國際米蘭中場尼恩高蘭 (Radja Nainggolan) 一向被視為「壞孩子」，球場外麻煩多多，佢喺今屆世界盃前亦被比利時國家隊主帥馬天尼斯棄用，公開嘅理由係戰術因素，但亦有人猜測真正原因其實係紀律問題，而家佢嘅前程再次因為紀律問題蒙上陰影。
國際米蘭最近發表聲明：「國際米蘭確認尼恩高蘭已經因紀律原因，被球會暫時停止一切足球活動。」會方未有公布實際問題，不過傳媒普遍報道，所謂紀律問題係指尼恩高蘭多次於訓練中遲到，並相信佢將會至少缺席Boxing Day 國米對拿玻里嘅比賽。
30歲嘅尼恩高蘭夏天以3800萬歐元由羅馬加盟國米，佢喺世界盃落選國家隊名單之後隨即宣布退出國家隊。性格比較我行我素嘅尼恩高蘭一直被視為球壇壞孩子，佢吸煙好賭，最近先因為被冒認身分開支票報警，而被公開夏天時於蒙地卡羅賭場開出最少一張15萬歐元支票，佢亦曾經公開表示足球員應獲准吸煙。
據悉，尼恩高蘭多次於訓練時遲到，今次除被內部停操停賽外，亦被罰款15萬歐元，而且已經被球會嚴厲警告，如屢勸不改，將會被賣走。
Source: Sky Sports、BBC
國際米蘭最近發表聲明：「國際米蘭確認尼恩高蘭已經因紀律原因，被球會暫時停止一切足球活動。」會方未有公布實際問題，不過傳媒普遍報道，所謂紀律問題係指尼恩高蘭多次於訓練中遲到，並相信佢將會至少缺席Boxing Day 國米對拿玻里嘅比賽。
30歲嘅尼恩高蘭夏天以3800萬歐元由羅馬加盟國米，佢喺世界盃落選國家隊名單之後隨即宣布退出國家隊。性格比較我行我素嘅尼恩高蘭一直被視為球壇壞孩子，佢吸煙好賭，最近先因為被冒認身分開支票報警，而被公開夏天時於蒙地卡羅賭場開出最少一張15萬歐元支票，佢亦曾經公開表示足球員應獲准吸煙。
據悉，尼恩高蘭多次於訓練時遲到，今次除被內部停操停賽外，亦被罰款15萬歐元，而且已經被球會嚴厲警告，如屢勸不改，將會被賣走。
Source: Sky Sports、BBC
請按此登錄後留言。未成為會員? 立即註冊