周日深夜英格蘭聯賽盃決賽中，車路士門將阿列沙巴拿加 (Kepa Arrizabalaga) 拒絕被主帥沙利換走，釀成鬧劇，甚至有球迷笑言已經忘記呢場決賽邊個贏，只記得門將「賴死唔走」一幕。
比賽加時階段接近尾聲，車路士門將 Kepa 疑似受傷，一度需要接受治療。為準備互射12碼，主帥沙利隨即作出換人決定，後備門將卡巴尼路已經於場邊準備，第四球證更已舉起打出「1」號嘅換人電子告示牌，但 Kepa 耍手擰頭兼情緒激動，表示唔需要換人，最終不了了之。
如此舉動，無疑係當眾羞辱領隊沙利，向全世界宣告沙利已喪失權威，球員隨時可以唔遵行佢嘅指令。事後亦見到沙利狀甚憤怒，一度打算走入更衣室，但又折返戰術指導區。
賽後，沙利表示只係發生誤會，因為溝通問題，誤以為 Kepa 已經不能繼續作賽； Kepa 亦喺網上聲明，指自己並冇違抗教練指示，只係發生誤會。雖然兩人看似夾好口供，但明眼人只要見到當時情況都會認為唔係咁簡單。英語電視評述更直指，今次事件顯示沙利地位岌岌可危。
另一方面，事情尷尬在於，喺主帥角度嚟講如果發生呢種事件，必定要向球員小懲大戒，以樹軍威，而網上亦有唔少聲音認為沙利應該將 Kepa 雪藏。不過眾所周知，喺車路士情況特殊，將帥衝突中教練永遠係被球會放棄嘅一方，加上 Kepa 以世界最貴門將之姿加盟，球會顯然唔會容許沙利將佢雪藏。
最終，雙方終於搵到下台階，球會宣布對 Kepa 罰款一星期薪金，全數捐往慈善基金。 Kepa 亦表示：「呢件事我諗咗好耐，雖然係一場誤會，但我反省後認為自己處理嘅手法，的確係犯下大錯。
我想藉今日呢個機會，面對面向教練、卡巴尼路、其他隊友同球會道歉，同時亦想向球迷表達同樣嘅歉意。我會喺今次事件中學習，以及接受球會一切處分。」
沙利就話已經同 Kepa 傾返件事，對話氣氛良好，雖然只係誤會，但 Kepa 已經明白到自己有犯錯，而且已經道歉，又話罰唔罰球員係球會政策決定，佢個人嚟講已經放低呢件事，全隊上下一心專注於下一場比賽。正所謂，家醜不出外傳，今次車路士嘅處理可以話已經係災難發生後最好嘅善後方法，大家有落台階就好辦事， Kepa 繼續擔任一號門將，亦可以對外表示沙利仍掌控更衣室。車路士高層應該明白，喺面臨轉會禁令之下，動輒換帥係唔理智嘅行為，亦唔多主帥願意喺呢個情況下接手；球員亦需考慮到，如果唔齊心支持主帥工作，球隊成績下滑只係「一鑊熟」，係時候展現返基本職業素養。
Source: Sky Sports
比賽加時階段接近尾聲，車路士門將 Kepa 疑似受傷，一度需要接受治療。為準備互射12碼，主帥沙利隨即作出換人決定，後備門將卡巴尼路已經於場邊準備，第四球證更已舉起打出「1」號嘅換人電子告示牌，但 Kepa 耍手擰頭兼情緒激動，表示唔需要換人，最終不了了之。
如此舉動，無疑係當眾羞辱領隊沙利，向全世界宣告沙利已喪失權威，球員隨時可以唔遵行佢嘅指令。事後亦見到沙利狀甚憤怒，一度打算走入更衣室，但又折返戰術指導區。
賽後，沙利表示只係發生誤會，因為溝通問題，誤以為 Kepa 已經不能繼續作賽； Kepa 亦喺網上聲明，指自己並冇違抗教練指示，只係發生誤會。雖然兩人看似夾好口供，但明眼人只要見到當時情況都會認為唔係咁簡單。英語電視評述更直指，今次事件顯示沙利地位岌岌可危。
另一方面，事情尷尬在於，喺主帥角度嚟講如果發生呢種事件，必定要向球員小懲大戒，以樹軍威，而網上亦有唔少聲音認為沙利應該將 Kepa 雪藏。不過眾所周知，喺車路士情況特殊，將帥衝突中教練永遠係被球會放棄嘅一方，加上 Kepa 以世界最貴門將之姿加盟，球會顯然唔會容許沙利將佢雪藏。
最終，雙方終於搵到下台階，球會宣布對 Kepa 罰款一星期薪金，全數捐往慈善基金。 Kepa 亦表示：「呢件事我諗咗好耐，雖然係一場誤會，但我反省後認為自己處理嘅手法，的確係犯下大錯。
我想藉今日呢個機會，面對面向教練、卡巴尼路、其他隊友同球會道歉，同時亦想向球迷表達同樣嘅歉意。我會喺今次事件中學習，以及接受球會一切處分。」
沙利就話已經同 Kepa 傾返件事，對話氣氛良好，雖然只係誤會，但 Kepa 已經明白到自己有犯錯，而且已經道歉，又話罰唔罰球員係球會政策決定，佢個人嚟講已經放低呢件事，全隊上下一心專注於下一場比賽。正所謂，家醜不出外傳，今次車路士嘅處理可以話已經係災難發生後最好嘅善後方法，大家有落台階就好辦事， Kepa 繼續擔任一號門將，亦可以對外表示沙利仍掌控更衣室。車路士高層應該明白，喺面臨轉會禁令之下，動輒換帥係唔理智嘅行為，亦唔多主帥願意喺呢個情況下接手；球員亦需考慮到，如果唔齊心支持主帥工作，球隊成績下滑只係「一鑊熟」，係時候展現返基本職業素養。
Source: Sky Sports
請按此登錄後留言。未成為會員? 立即註冊