比利時前鋒巴舒亞伊 (Michy Batshuayi) 一直未能喺車路士立足，自2016年7月加盟以嚟，兩度被外借，飄忽嘅表現亦令佢前途不明朗。上季下半段，巴舒亞伊喺德甲多蒙特表現出色，10場聯賽貢獻7個入球及1個助攻，可見佢比較適合喺行軍迅速同可以創造大量機會嘅球隊發揮；今季，佢被外借到西甲華倫西亞，但於各項賽事上陣23場只射入3球，對於正前鋒而言的確未能令人滿意，結果佢喺一月轉會窗開啟後被終止外借，如果車路士無意將佢留用，將會再次被外借。
雖然被「退貨」，但25歲嘅巴舒亞伊向來唔愁冇人要。事實上，即使車路士主帥沙利無意將佢留喺車路士，都有唔少球會對佢有興趣，例如另一支英超球隊愛華頓就被指有意租用佢半季。不過，要數行得最近，一定係法甲球隊摩納哥。
根據《Sky Sports》報導，巴舒亞伊十分接近於一月內外借到摩納哥效力半季，標題用上字眼 "set to complete Monaco loan move" ，似乎已成定局。的而且確，摩納哥主帥亨利接手球隊之前，正係喺比利時國家隊出任馬天尼斯副手，佢對於巴舒亞伊情況理應瞭如指掌，亨利幾日前接受訪問時，明言自己對巴舒亞伊十分熟悉，又稱讚佢係一位好球員，但表示未有任何確實消息透露 (《Thierry Henry confirms Monaco interest in Michy Batshuayi》)。《ESPN》消息指，巴舒亞伊喺當地時間1月13日進行體測，一切順利的話會喺1月14日內公布。
初次成為主帥嘅亨利喺2018年10月11日正式上任以嚟，摩納哥喺聯賽10仗只取得2勝2和6負，喺盃賽反而表現不俗，已經殺入聯賽盃四強。其實，亨利中途接手摩納哥爛攤子，作為個人出道之作，難度極高，球隊喺佢接手前只贏過一場聯賽，而且未有機會俾佢喺轉會窗調整，因此今個轉會窗對佢係一大考驗，佢已經率先為球隊引入德甲中堅拿度、前車路士中場法比加斯，相信佢亦十分希望借用踢法靈活嘅巴舒亞伊，夥拍老將法卡奧攻堅。
不過，個人認為，縱然亨利清楚了解巴舒亞伊特性而作出呢個決定，但佢適唔適合摩納哥踢法，係一個好大嘅疑問。巴舒亞伊上季喺多蒙特表現出色，全因蜜蜂兵團進攻節奏急速，而且每場比賽可以創造大量機會，正如前多蒙特射手奧巴美揚一直被批評把握力欠奉，但佢喺多蒙特進攻體系中恰好可以完全發揮自己速度優勢，加上機會充足，最終亦錄得驚人入球數字 (最後1.5個球季，48場聯賽入44球)，相信巴舒亞伊處境相當接近。去到摩納哥呢支聯賽尾二球隊，巴舒亞伊相信難以得到太多入球機會，反而可能因為錯失球隊幾經辛苦製造嘅機會而被放大過失，影響信心。對巴舒亞伊而言，比較有利嘅因素係摩納哥有同樣曾效力車路士嘅法比加斯在陣，希望可以為佢增加供應，另外巴舒亞伊加盟車路士前效力法甲球隊馬賽，最後一季36場聯賽射入17球、交出9次助攻，適應應該不成問題。
Source: Sky Sports、ESPN
雖然被「退貨」，但25歲嘅巴舒亞伊向來唔愁冇人要。事實上，即使車路士主帥沙利無意將佢留喺車路士，都有唔少球會對佢有興趣，例如另一支英超球隊愛華頓就被指有意租用佢半季。不過，要數行得最近，一定係法甲球隊摩納哥。
根據《Sky Sports》報導，巴舒亞伊十分接近於一月內外借到摩納哥效力半季，標題用上字眼 "set to complete Monaco loan move" ，似乎已成定局。的而且確，摩納哥主帥亨利接手球隊之前，正係喺比利時國家隊出任馬天尼斯副手，佢對於巴舒亞伊情況理應瞭如指掌，亨利幾日前接受訪問時，明言自己對巴舒亞伊十分熟悉，又稱讚佢係一位好球員，但表示未有任何確實消息透露 (《Thierry Henry confirms Monaco interest in Michy Batshuayi》)。《ESPN》消息指，巴舒亞伊喺當地時間1月13日進行體測，一切順利的話會喺1月14日內公布。
初次成為主帥嘅亨利喺2018年10月11日正式上任以嚟，摩納哥喺聯賽10仗只取得2勝2和6負，喺盃賽反而表現不俗，已經殺入聯賽盃四強。其實，亨利中途接手摩納哥爛攤子，作為個人出道之作，難度極高，球隊喺佢接手前只贏過一場聯賽，而且未有機會俾佢喺轉會窗調整，因此今個轉會窗對佢係一大考驗，佢已經率先為球隊引入德甲中堅拿度、前車路士中場法比加斯，相信佢亦十分希望借用踢法靈活嘅巴舒亞伊，夥拍老將法卡奧攻堅。
不過，個人認為，縱然亨利清楚了解巴舒亞伊特性而作出呢個決定，但佢適唔適合摩納哥踢法，係一個好大嘅疑問。巴舒亞伊上季喺多蒙特表現出色，全因蜜蜂兵團進攻節奏急速，而且每場比賽可以創造大量機會，正如前多蒙特射手奧巴美揚一直被批評把握力欠奉，但佢喺多蒙特進攻體系中恰好可以完全發揮自己速度優勢，加上機會充足，最終亦錄得驚人入球數字 (最後1.5個球季，48場聯賽入44球)，相信巴舒亞伊處境相當接近。去到摩納哥呢支聯賽尾二球隊，巴舒亞伊相信難以得到太多入球機會，反而可能因為錯失球隊幾經辛苦製造嘅機會而被放大過失，影響信心。對巴舒亞伊而言，比較有利嘅因素係摩納哥有同樣曾效力車路士嘅法比加斯在陣，希望可以為佢增加供應，另外巴舒亞伊加盟車路士前效力法甲球隊馬賽，最後一季36場聯賽射入17球、交出9次助攻，適應應該不成問題。
Source: Sky Sports、ESPN
請按此登錄後留言。未成為會員? 立即註冊