41歲意大利門將保方老當益壯，仍未有接近退役跡象，球迷經常開玩笑，指現時所有意大利門將新星例如當拿隆馬掛靴時，保方仍然為意大利把守大門。假如球迷希望保方可以好好休息的話，就絕對唔可以俾佢睇到以下呢單新聞。
《BBC》報導，近日一位以色列門將以73歲高齡，於一場職業比賽中上陣，打破健力士世界紀錄，成為世上最年長球員於職業賽上陣 (the world's oldest player to take part in a professional game)。事實上，佢即將年滿74歲。
喺一啲低組別賽事中，不時都會有上咗年紀嘅前職業球員亮相，50幾歲都唔出奇，不過年過70歲仲擔任守門員，就十分罕見。今次主角名為Isaak Hayik，佢日前喺以色列第四組別聯賽Liga Bet South A中，代表Ironi Or Yehuda正選上陣把守大門，踢足90分鐘。
雖然老門將嘅球隊最終以1-5敗陣，但有報導指現場觀眾對佢嘅表現讚譽有加，佢喺比賽中作出幾個出色撲救，可惜暫時未搵到相關片段，Isaak Hayik賽後接受訪問時就表示自己準備好再踢另一場比賽。老門將嘅36歲兒子就形容父親嘅成就令人難以置信，又開玩笑指自己同爸爸踢波時，通常都係自己攰先過爸爸。
Isaak Hayik喺比賽後，接過健力士世界紀錄頒發證書，證明佢係現時世上最年長於正式賽事中上陣嘅球員，而呢項紀錄嘅上一任保持者係烏拉圭球員Robert Carmona，佢喺2015年以53步之齡為球隊Pan de Azucar 正選上陣。現時世上最年長嘅職業球員，就係52歲嘅「日本國寶」三浦知良。
另外，英格蘭亦有一位79歲嘅門將踢業餘聯賽，呢位名叫Colin Lee嘅前空軍老兵，現時間中會喺業餘聯賽中同自己50歲嘅兒子及21步嘅孫一齊踢波。 (Yahoo Sports UK: "Britain's oldest goalkeeper has been playing football since 1949 but insists: 'I’ve got no plans to stop!'")
Source: BBC、Sportbible
《BBC》報導，近日一位以色列門將以73歲高齡，於一場職業比賽中上陣，打破健力士世界紀錄，成為世上最年長球員於職業賽上陣 (the world's oldest player to take part in a professional game)。事實上，佢即將年滿74歲。
喺一啲低組別賽事中，不時都會有上咗年紀嘅前職業球員亮相，50幾歲都唔出奇，不過年過70歲仲擔任守門員，就十分罕見。今次主角名為Isaak Hayik，佢日前喺以色列第四組別聯賽Liga Bet South A中，代表Ironi Or Yehuda正選上陣把守大門，踢足90分鐘。
雖然老門將嘅球隊最終以1-5敗陣，但有報導指現場觀眾對佢嘅表現讚譽有加，佢喺比賽中作出幾個出色撲救，可惜暫時未搵到相關片段，Isaak Hayik賽後接受訪問時就表示自己準備好再踢另一場比賽。老門將嘅36歲兒子就形容父親嘅成就令人難以置信，又開玩笑指自己同爸爸踢波時，通常都係自己攰先過爸爸。
Isaak Hayik喺比賽後，接過健力士世界紀錄頒發證書，證明佢係現時世上最年長於正式賽事中上陣嘅球員，而呢項紀錄嘅上一任保持者係烏拉圭球員Robert Carmona，佢喺2015年以53步之齡為球隊Pan de Azucar 正選上陣。現時世上最年長嘅職業球員，就係52歲嘅「日本國寶」三浦知良。
另外，英格蘭亦有一位79歲嘅門將踢業餘聯賽，呢位名叫Colin Lee嘅前空軍老兵，現時間中會喺業餘聯賽中同自己50歲嘅兒子及21步嘅孫一齊踢波。 (Yahoo Sports UK: "Britain's oldest goalkeeper has been playing football since 1949 but insists: 'I’ve got no plans to stop!'")
Source: BBC、Sportbible
請按此登錄後留言。未成為會員? 立即註冊