英超升班馬狼隊今季成績非常可人，有別於另一支升班馬富咸豪花超過一億英鎊 (1.008億鎊) 仍然提早降班，狼隊今季喺轉會窗上花費大約相同 (1.0103億鎊)，但就憑藉葡萄牙超級經理人文迪斯 (Jorge Mendes) 嘅網絡，買入多名好使好用嘅球員，包括祖奧莫天奴等「葡萄牙幫」，現時聯賽排名高據第七位，同富咸相映成趣。
狼隊其中一位今季引入嘅「筍貨」，係只以300萬鎊借用費，由葡超賓菲加借來魯爾占美尼斯 (Raúl Jiménez) 。呢位27歲墨西哥前鋒對狼隊今季嘅發揮可謂舉足輕重，因為佢喺聯賽上陣32場，已貢獻12入球7助攻，參與狼隊50%入球。值得留意，12個入球，喺英超射手榜上能夠排上並列第10位，而入球比魯爾占美尼斯多嘅非「Big 6」球員，就只有占美華迪 (13球)；7個助攻亦係英超助攻榜並列第8位。
魯爾占美尼斯除咗擅長作為前場支點停球之外，亦可以傳出致命一傳，同時能夠協助球隊進行前場逼搶，更唔可以忘記佢連入球數字上亦屬於英超第10位，佢嘅作為配合型前鋒，能力類似於車路士嘅基奧特，名氣稍遜，入球能力稍強，但踢法更靈活得多，甚至可以拉邊接應。因此，狼隊首要任務就係正式買斷呢位借將。
狼隊喺英國時間4月4日公布，以3,000萬英鎊，向賓菲加啟動魯爾占美尼斯合約買斷條款，同時得到魯爾占美尼斯同意個人條件，喺下季正式加盟，簽約至2023年。3,000萬英鎊亦係狼隊球會史上最高轉會費，佢哋早前嘅紀錄係以1,800萬鎊購入「快馬」艾達馬查奧爾。
「球王片」:
https://www.youtube.com/watch?v=MjDQEXH8CVo
Source: Sky Sports
狼隊其中一位今季引入嘅「筍貨」，係只以300萬鎊借用費，由葡超賓菲加借來魯爾占美尼斯 (Raúl Jiménez) 。呢位27歲墨西哥前鋒對狼隊今季嘅發揮可謂舉足輕重，因為佢喺聯賽上陣32場，已貢獻12入球7助攻，參與狼隊50%入球。值得留意，12個入球，喺英超射手榜上能夠排上並列第10位，而入球比魯爾占美尼斯多嘅非「Big 6」球員，就只有占美華迪 (13球)；7個助攻亦係英超助攻榜並列第8位。
魯爾占美尼斯除咗擅長作為前場支點停球之外，亦可以傳出致命一傳，同時能夠協助球隊進行前場逼搶，更唔可以忘記佢連入球數字上亦屬於英超第10位，佢嘅作為配合型前鋒，能力類似於車路士嘅基奧特，名氣稍遜，入球能力稍強，但踢法更靈活得多，甚至可以拉邊接應。因此，狼隊首要任務就係正式買斷呢位借將。
狼隊喺英國時間4月4日公布，以3,000萬英鎊，向賓菲加啟動魯爾占美尼斯合約買斷條款，同時得到魯爾占美尼斯同意個人條件，喺下季正式加盟，簽約至2023年。3,000萬英鎊亦係狼隊球會史上最高轉會費，佢哋早前嘅紀錄係以1,800萬鎊購入「快馬」艾達馬查奧爾。
「球王片」:
https://www.youtube.com/watch?v=MjDQEXH8CVo
Source: Sky Sports
請按此登錄後留言。未成為會員? 立即註冊