英超球隊熱刺近年一直以穩定成績佔據聯賽前列位置，近9個球季最差成績只有一次以第6位完成，近3季更全部以前3名完成聯賽，但佢哋仍然冇力打破多年嘅冠軍荒，非但從未取得英超冠軍，上一次取得任何錦標更已經係2007-08英格蘭聯賽盃。熱刺最近經歷新球場工程、引援經費緊拙、傷兵滿營，加上4日內2次於盃賽出局，相信前阿仙奴主帥雲加嘅處境，普捷天奴就最清楚。
周日英格蘭足總盃第4圈，熱刺作客面對水晶宮，被對手嘅域咸及舊將唐辛射破大門，以0-2敗陣出局。上周中英格蘭聯賽盃4強次回合，熱刺又被車路士追平總比數2-2，互射12碼被淘汰出局，無緣決賽。4日之內，熱刺接連於兩個本土盃賽中出局，今個賽季只剩英超聯賽及歐聯可以角逐。熱刺現時於英超排第3位，以9分落後榜首利物浦，數字上爭冠嘅可能仍非痴人說夢；歐聯方面，熱刺於16強對手係今季喺德甲氣勢如虹嘅多蒙特。喺兩項賽事入面，熱刺看似有力一戰，但最近接連有哈利簡尼及迪利亞里受傷，似乎難逃再一次四大皆空嘅厄運。
回想起前阿仙奴主帥雲加喺球隊嘅最後光景，為咗球會財政健康而減少轉會資金投入，連年以爭取英超前四歐聯資格為目標，更有 "Fourth is a trophy" 嘅金句。此情此景，普捷天奴定必感同身受。巧合嘅係，普捷天奴早前曾經多次流露對雲加嘅敬佩之情，更表示希望可以效法雲加，長年執教同一支球隊。普捷天奴除咗敬佩雲加可以22年執教同一支球隊嘅「長情」之外，亦認為雲加對球隊管理嘅能力屬於頂級。
事實上，若然要長時間管理一支球隊，普捷天奴的確需要面對類似雲加嘅處境，特別係熱刺班主利維 (Daniel Levy) 與阿仙奴班主高安基 (Stanley Kroenke) 嘅經營方針頗有相似之處，高安基基本上對阿仙奴接近「零投入」，而利維亦十分保守，兩間北倫敦球會同樣追求穩定多於突破。由於球會需要應付興建新球場開支，熱刺今季更罕有出現零引援嘅情況。
若以零引援為前題去看待熱刺戰績，佢哋已經係令人喜出望外地好，畢竟聯賽方面嘅成績已經勝於阿仙奴、車路士及曼聯三支傳統勁旅，同榜首只差9分，仍然有爭冠嘅可能。不過屋漏總係伴隨連夜雨，兵源緊拙嘅熱刺最近接連有哈利簡尼及迪利亞里受傷，特別係陣中絕對嘅入球重心哈利簡尼缺陣，一定會影響到熱刺近期嘅戰績。
最近嘅經歷，一定令普捷天奴明白何謂 "Fourth is a trophy" ，佢喺周日足總盃出局後，就對記者講，熱刺嘅目標係英超前四，更加表示唔認為一個錦標可以令球隊提升到另一個層次：
"Again we're going to have the debate whether a trophy will take the club to the next level. I don't agree with it. It only builds your ego. The most important thing for Tottenham right now is to always be in the top four.
"It's true, this season has been tough. I told you it would be a massive challenge for us, but we believe it'll be a tough season but no tougher than it's been.
"Of course, disappointed because, after Thursday and today again, out of two competitions. You feel disappointed. You can't feel anything different.
"But now we have to be positive. We are still in two competitions, in a good position in the Premier League and the Champions League is a massive motivation for the whole club. We have to be strong.
"People wish we could win some trophies. But being realistic, we are doing so well. To win a title here in England like the FA Cup or Carabao Cup is about being lucky, not only about quality in your squad.
"Sometimes when you assess football, you only look at which team won and which team lost, but you have to consider all the circumstances."
