正所謂「人衰行路打倒褪」，黑起上嚟咩都有可能發生。對球員嚟講，受傷都係其中一樣最黑仔嘅事，雖然以下呢位球員嘅受傷，遠遠不及曾經聽過嘅因為拎電視遙控拉親 (羅比堅尼、古迪仙尼、大衛占士、施文) 、因為剃腳毛而發炎 (阿辛斯奧) 等等受傷原因離奇，但都有啲意想不到，佢係因為射12碼受傷嘅。
最近一場葡超比賽，布拉加對波圖，客軍波圖以3-2擊敗布拉加，同賓菲加同分，以得失球差屈居次席。葡超嘅戰況未必太多人有興趣，不過今次故事嘅主角阿歷士迪尼斯 (Alex Telles) 就值得大家留意，因為佢來季有機會加盟西甲嘅馬德里體育會，仲係新晉嘅巴西國腳，前途無可限量。
可惜佢就唔係咁好彩，呢位左閘喺69分鐘為波圖主射關鍵12碼，當時球隊正以1-2落後，射入就可以為球隊追平。事實上，迪尼斯不負所托，助跑狂抽破網，最終球隊憑呢球追平及後反勝，但佢喺入波之後竟然起唔到身慶祝。睇多次射門片段，發現佢呢腳抽得太「應棍」，成個動作去勢太猛，因此懷疑嚴重拉傷。
https://i.imgur.com/SUksLAG.gif
睇佢嘅表情同反應就知道今次受傷應該好嚴重，而佢喺接受治療之後就被換出。賽後，葡萄牙傳媒報導，指迪尼斯臀部肌肉撕裂，歸期未定，但極大機會缺席對利物浦嘅歐聯8強賽事。波圖主帥就喺賽後表示，將要為阿歷士迪尼斯進行更詳細檢查，但初步觀察毫不樂觀。
26歲嘅阿歷士迪尼斯2014年由巴西甘美奧前往土耳其效力加拉塔沙雷，2015-16球季以外借方式加盟國際米蘭，2016-17球季起效力波圖，今季各項賽事已射入5球、交出10個助攻，外間對佢嘅腳下技術、速度及創造力大致好評。
根據《馬卡報》報導，馬德里體育會希望一併將波圖中場赫達靴里拉 (Hector Herrera) 及阿歷士迪尼斯帶走，特別係渴望用阿歷士迪尼斯填補年紀漸大嘅左閘菲臘比路爾斯及盧卡斯靴南迪斯轉投拜仁嘅空缺。國家隊方面，佢因為曾祖父母係意大利人，而持有意大利護照，3年前曾經主動示好，表示希望意大利國家隊徵召佢入伍，不過意國「蘇州過後冇艇搭」，今日阿歷士迪尼斯已踢出名堂，並喺今年3月國際賽期正式加入巴西國家隊，正選上陣踢友誼賽。
Source: Marca、Sky Sports、GiveMeSport
最近一場葡超比賽，布拉加對波圖，客軍波圖以3-2擊敗布拉加，同賓菲加同分，以得失球差屈居次席。葡超嘅戰況未必太多人有興趣，不過今次故事嘅主角阿歷士迪尼斯 (Alex Telles) 就值得大家留意，因為佢來季有機會加盟西甲嘅馬德里體育會，仲係新晉嘅巴西國腳，前途無可限量。
可惜佢就唔係咁好彩，呢位左閘喺69分鐘為波圖主射關鍵12碼，當時球隊正以1-2落後，射入就可以為球隊追平。事實上，迪尼斯不負所托，助跑狂抽破網，最終球隊憑呢球追平及後反勝，但佢喺入波之後竟然起唔到身慶祝。睇多次射門片段，發現佢呢腳抽得太「應棍」，成個動作去勢太猛，因此懷疑嚴重拉傷。
https://i.imgur.com/SUksLAG.gif
睇佢嘅表情同反應就知道今次受傷應該好嚴重，而佢喺接受治療之後就被換出。賽後，葡萄牙傳媒報導，指迪尼斯臀部肌肉撕裂，歸期未定，但極大機會缺席對利物浦嘅歐聯8強賽事。波圖主帥就喺賽後表示，將要為阿歷士迪尼斯進行更詳細檢查，但初步觀察毫不樂觀。
26歲嘅阿歷士迪尼斯2014年由巴西甘美奧前往土耳其效力加拉塔沙雷，2015-16球季以外借方式加盟國際米蘭，2016-17球季起效力波圖，今季各項賽事已射入5球、交出10個助攻，外間對佢嘅腳下技術、速度及創造力大致好評。
根據《馬卡報》報導，馬德里體育會希望一併將波圖中場赫達靴里拉 (Hector Herrera) 及阿歷士迪尼斯帶走，特別係渴望用阿歷士迪尼斯填補年紀漸大嘅左閘菲臘比路爾斯及盧卡斯靴南迪斯轉投拜仁嘅空缺。國家隊方面，佢因為曾祖父母係意大利人，而持有意大利護照，3年前曾經主動示好，表示希望意大利國家隊徵召佢入伍，不過意國「蘇州過後冇艇搭」，今日阿歷士迪尼斯已踢出名堂，並喺今年3月國際賽期正式加入巴西國家隊，正選上陣踢友誼賽。
Source: Marca、Sky Sports、GiveMeSport
請按此登錄後留言。未成為會員? 立即註冊