【嚇死人咩】拜利為國上陣撞傷頭倒地，被隊友撬口急救最後自行步出球場

由睇足365 於 25/03/2019 發表收藏文章

曼聯後衛艾歷拜利 (Eric Bailly) 近年好似諸事不順咁，不時因傷避戰，即使健康時亦因狀態或不明原因，喺曼聯上陣時間亦大減，今季只上陣11場聯賽；最近國際賽期，返回國家隊，又不幸受傷，情況一度令人擔心。

周末非洲國家盃外圍賽H組賽事，科特迪瓦主場迎戰盧旺達，主隊以3-0大勝對手，拜利喺比賽中表現好壞參半，佢喺上半場有一次嚴重失誤，喺後場猜波時懷疑腳軟，被對手搶走個波單刀起腳，好彩對手稍稍射斜，未有鑄成大錯。

https://i.imgur.com/XhzfBuM.gif
65分鐘，科特迪瓦角球攻勢，拜利高高躍起，頭槌一頂入網，助球隊拉開優勢至2-0。

https://i.imgur.com/OwIYEbZ.gif

不過，冇耐之後，拜利同對手爭頂時撞傷頭部倒地，身邊隊友懷疑見到拜利失去知覺或表現唔尋常，要用手撬開拜利口部，以防佢吞舌窒息。所幸經過軍醫治理之後，拜利可以自行步出球場，教練隨即將佢換走，以策安全。

按此觀看圖片

雖然未有事發片段夫供，但科特迪瓦國家隊Instagram賽後發布一張拜利包紮著頭部嘅相片，稱球員傷勢並無大礙。