AC米蘭經歷近年動盪，由名宿加度素臨危受命接手領軍後，逐漸恢復。有鑑於AC米蘭近年情況，加度素領軍成績不過不失，實屬可以接受，但最近於歐霸分組賽出局，勢必成為佢任內一大污點。另一方面，AC米蘭屋漏偏逢連夜雨，因為違反財政公平原則，被歐洲足協處以1200萬歐元罰款，兼有手尾跟，未來隨時面臨歐戰禁賽。
歐霸分組賽最後一輪，AC米蘭作客希臘球隊奧林比亞高斯，AC米蘭賽前以3分優勢擁有次名出線主動權，直接與今仗對手奧林比亞高斯爭奪出線資格。雙方上半場踢成0-0，但AC米蘭下半場崩盤，失烏龍球及12碼，完場輸1-3，分組賽積分被奧林比亞高斯追平同得10分。根據歐霸賽制，一旦兩隊積分相同，將首先以對賽成績決定出線資格。不過由於首回合AC米蘭主場同樣以3-1勝出，令對賽成績相同，而其後幾項出線條件：對賽得失球差、對賽得球、對賽作客入球亦全部相同，結果喺所有分組賽得失球差中分出高下，奧林比亞高斯憑得失球優勢出線。
輸波之餘，最令球迷氣憤嘅係輸喺自己手裡，因為AC米蘭今仗即使輸1-2，仍然可以憑對賽得失球差優勢出線，偏偏球隊因為一個12碼及烏龍球出局，令AC米蘭自2000-01球季以嚟，首次歐戰分組賽出局。
不久之後，AC米蘭得到另一個壞消息。佢哋本來喺2018年6月被歐洲足協判定違反財政公平原則，於2017-18球季支出過多，被罰今季禁止參加歐洲賽事，但佢哋向體育仲裁法庭提出上訴，法庭要將案件發還歐洲足協，要求作出更合理處分。
結果，歐洲足協今日宣布，向AC米蘭罰款1200萬歐元，罰款將由佢哋參加歐霸盃嘅獎金中扣除，亦只可以於2019-20和2020-21賽季歐洲賽事註冊不多於21名球員。同時，歐洲足協要求AC米蘭於2021年6月達至財政平衡，否則會被禁止參加2022-23或2023-24球季歐洲賽。AC米蘭會方稱，會再次就今次判決上訴。
Source: Sky Sports、BBC
歐霸分組賽最後一輪，AC米蘭作客希臘球隊奧林比亞高斯，AC米蘭賽前以3分優勢擁有次名出線主動權，直接與今仗對手奧林比亞高斯爭奪出線資格。雙方上半場踢成0-0，但AC米蘭下半場崩盤，失烏龍球及12碼，完場輸1-3，分組賽積分被奧林比亞高斯追平同得10分。根據歐霸賽制，一旦兩隊積分相同，將首先以對賽成績決定出線資格。不過由於首回合AC米蘭主場同樣以3-1勝出，令對賽成績相同，而其後幾項出線條件：對賽得失球差、對賽得球、對賽作客入球亦全部相同，結果喺所有分組賽得失球差中分出高下，奧林比亞高斯憑得失球優勢出線。
輸波之餘，最令球迷氣憤嘅係輸喺自己手裡，因為AC米蘭今仗即使輸1-2，仍然可以憑對賽得失球差優勢出線，偏偏球隊因為一個12碼及烏龍球出局，令AC米蘭自2000-01球季以嚟，首次歐戰分組賽出局。
不久之後，AC米蘭得到另一個壞消息。佢哋本來喺2018年6月被歐洲足協判定違反財政公平原則，於2017-18球季支出過多，被罰今季禁止參加歐洲賽事，但佢哋向體育仲裁法庭提出上訴，法庭要將案件發還歐洲足協，要求作出更合理處分。
結果，歐洲足協今日宣布，向AC米蘭罰款1200萬歐元，罰款將由佢哋參加歐霸盃嘅獎金中扣除，亦只可以於2019-20和2020-21賽季歐洲賽事註冊不多於21名球員。同時，歐洲足協要求AC米蘭於2021年6月達至財政平衡，否則會被禁止參加2022-23或2023-24球季歐洲賽。AC米蘭會方稱，會再次就今次判決上訴。
Source: Sky Sports、BBC
請按此登錄後留言。未成為會員? 立即註冊