正所謂「十年人事幾番新」，昔日曼聯左右翼鋒「左楊右華」，近幾個球季已經變成左右二閘，被選為曼聯隊長嘅華倫西亞 (Antonio Valencia) 今季更已甚少喺比賽中上陣。的確，佢現時已經33歲，今年暑假就會年滿34歲，喺紅魔鬼陣中淡出已經係可以預期。最近，曼聯主帥蘇斯克查對外證實咗華倫西亞將會離隊嘅消息。
根據《BBC》報導，曼聯主帥蘇斯克查向傳媒表示，佢最近正在思索球隊下季陣容，有部分球員將會離開，同時認為部分球員需要用表現說服球會將佢哋留低，同時佢已經考慮緊新任隊長嘅人選，因為現任隊長華倫西亞肯定會喺季尾離隊：
「喺過去一段日子，我哋有華倫西亞擔任隊長，但佢將會離隊。我哋仲有艾殊利楊格、普巴、迪基亞、史摩寧，做過場上隊長，佢哋都係可以喺球場上擔任隊長嘅人選。我哋只需要決定邊一個係場內場外都可以領導大家嘅人。」
另外，蘇斯克查又稱，嚟緊曼聯將會喺歐聯八強次回合作客巴塞隆拿，呢場比賽將會係一場惡戰，佢需要球員挺身而出，用表現證明自己，佢將會喺球季末段開始作出艱難嘅決定，篩選來季合適留隊嘅陣容：「我哋需要可以幫助我哋更上一層樓嘅球員。呢度將會係強者生存、適者生存，我哋喺呢件事上就係需要咁無情。
我哋希望見到球員企出嚟，用表現說明『我想成為球隊一分子』，費特同埋麥湯文尼之前就曾經挺身而出，我哋正正希望所有其他球員都咁做。」
2009年夏天加盟曼聯嘅華倫西亞，轉眼已效力球隊接近10年，為紅魔鬼上陣338場，貢獻25入球、62助攻，佢今季只喺各項賽事上陣8場。根據最近傳聞，前曼聯隊長朗尼效力嘅華盛頓聯 (DC United) 可能會招攬華倫西亞，並向佢開出2年合約，相關傳聞更被華倫西亞官方twitter帳戶轉載……
Source: BBC、mlssoccer.com
根據《BBC》報導，曼聯主帥蘇斯克查向傳媒表示，佢最近正在思索球隊下季陣容，有部分球員將會離開，同時認為部分球員需要用表現說服球會將佢哋留低，同時佢已經考慮緊新任隊長嘅人選，因為現任隊長華倫西亞肯定會喺季尾離隊：
「喺過去一段日子，我哋有華倫西亞擔任隊長，但佢將會離隊。我哋仲有艾殊利楊格、普巴、迪基亞、史摩寧，做過場上隊長，佢哋都係可以喺球場上擔任隊長嘅人選。我哋只需要決定邊一個係場內場外都可以領導大家嘅人。」
另外，蘇斯克查又稱，嚟緊曼聯將會喺歐聯八強次回合作客巴塞隆拿，呢場比賽將會係一場惡戰，佢需要球員挺身而出，用表現證明自己，佢將會喺球季末段開始作出艱難嘅決定，篩選來季合適留隊嘅陣容：「我哋需要可以幫助我哋更上一層樓嘅球員。呢度將會係強者生存、適者生存，我哋喺呢件事上就係需要咁無情。
我哋希望見到球員企出嚟，用表現說明『我想成為球隊一分子』，費特同埋麥湯文尼之前就曾經挺身而出，我哋正正希望所有其他球員都咁做。」
2009年夏天加盟曼聯嘅華倫西亞，轉眼已效力球隊接近10年，為紅魔鬼上陣338場，貢獻25入球、62助攻，佢今季只喺各項賽事上陣8場。根據最近傳聞，前曼聯隊長朗尼效力嘅華盛頓聯 (DC United) 可能會招攬華倫西亞，並向佢開出2年合約，相關傳聞更被華倫西亞官方twitter帳戶轉載……
Source: BBC、mlssoccer.com
請按此登錄後留言。未成為會員? 立即註冊