正所謂「有錯要認，打就要企定」，無論認唔認同都好，事實上唔少球迷都會認為球員應該保持一個正面形象，因為佢哋係好多年青人嘅模仿對象。不過，以下呢位英冠前鋒就做咗壞榜樣，雖然佢犯嘅錯唔係大奸大惡，但就因為逃避罪責而成為通緝犯。
英冠球隊錫周三前鋒科里斯泰利 (Fernando Forestieri)早於2018年7月24日被警方控告，指佢使用恐嚇語言及行為，並作出種族歧視騷擾行為。根據《Sky Sports》報導，事年發生喺錫周三同曼斯菲嘅季前熱身賽，雙方於賽後發生衝突。
英格蘭足協已經完成紀錄聆訊，科里斯泰利承認行為不當，被罰停賽三場，已經喺今年9月完成，及繳交25,000鎊罰款，而對手嘅積及馬利斯 (Jacob Mellis) 亦接受3場停賽及罰款1,500鎊。錫周三被罰20,000鎊，而曼斯菲就被罰3,000鎊。
事件並唔係就咁完結，因為除咗足協方面嘅調查之外，由於事態嚴重，事件仲涉及警方調查，結果錫周三前鋒科里泰利斯被警方控告恐嚇及種族歧視。由於事發地點係曼斯菲主場，所以科里斯泰利原定要喺今個星期五去到曼斯菲法院應訊，但佢竟然冇出現。
相信佢即使控罪成立，都好大機會只係罰錢或者社會服務令，但唔知佢係忘記咗，定係想逃避，或者其他原因，竟然冇去到法庭，令佢即時被英國通緝，隨時會被拘捕。錫周三會方表示已經知悉情況，但暫時唔會評論。其實科里泰利斯作為職業球員，一定會出現喺訓練場同比賽場地，無處可逃，加上球會已經知道事件，相信好快會叫佢主動投案，以免影響球會聲譽。
28歲嘅科里泰利斯出生於阿根廷，但16歲開始已經喺意大利踢波，所以曾經代表意大利U21等各級青年隊，佢效力錫周三已經第三個球季，各項賽事101場射入35球交出16助攻。錫周三現時於英冠排第16名，與升班附加賽區域相差9分，與降班區相差同樣差9分。
Source: BBC、Sky Sports
英冠球隊錫周三前鋒科里斯泰利 (Fernando Forestieri)早於2018年7月24日被警方控告，指佢使用恐嚇語言及行為，並作出種族歧視騷擾行為。根據《Sky Sports》報導，事年發生喺錫周三同曼斯菲嘅季前熱身賽，雙方於賽後發生衝突。
英格蘭足協已經完成紀錄聆訊，科里斯泰利承認行為不當，被罰停賽三場，已經喺今年9月完成，及繳交25,000鎊罰款，而對手嘅積及馬利斯 (Jacob Mellis) 亦接受3場停賽及罰款1,500鎊。錫周三被罰20,000鎊，而曼斯菲就被罰3,000鎊。
事件並唔係就咁完結，因為除咗足協方面嘅調查之外，由於事態嚴重，事件仲涉及警方調查，結果錫周三前鋒科里泰利斯被警方控告恐嚇及種族歧視。由於事發地點係曼斯菲主場，所以科里斯泰利原定要喺今個星期五去到曼斯菲法院應訊，但佢竟然冇出現。
相信佢即使控罪成立，都好大機會只係罰錢或者社會服務令，但唔知佢係忘記咗，定係想逃避，或者其他原因，竟然冇去到法庭，令佢即時被英國通緝，隨時會被拘捕。錫周三會方表示已經知悉情況，但暫時唔會評論。其實科里泰利斯作為職業球員，一定會出現喺訓練場同比賽場地，無處可逃，加上球會已經知道事件，相信好快會叫佢主動投案，以免影響球會聲譽。
28歲嘅科里泰利斯出生於阿根廷，但16歲開始已經喺意大利踢波，所以曾經代表意大利U21等各級青年隊，佢效力錫周三已經第三個球季，各項賽事101場射入35球交出16助攻。錫周三現時於英冠排第16名，與升班附加賽區域相差9分，與降班區相差同樣差9分。
Source: BBC、Sky Sports
請按此登錄後留言。未成為會員? 立即註冊