有人話「成功需父幹」，當然由上一代嘅基礎輔助，下一代嘅理應冇咁辛苦，例如好多球星都會將下一代帶到所屬大球會青訓營學踢波，但平常小朋友就可能要爭餐飽先有咁嘅機會。呢啲做法係人之常情，邊個唔想將最好嘅嘢俾下一代呢？不過，有時頂住某某球星個仔嘅名號，可能令本身有潛質嘅囝囝倍感壓力，活喺爸爸嘅陰影之下，一舉手一投足都被拎嚟比較，又或者被質疑得到機會純粹只係靠「父幹」。
所以，有人就反其道而行。巴西球星朗拿甸奴 (Ronaldinho Gaúcho / Ronaldo de Assis Moreira) 嘅14歲囝囝，當初正係以普通人身分進入巴西老牌球會高士路受訓。球星爸爸通常都會運用自己關係，將囝囝帶到一啲大球會受訓，事實上朗拿甸奴都曾經將囝囝祖奧文迪斯 (João Mendes de Assis Moreira) 帶到巴黎聖日耳門位於巴西嘅青訓基地受訓，不過唔知係唔係囝囝年紀漸長，開始懂事，想喺巴西本土球會憑自己實力闖出一片天，於是佢以普通人嘅身份進入高士路青訓。
作為傳統足球強國，呢啲巴西老牌球會嘅青訓系統競爭十分激烈，高士路曾經出產過無數巴西球星，其中最為人熟悉嘅當然係「大哨」朗拿度，「大哨」喺高士路出道一嗚驚人，然後前往PSV燕豪芬開始歐洲之旅。祖奧文迪斯正係喺呢間球會，隻字不提父親身份嘅情況下，得到球會賞識。
高士路喺官方網站公布同祖奧文迪斯簽下一份5年長約，代表佢將會留效至19歲。當然，祖奧文迪斯嚟到高士路試腳已經係上年嘅事，報導指佢係憑自己努力贏得合同，但由球會新聞稿中得知，球會而家已經知道佢爸爸就係朗拿甸奴，呢個關係對佢今日得到合約有幾大幫助，我哋唔會知道，但起碼可以推斷出祖奧文迪斯應該係一個腳踏實地、作風低調嘅年輕球員，而且唔係咁多「星二代」可以得到呢個待遇，都足以證明佢真係有實力。
高士路官網聲明中，對呢位司職輔鋒嘅年輕球員讚不絕口，佢哋表示祖奧文迪斯係一位高大 (1.78米)，同時擁有速度及優秀腳法嘅球員，更有出色埋門能力，可以擔任中鋒或輔鋒，球會十分睇好佢嘅潛質，認為佢喺不久嘅將來就可以融入一隊。祖奧文迪斯就話感謝神，同埋感謝球會給予機會。
Source: Cruzeiro、Goal
所以，有人就反其道而行。巴西球星朗拿甸奴 (Ronaldinho Gaúcho / Ronaldo de Assis Moreira) 嘅14歲囝囝，當初正係以普通人身分進入巴西老牌球會高士路受訓。球星爸爸通常都會運用自己關係，將囝囝帶到一啲大球會受訓，事實上朗拿甸奴都曾經將囝囝祖奧文迪斯 (João Mendes de Assis Moreira) 帶到巴黎聖日耳門位於巴西嘅青訓基地受訓，不過唔知係唔係囝囝年紀漸長，開始懂事，想喺巴西本土球會憑自己實力闖出一片天，於是佢以普通人嘅身份進入高士路青訓。
作為傳統足球強國，呢啲巴西老牌球會嘅青訓系統競爭十分激烈，高士路曾經出產過無數巴西球星，其中最為人熟悉嘅當然係「大哨」朗拿度，「大哨」喺高士路出道一嗚驚人，然後前往PSV燕豪芬開始歐洲之旅。祖奧文迪斯正係喺呢間球會，隻字不提父親身份嘅情況下，得到球會賞識。
高士路喺官方網站公布同祖奧文迪斯簽下一份5年長約，代表佢將會留效至19歲。當然，祖奧文迪斯嚟到高士路試腳已經係上年嘅事，報導指佢係憑自己努力贏得合同，但由球會新聞稿中得知，球會而家已經知道佢爸爸就係朗拿甸奴，呢個關係對佢今日得到合約有幾大幫助，我哋唔會知道，但起碼可以推斷出祖奧文迪斯應該係一個腳踏實地、作風低調嘅年輕球員，而且唔係咁多「星二代」可以得到呢個待遇，都足以證明佢真係有實力。
高士路官網聲明中，對呢位司職輔鋒嘅年輕球員讚不絕口，佢哋表示祖奧文迪斯係一位高大 (1.78米)，同時擁有速度及優秀腳法嘅球員，更有出色埋門能力，可以擔任中鋒或輔鋒，球會十分睇好佢嘅潛質，認為佢喺不久嘅將來就可以融入一隊。祖奧文迪斯就話感謝神，同埋感謝球會給予機會。
Source: Cruzeiro、Goal
請按此登錄後留言。未成為會員? 立即註冊