球壇上有一種「另類球星」，唔係話佢哋球技好差，但即使佢哋球技唔係世界級到足以令人一生銘記，仍然可以因為一啲個人特色，例如髮型、慶祝動作等原因，而令人印象深刻。就好似英格蘭前鋒高治咁，你話佢係唔係好屎波，絕對唔係，畢竟作為前英格蘭國家隊中鋒，又屹立英格蘭球壇多年，爛船都有三斤釘，但單論球技遠遠未去到世界級，佢嘅標誌反而係機械人舞慶祝動作。另一個有趣例子，係堅尼米拿，要不是「足金金猴」事件而成為經典，恐怕香港球迷早已忘記佢曾經喺狼隊對曼聯嘅賽事中射入奠勝入球。
以下呢位仁兄其實入波效率一啲都唔差，不過同樣恐怕已經被遺忘，但只要講到佢嘅招牌慶祝動作，你一定記得，佢就係前史雲斯前鋒巴菲迪比高美斯 (Bafetimbi Gomis)。
巴菲迪比高美斯出道於法甲球隊聖伊天，後來喺里昂上陣178場射入64球，更喺2011年創下歐聯史上最快帽子戲法，多季高效表現吸引英超球隊史雲斯喺2014-15球季將佢引入英超，可惜加盟兩季內未能維持表現，71場聯賽只射入17球。2016-17球季，高美斯外借回歸法甲，為馬賽喺34場聯賽內射入21球，回復勇猛本色，之後經歷土超加拉塔沙雷同今日沙地阿拉伯聯賽球隊沙地希拉爾 (Al-Hilal) 嘅歲月，表現同樣唔錯。
佢最令人印象深刻，正係一次代表史雲斯上陣入波，對住鏡頭以野獸爬行嘅方式慶祝，七情上面，仲隱約有口水流出，場面震撼。
最近喺沙地阿拉伯聯賽，高美斯再一次有機會表現招牌入波動作，點知爬向場邊嘅時候，剛好有一位球僮坐喺場邊，呢位球僮見到「野獸」，嚇到落荒而逃，場面搞笑。
外表的確似「野獸」嘅B.高美斯，其實有溫柔嘅內心，佢知道自己嚇親小朋友，賽後將波衫送俾佢以表歉意，仲送上「香吻」一個。
小朋友驚魂稍定，仲有禮物補償，即刻開心返晒，仲模仿B.高美斯嘅動作，新一代「野獸」就此誕生。
Source: Sportbible
以下呢位仁兄其實入波效率一啲都唔差，不過同樣恐怕已經被遺忘，但只要講到佢嘅招牌慶祝動作，你一定記得，佢就係前史雲斯前鋒巴菲迪比高美斯 (Bafetimbi Gomis)。
巴菲迪比高美斯出道於法甲球隊聖伊天，後來喺里昂上陣178場射入64球，更喺2011年創下歐聯史上最快帽子戲法，多季高效表現吸引英超球隊史雲斯喺2014-15球季將佢引入英超，可惜加盟兩季內未能維持表現，71場聯賽只射入17球。2016-17球季，高美斯外借回歸法甲，為馬賽喺34場聯賽內射入21球，回復勇猛本色，之後經歷土超加拉塔沙雷同今日沙地阿拉伯聯賽球隊沙地希拉爾 (Al-Hilal) 嘅歲月，表現同樣唔錯。
佢最令人印象深刻，正係一次代表史雲斯上陣入波，對住鏡頭以野獸爬行嘅方式慶祝，七情上面，仲隱約有口水流出，場面震撼。
最近喺沙地阿拉伯聯賽，高美斯再一次有機會表現招牌入波動作，點知爬向場邊嘅時候，剛好有一位球僮坐喺場邊，呢位球僮見到「野獸」，嚇到落荒而逃，場面搞笑。
外表的確似「野獸」嘅B.高美斯，其實有溫柔嘅內心，佢知道自己嚇親小朋友，賽後將波衫送俾佢以表歉意，仲送上「香吻」一個。
小朋友驚魂稍定，仲有禮物補償，即刻開心返晒，仲模仿B.高美斯嘅動作，新一代「野獸」就此誕生。
Source: Sportbible
請按此登錄後留言。未成為會員? 立即註冊