足球遊戲《Football Manager》一直吸引唔少球迷，甚至職業球圈人士，更有球會透過《FM》內嘅數據作為考察球員嘅參考，近年《FM》遊戲內一位年輕中鋒被各大網上討論區評為必買神鋒嘅，佢正係德甲拜仁慕尼黑啱啱公布簽下嘅艾比 (Jann-Fiete Arp)。
德甲球會拜仁慕尼黑喺官方網站上宣布，已經同漢堡前鋒艾比簽下合約，但佢正式向球隊報到嘅日期未定。報導指，拜仁慕尼黑向漢堡250萬歐元轉會費求購艾比，獲得接納，球員本人亦已經同拜仁達成個人協議。拜仁表示，球會對艾比正式向球隊報到嘅日期，有靈活處理嘅空間，佢最快會喺2019年夏天來投，最遲嘅會喺2020-21球季前報到，即有半個球季至一個半球季之間嘅時間繼續為漢堡效力。
現年僅19歲嘅艾比係德國小國腳，10歲已加入漢堡青訓營，15歲已經喺U17聯賽中上陣並錄得45場37入球嘅成績，後來喺2017 FIFA U17世界盃上成為賽事神射手。德甲官方網站為艾比嘅轉會消息撰寫專題，認為佢有潛力成為德國自高路斯後最強前鋒，將會係德國版哈利簡尼。
根據網上資料，艾比喺《Football Manager 2019》開檔時已經擁有高達16埋門能力 (Finishing) ，比唔少前鋒高，另外佢最亦擁有 15 團隊合作 (Team Work) 、 15 無球跑動 (Off the Ball) 、 14 First Touch，同樣屬於頂級數值，不過作為一位身高6尺嘅前鋒，佢嘅頭槌能力 (Heading) 只有9，就有相當大嘅進步空間。艾比喺唔少網上文章中都被評為《Football Manager 2019》10大潛力球員，有玩家發布遊戲內10年後數據，艾比的確進步不少。
經過玩家測試，喺遊戲中向漢堡收購艾比，大約需要付出2000萬歐元，但一至兩年後就會變成5000萬歐元。不過現實中，據報漢堡今次放售艾比只得到250萬歐元轉會費。德甲《圖片報》報導，漢堡高層表示同拜仁嘅協議係公平嘅結果。對艾比而言，佢希望離開前可以為漢堡爭取重返德甲。相信呢個亦係拜仁同意俾艾比留喺漢堡最多直至下個球季完結為止嘅原因。
漢堡上季歷史性由德甲降班，今季喺德乙成績唔錯，暫時以3分優勢佔據榜首位置。德乙聯賽完成後，頭兩名將會直接升班，第三名需要同德甲尾三踢附加賽決出一個德甲名額。
網上片段
https://www.youtube.com/watch?v=e_1WSMYOies
Source: FCBayernMunich 、Bundesliga、Goal、FMInside
德甲球會拜仁慕尼黑喺官方網站上宣布，已經同漢堡前鋒艾比簽下合約，但佢正式向球隊報到嘅日期未定。報導指，拜仁慕尼黑向漢堡250萬歐元轉會費求購艾比，獲得接納，球員本人亦已經同拜仁達成個人協議。拜仁表示，球會對艾比正式向球隊報到嘅日期，有靈活處理嘅空間，佢最快會喺2019年夏天來投，最遲嘅會喺2020-21球季前報到，即有半個球季至一個半球季之間嘅時間繼續為漢堡效力。
現年僅19歲嘅艾比係德國小國腳，10歲已加入漢堡青訓營，15歲已經喺U17聯賽中上陣並錄得45場37入球嘅成績，後來喺2017 FIFA U17世界盃上成為賽事神射手。德甲官方網站為艾比嘅轉會消息撰寫專題，認為佢有潛力成為德國自高路斯後最強前鋒，將會係德國版哈利簡尼。
根據網上資料，艾比喺《Football Manager 2019》開檔時已經擁有高達16埋門能力 (Finishing) ，比唔少前鋒高，另外佢最亦擁有 15 團隊合作 (Team Work) 、 15 無球跑動 (Off the Ball) 、 14 First Touch，同樣屬於頂級數值，不過作為一位身高6尺嘅前鋒，佢嘅頭槌能力 (Heading) 只有9，就有相當大嘅進步空間。艾比喺唔少網上文章中都被評為《Football Manager 2019》10大潛力球員，有玩家發布遊戲內10年後數據，艾比的確進步不少。
經過玩家測試，喺遊戲中向漢堡收購艾比，大約需要付出2000萬歐元，但一至兩年後就會變成5000萬歐元。不過現實中，據報漢堡今次放售艾比只得到250萬歐元轉會費。德甲《圖片報》報導，漢堡高層表示同拜仁嘅協議係公平嘅結果。對艾比而言，佢希望離開前可以為漢堡爭取重返德甲。相信呢個亦係拜仁同意俾艾比留喺漢堡最多直至下個球季完結為止嘅原因。
漢堡上季歷史性由德甲降班，今季喺德乙成績唔錯，暫時以3分優勢佔據榜首位置。德乙聯賽完成後，頭兩名將會直接升班，第三名需要同德甲尾三踢附加賽決出一個德甲名額。
網上片段
https://www.youtube.com/watch?v=e_1WSMYOies
Source: FCBayernMunich 、Bundesliga、Goal、FMInside
請按此登錄後留言。未成為會員? 立即註冊