喺球迷角度，C朗拿度同美斯似乎係勢不兩立，但其實兩位球王級人馬係識英雄重英雄，美斯曾經表示雖然同C朗唔係朋友，但兩人並冇視對方為敵人，而係互相尊重互相鞭策，C朗就話過現今球壇只有美斯同佢自己可以超過10年保持巔峰水平。C朗今季離開皇家馬德里，轉投祖雲達斯，就曾經話過希望美斯一齊嚟意甲，最近又到美斯話想念C朗。
美斯最近接受Club 94.7FM訪問時表示自己想念C朗：「西甲如果有C朗係件好事，我都掛住佢。如果佢仲喺西甲，可以提升西甲嘅聲望，咁係一件好事。雖然睇住佢拎冠軍係一件難受嘅事，但如果佢可以返嚟就好。」
「祖雲達斯係歐聯冠軍嘅有力競爭者，而家佢哋擁有C朗，變得更有競爭力，希望我同C朗可以喺決賽見啦！」
另外，美斯被問到認為邊個係世上最佳球員，美斯話：「麥巴比、尼馬、夏薩特、蘇亞雷斯同阿古路」
咦點解冇C朗嘅？美斯咁答：「我冇數C朗，係因為我將佢同我放咗喺另一個list度。(指兩人同級，超出上述級別)」("I didn't mention Cristiano because I put him aside from the list with me.")
Source: Goal
美斯最近接受Club 94.7FM訪問時表示自己想念C朗：「西甲如果有C朗係件好事，我都掛住佢。如果佢仲喺西甲，可以提升西甲嘅聲望，咁係一件好事。雖然睇住佢拎冠軍係一件難受嘅事，但如果佢可以返嚟就好。」
「祖雲達斯係歐聯冠軍嘅有力競爭者，而家佢哋擁有C朗，變得更有競爭力，希望我同C朗可以喺決賽見啦！」
另外，美斯被問到認為邊個係世上最佳球員，美斯話：「麥巴比、尼馬、夏薩特、蘇亞雷斯同阿古路」
咦點解冇C朗嘅？美斯咁答：「我冇數C朗，係因為我將佢同我放咗喺另一個list度。(指兩人同級，超出上述級別)」("I didn't mention Cristiano because I put him aside from the list with me.")
Source: Goal
請按此登錄後留言。未成為會員? 立即註冊