幾句話看似毫無雄心壯志，但其實係無奈嘅現實，畢竟起新球場從來唔係一件易事，而熱刺新球場工程竣工日期已經多番推遲，唔知會唔會對球會財政構成更大壓力。
Source: Sky Sports
周日英格蘭足總盃第4圈，熱刺作客面對水晶宮，被對手嘅域咸及舊將唐辛射破大門，以0-2敗陣出局。上周中英格蘭聯賽盃4強次回合，熱刺又被車路士追平總比數2-2，互射12碼被淘汰出局，無緣決賽。4日之內，熱刺接連於兩個本土盃賽中出局，今個賽季只剩英超聯賽及歐聯可以角逐。熱刺現時於英超排第3位，以9分落後榜首利物浦，數字上爭冠嘅可能仍非痴人說夢；歐聯方面，熱刺於16強對手係今季喺德甲氣勢如虹嘅多蒙特。喺兩項賽事入面，熱刺看似有力一戰，但最近接連有哈利簡尼及迪利亞里受傷，似乎難逃再一次四大皆空嘅厄運。
回想起前阿仙奴主帥雲加喺球隊嘅最後光景，為咗球會財政健康而減少轉會資金投入，連年以爭取英超前四歐聯資格為目標，更有 "Fourth is a trophy" 嘅金句。此情此景，普捷天奴定必感同身受。巧合嘅係，普捷天奴早前曾經多次流露對雲加嘅敬佩之情，更表示希望可以效法雲加，長年執教同一支球隊。普捷天奴除咗敬佩雲加可以22年執教同一支球隊嘅「長情」之外，亦認為雲加對球隊管理嘅能力屬於頂級。
事實上，若然要長時間管理一支球隊，普捷天奴的確需要面對類似雲加嘅處境，特別係熱刺班主利維 (Daniel Levy) 與阿仙奴班主高安基 (Stanley Kroenke) 嘅經營方針頗有相似之處，高安基基本上對阿仙奴接近「零投入」，而利維亦十分保守，兩間北倫敦球會同樣追求穩定多於突破。由於球會需要應付興建新球場開支，熱刺今季更罕有出現零引援嘅情況。
若以零引援為前題去看待熱刺戰績，佢哋已經係令人喜出望外地好，畢竟聯賽方面嘅成績已經勝於阿仙奴、車路士及曼聯三支傳統勁旅，同榜首只差9分，仍然有爭冠嘅可能。不過屋漏總係伴隨連夜雨，兵源緊拙嘅熱刺最近接連有哈利簡尼及迪利亞里受傷，特別係陣中絕對嘅入球重心哈利簡尼缺陣，一定會影響到熱刺近期嘅戰績。
最近嘅經歷，一定令普捷天奴明白何謂 "Fourth is a trophy" ，佢喺周日足總盃出局後，就對記者講，熱刺嘅目標係英超前四，更加表示唔認為一個錦標可以令球隊提升到另一個層次：
"Again we're going to have the debate whether a trophy will take the club to the next level. I don't agree with it. It only builds your ego. The most important thing for Tottenham right now is to always be in the top four.
"It's true, this season has been tough. I told you it would be a massive challenge for us, but we believe it'll be a tough season but no tougher than it's been.
"Of course, disappointed because, after Thursday and today again, out of two competitions. You feel disappointed. You can't feel anything different.
"But now we have to be positive. We are still in two competitions, in a good position in the Premier League and the Champions League is a massive motivation for the whole club. We have to be strong.
"People wish we could win some trophies. But being realistic, we are doing so well. To win a title here in England like the FA Cup or Carabao Cup is about being lucky, not only about quality in your squad.
"Sometimes when you assess football, you only look at which team won and which team lost, but you have to consider all the circumstances."
幾句話看似毫無雄心壯志，但其實係無奈嘅現實，畢竟起新球場從來唔係一件易事，而熱刺新球場工程竣工日期已經多番推遲，唔知會唔會對球會財政構成更大壓力。
Source: Sky Sports
請按此登錄後留言。未成為會員? 立即註冊