相信好多球迷以前都有玩過Winning Eleven，入面嘅Master League模式紅極一時，其中一個特別嘅設定，就係一啲老球星退休之後，會搖身一變，「重生」成為年輕球員，又可以再升過。今次呢個情況喺現實中以類似形式發生，就喺前保頓門神積斯基拿倫(Jussi Jääskeläinen) 退役一年後，積斯基拿倫嘅名字又再喺龍門前面出現。
啱啱呢個星期五係基督教節日中嘅 Good Friday 耶穌受難日，咁啱4月19日係前保頓門神積斯基拿倫嘅生日，佢今年已經44歲。"Good Friday" 本身唔係咁理解，但今年呢一日對積斯基拿倫嚟講就係真正good Friday，除咗生日之外，佢囝囝威爾積斯基拿倫 (Will Jääskeläinen) 喺呢一晚上演咗生涯第一場職業比賽，而且佢嘅位置亦係一名門將。
20歲嘅威爾積斯基拿倫曾經喺爸爸嘅成名地保頓，效力青年軍。去到兩年前，威爾為求早日得到一隊上陣機會，轉投較低組別嘅克魯 (Crewe Alexandra)，經過4次外借。早前，由於克魯次席門將戴維李察士 (Dave Richards) 需要做手術，克魯提早將威爾收回，成為次席門將候命。作為年輕門將，佢嘅能力受到克魯主帥大衛阿堤爾 (David Artell) 嘅認可，克魯主帥早前已經明言，對威爾十分有信心，因此先會不斷將佢外借，等佢早日吸收更多上陣經驗，現時球隊需要佢所以將佢收回，自己準備隨時將佢派上陣。
今個星期，威爾終於為克魯喺英乙正選上陣，係佢個人生涯首次於職業聯賽上陣 (威爾外借到南特域治 Nantwich Town 期間曾經為球隊上陣，但南特域治只屬英格蘭第7級別聯賽半職業球隊)。佢協助球隊保持不失，以2-0擊敗伊奧維 (Yeovil Town)，更有一次神撲，成為今仗嘅 Man of the Match。
威爾接受訪問時就十分得體，首先感謝球迷為佢打氣，對佢有信心，同時感謝幾位前輩喺賽前不斷同佢傾談，幫助佢穩定情緒。威爾又話，好高興今日家人有到場支持，佢喺早上同爸爸傾計，爸爸只對佢講" good luck" ，佢認為爸爸一直唔會介入佢嘅足球生涯，只會做爸爸嘅角色。
爸爸「老」積斯基拿倫曾經喺1997-2012年效力保頓，多次力挽狂瀾，係保頓當年長期留喺英超嘅功臣，佢生涯為保頓上陣474次，後來轉投韋斯咸同領隊艾拿戴斯重逢。2017年離開韋根之後，積斯基拿倫去到印度效力ATK 一季後退役，現時喺第5組別嘅域士咸 (Wrexham)擔任門將教練。積斯基拿倫生涯為芬蘭國家隊上陣56次，佢早喺2010年已經退出國家隊。
比賽精華
https://www.youtube.com/watch?v=m2te5JGztww
Source: https://www.cheshire-live.co.uk/sport/football/interview-jaaskelainen-crewe-alex-debut-16156934
https://www.cheshire-live.co.uk/sport/football/crewe-alex-i-every-faith-16013464
啱啱呢個星期五係基督教節日中嘅 Good Friday 耶穌受難日，咁啱4月19日係前保頓門神積斯基拿倫嘅生日，佢今年已經44歲。"Good Friday" 本身唔係咁理解，但今年呢一日對積斯基拿倫嚟講就係真正good Friday，除咗生日之外，佢囝囝威爾積斯基拿倫 (Will Jääskeläinen) 喺呢一晚上演咗生涯第一場職業比賽，而且佢嘅位置亦係一名門將。
20歲嘅威爾積斯基拿倫曾經喺爸爸嘅成名地保頓，效力青年軍。去到兩年前，威爾為求早日得到一隊上陣機會，轉投較低組別嘅克魯 (Crewe Alexandra)，經過4次外借。早前，由於克魯次席門將戴維李察士 (Dave Richards) 需要做手術，克魯提早將威爾收回，成為次席門將候命。作為年輕門將，佢嘅能力受到克魯主帥大衛阿堤爾 (David Artell) 嘅認可，克魯主帥早前已經明言，對威爾十分有信心，因此先會不斷將佢外借，等佢早日吸收更多上陣經驗，現時球隊需要佢所以將佢收回，自己準備隨時將佢派上陣。
今個星期，威爾終於為克魯喺英乙正選上陣，係佢個人生涯首次於職業聯賽上陣 (威爾外借到南特域治 Nantwich Town 期間曾經為球隊上陣，但南特域治只屬英格蘭第7級別聯賽半職業球隊)。佢協助球隊保持不失，以2-0擊敗伊奧維 (Yeovil Town)，更有一次神撲，成為今仗嘅 Man of the Match。
威爾接受訪問時就十分得體，首先感謝球迷為佢打氣，對佢有信心，同時感謝幾位前輩喺賽前不斷同佢傾談，幫助佢穩定情緒。威爾又話，好高興今日家人有到場支持，佢喺早上同爸爸傾計，爸爸只對佢講" good luck" ，佢認為爸爸一直唔會介入佢嘅足球生涯，只會做爸爸嘅角色。
爸爸「老」積斯基拿倫曾經喺1997-2012年效力保頓，多次力挽狂瀾，係保頓當年長期留喺英超嘅功臣，佢生涯為保頓上陣474次，後來轉投韋斯咸同領隊艾拿戴斯重逢。2017年離開韋根之後，積斯基拿倫去到印度效力ATK 一季後退役，現時喺第5組別嘅域士咸 (Wrexham)擔任門將教練。積斯基拿倫生涯為芬蘭國家隊上陣56次，佢早喺2010年已經退出國家隊。
比賽精華
https://www.youtube.com/watch?v=m2te5JGztww
Source: https://www.cheshire-live.co.uk/sport/football/interview-jaaskelainen-crewe-alex-debut-16156934
https://www.cheshire-live.co.uk/sport/football/crewe-alex-i-every-faith-16013464
請按此登錄後留言。未成為會員? 立即註冊