U19上陣接近20次。
喺今個星期一嘅荷乙賽事中，位處下游嘅阿爾克馬爾二隊，作客面對榜首嘅川迪。麥森古列治喺比賽71分鐘，後備登場，完成咗個人生涯首場職業比賽。同爸爸古列治、外叔公告魯夫都唔同，麥森古列治踢嘅位置係左閘/中堅，今季主要踢左閘位，佢今場後備上陣成功協助阿爾克馬爾二隊對榜首川迪保持不失，賽和0-0。
56歲嘅「大」古烈治本人當然都為囝囝上演「地標戰」感到興奮，佢喺instagram貼咗自己年輕時嘅相片同囝囝嘅相片，話自己嘅「地標戰」已經係40年前，今次睇住個仔跟隨自己腳步成為足球員，為佢而驕傲，仲好緊張㖭！
Source: DailyMail
麥森古列治 (Maxim Gullit) 一睇就知係荷蘭足球名宿古列治嘅仔，原來佢媽媽嘅家族都同荷蘭足球有關係。麥森古列治嘅媽媽 Estelle Cruyff (與古烈治已離異) 正係荷蘭球王告魯夫 (Johan Cruyff) 嘅侄女，所以麥森其實係告魯夫嘅外侄孫。
今年17歲嘅麥森古列治，本來效力於阿姆斯特丹 (Amsterdamsche FC) 青年軍，2017年更上一層樓轉投到阿爾克馬爾青年軍，自此逐級跳，先喺今季中段由阿爾克馬爾U17升至U19，為U19上陣21場，最近再跳升到阿爾克馬爾二隊。喺荷蘭足球系統入面，阿爾克馬爾二隊參加荷乙聯賽，所以麥森古列治將有機會出戰職業聯賽。國家隊方面，佢已經為荷蘭U19上陣接近20次。
喺今個星期一嘅荷乙賽事中，位處下游嘅阿爾克馬爾二隊，作客面對榜首嘅川迪。麥森古列治喺比賽71分鐘，後備登場，完成咗個人生涯首場職業比賽。同爸爸古列治、外叔公告魯夫都唔同，麥森古列治踢嘅位置係左閘/中堅，今季主要踢左閘位，佢今場後備上陣成功協助阿爾克馬爾二隊對榜首川迪保持不失，賽和0-0。
56歲嘅「大」古烈治本人當然都為囝囝上演「地標戰」感到興奮，佢喺instagram貼咗自己年輕時嘅相片同囝囝嘅相片，話自己嘅「地標戰」已經係40年前，今次睇住個仔跟隨自己腳步成為足球員，為佢而驕傲，仲好緊張㖭！
Source: DailyMail
請按此登錄後留言。未成為會員? 立即註冊