贏波從來都係好事，所謂「慘勝」，意思係自己付出沉重代價而取得勝利，英超球隊熱刺喺歐聯八強碰上曼城，首回合喺主場以1-0擊敗對手，但主力射手哈利簡尼喺比賽中受傷離場，賽後被拍到撐拐杖離開，熱刺最新公布球隊傷情，表示兩名大將同告受傷。
哈利簡尼於歐聯八強首回合賽事中，因為攔截曼城後衛戴夫而自己觸傷腳踝，需要被換出，賽後更被拍下撐著拐杖離開球場嘅片段，傷勢似乎頗重。
熱刺官方發布新聞稿，證實哈利簡尼左腳踝筋腱嚴重受傷，暫時未能判斷復出日期。不過，熱刺於今季英超只餘下六輪比賽，難怪《每日電訊報》稱哈利簡尼已經提早收咧。事實上，熱刺主帥普捷天奴喺賽後訪問中已表示有咁嘅可能性。
除咗哈利簡尼，熱刺陣中另一名英格蘭籍大將迪利阿里，亦被發現左手骨裂，但相信問題唔太嚴重。熱刺官方表示，仍會繼續檢驗迪利阿里傷勢，考慮佢可唔可以喺今個周末對哈特斯菲嘅比賽。
根據《BBC》報導，較為慶幸嘅係熱刺今季各項賽事中有8場缺少哈利簡尼，勝率仍有66.7%，甚至比哈利簡尼在陣嘅61.5%高，至於場均入球數字就同樣有1.9球。當然，由於smaple size問題，唔可以話熱刺喺哈利簡尼缺陣時表現更出色，但起碼證明佢嘅缺陣問題未至於太大，原因相信係同孫興民嘅爆發有關。
不過，熱刺缺少兩名大將之下，雖然喺英超爭奪前四位置，佢哋暫時正位列第四，但只領先第六位嘅曼聯3分，而且仍然要喺聯賽對曼城。歐聯方面，熱刺首回合主場僅以一球小勝曼城，對於次回合作客曼城而言，呢個一球優勢只係聊勝於無。
Source: TottenhamHotspur、Sky Sports、BBC、Telegraph
哈利簡尼於歐聯八強首回合賽事中，因為攔截曼城後衛戴夫而自己觸傷腳踝，需要被換出，賽後更被拍下撐著拐杖離開球場嘅片段，傷勢似乎頗重。
熱刺官方發布新聞稿，證實哈利簡尼左腳踝筋腱嚴重受傷，暫時未能判斷復出日期。不過，熱刺於今季英超只餘下六輪比賽，難怪《每日電訊報》稱哈利簡尼已經提早收咧。事實上，熱刺主帥普捷天奴喺賽後訪問中已表示有咁嘅可能性。
除咗哈利簡尼，熱刺陣中另一名英格蘭籍大將迪利阿里，亦被發現左手骨裂，但相信問題唔太嚴重。熱刺官方表示，仍會繼續檢驗迪利阿里傷勢，考慮佢可唔可以喺今個周末對哈特斯菲嘅比賽。
根據《BBC》報導，較為慶幸嘅係熱刺今季各項賽事中有8場缺少哈利簡尼，勝率仍有66.7%，甚至比哈利簡尼在陣嘅61.5%高，至於場均入球數字就同樣有1.9球。當然，由於smaple size問題，唔可以話熱刺喺哈利簡尼缺陣時表現更出色，但起碼證明佢嘅缺陣問題未至於太大，原因相信係同孫興民嘅爆發有關。
不過，熱刺缺少兩名大將之下，雖然喺英超爭奪前四位置，佢哋暫時正位列第四，但只領先第六位嘅曼聯3分，而且仍然要喺聯賽對曼城。歐聯方面，熱刺首回合主場僅以一球小勝曼城，對於次回合作客曼城而言，呢個一球優勢只係聊勝於無。
Source: TottenhamHotspur、Sky Sports、BBC、Telegraph
請按此登錄後留言。未成為會員? 立即註冊