阿仙奴中場艾朗藍斯即將於今季完結後約滿離隊，佢由1月1日開始可以正式接受世界各地球會報價，亦有可能喺一月轉會窗中提早被賣走。根據一向報導阿仙奴消息十分準確嘅《BBC》記者 David Ornstein ，目前有五大歐洲豪門將會同藍斯商討合約，而《Sky Sports》就相信藍斯已經選定目的地。
28歲威爾斯國腳艾朗藍斯2008年已經加盟阿仙奴，由18歲效力至今，相比成長地卡迪夫城，阿仙奴已經係佢半個母會。藍斯雖然曾經喺球場上表現患得患失，受盡批評，但自從2013-14球季大爆發各項賽事射入16球，基本上已經確立專心走位入楔後上攻門嘅踢法。儘管球迷對佢評價毀譽參半，但球圈內對佢嘅價其實正面得多，因為佢走位入楔嘅能力同對空間、時機嘅意識，喺現今中場球員入面實屬頂級。
然而，新帥艾馬利上任，藍斯續約出現變數，雖然艾馬利上任之初曾經表示以藍斯為核心，但實際上處理合約事務嘅並非艾馬利。不過根據《BBC》報導，主動終止合約談判嘅係阿仙奴會方，據稱球會一直同藍斯相討一份四年長約，雙方已經達成初步共識，但球會9月突然抽起新合約，原因係競技及財政原因。巧合嘅係當時剛好有原CEO加齊迪斯跳槽到AC米蘭，呢位喺阿仙奴多年嘅高層或多或少對藍斯有「人情分」，因此已經準備同藍斯簽署一份高薪合同，估計CEO離任後，球會新班底認為藍斯嘅高薪要求不乎合佢嘅價值，寧願將呢位10年「老臣子」放走。
根據《BBC》記者 David Ornstein 消息，藍斯將會同祖雲達斯、皇家馬德里、國際米蘭、拜仁慕尼黑及巴黎聖日耳門，展開談判。《Sky Sports》報導指，藍斯將會以祖雲達斯為目的地首選。不過更權威嘅《BBC》就指，藍斯並未作出任何決定；另外， David Ornstein 認為藍斯於一月離隊機會不大，因為阿仙奴會方認為佢留隊多半季嘅價值，高於球會所能於一月收回嘅價值，同時其他球會唔太可能急於喺一月付出阿仙奴期望嘅近4,000萬英鎊轉會費，去收購季尾可以免費加盟嘅球員。
另外，阿仙奴下半季需面對米希達恩養傷至2月中，以及奧斯爾同藍斯都有可能離隊嘅情況，有可能需要喺中場位置上增兵，不過 David Ornstein 指阿仙奴於一月轉會窗可動用資金有限，較大機會以外借方式引入巴塞中場丹尼斯蘇亞雷斯等潛在目標。
Source: BBC、Sky Sports
28歲威爾斯國腳艾朗藍斯2008年已經加盟阿仙奴，由18歲效力至今，相比成長地卡迪夫城，阿仙奴已經係佢半個母會。藍斯雖然曾經喺球場上表現患得患失，受盡批評，但自從2013-14球季大爆發各項賽事射入16球，基本上已經確立專心走位入楔後上攻門嘅踢法。儘管球迷對佢評價毀譽參半，但球圈內對佢嘅價其實正面得多，因為佢走位入楔嘅能力同對空間、時機嘅意識，喺現今中場球員入面實屬頂級。
然而，新帥艾馬利上任，藍斯續約出現變數，雖然艾馬利上任之初曾經表示以藍斯為核心，但實際上處理合約事務嘅並非艾馬利。不過根據《BBC》報導，主動終止合約談判嘅係阿仙奴會方，據稱球會一直同藍斯相討一份四年長約，雙方已經達成初步共識，但球會9月突然抽起新合約，原因係競技及財政原因。巧合嘅係當時剛好有原CEO加齊迪斯跳槽到AC米蘭，呢位喺阿仙奴多年嘅高層或多或少對藍斯有「人情分」，因此已經準備同藍斯簽署一份高薪合同，估計CEO離任後，球會新班底認為藍斯嘅高薪要求不乎合佢嘅價值，寧願將呢位10年「老臣子」放走。
根據《BBC》記者 David Ornstein 消息，藍斯將會同祖雲達斯、皇家馬德里、國際米蘭、拜仁慕尼黑及巴黎聖日耳門，展開談判。《Sky Sports》報導指，藍斯將會以祖雲達斯為目的地首選。不過更權威嘅《BBC》就指，藍斯並未作出任何決定；另外， David Ornstein 認為藍斯於一月離隊機會不大，因為阿仙奴會方認為佢留隊多半季嘅價值，高於球會所能於一月收回嘅價值，同時其他球會唔太可能急於喺一月付出阿仙奴期望嘅近4,000萬英鎊轉會費，去收購季尾可以免費加盟嘅球員。
另外，阿仙奴下半季需面對米希達恩養傷至2月中，以及奧斯爾同藍斯都有可能離隊嘅情況，有可能需要喺中場位置上增兵，不過 David Ornstein 指阿仙奴於一月轉會窗可動用資金有限，較大機會以外借方式引入巴塞中場丹尼斯蘇亞雷斯等潛在目標。
Source: BBC、Sky Sports
請按此登錄後留言。未成為會員? 立即註冊