阿仙奴雖然戰績甚勇，聯賽已連續14場不敗，而且14仗已攻入35個聯賽入球，僅次曼城，但其實防線有重大隱憂，每每因為唔夠集中而導致失波，至今已失20球，屬前列分子中最多。最令人擔憂嘅係，阿仙奴不僅未能調整防線表現，更遇上中堅荒。
近況阿仙奴已祭出三中堅陣式，更曾派出列治史甸拿客串右中堅，反映球隊中堅兵源不足。近期阿仙奴有年輕中堅賀定重傷，加上梅斯達菲及柏柏斯達夫普路斯有輕傷上陣成疑，就連新丁馬法路彭路斯亦因傷今季仍未上陣，上仗阿仙奴已要於比賽中換入蒙維爾出任中堅。根據《Sky Sports》報導，阿仙奴今晚歐霸賽事中將會派出隊長哥斯尼正選出戰，雖然哥斯尼自上季尾再次觸傷阿基里斯腱後長期養傷，早前更於U23賽事復出戰中抽筋離場，狀態極度令人擔憂，但事實上阿仙奴陣中已經再冇其他100%健康可上陣嘅正宗中堅。
艾馬利其實早已為呢個情況準備，佢喺盃賽中都曾經派出贊堅遜、列治史甸拿客串中堅，加上蒙維爾由雲加時期已經有中堅經驗，已經踢完對曼聯及熱刺兩場硬仗，兼已篤定出線歐霸淘汰賽嘅阿仙奴相信可以安然度過中堅危機。
不過，除卻健康因素，阿仙奴失球數字亦難以令艾馬利滿意，近期坊間已經流傳，阿仙奴有可能於一月轉會窗求購加利卡希爾或拜利，但相信前者機會甚微。艾馬利最近喺訪問中就直言，希望喺一月轉會窗內收購一名中堅：「我認為我哋可以喺轉會窗中收購一名中堅球員幫助我哋，呢個係一個好選擇。
轉會窗嘅工作唔容易做。哥斯尼正在復出，呢樣對球隊嚟講係重要嘅。然後我哋仲要睇下馬法路彭路斯嘅傷勢有冇改善，佢都係一個可以幫助我哋嘅中堅。
除此之外，我哋可以打兩個或者三個中堅，而蒙維爾同列治史甸拿都可以踢呢個位置。當然，有得俾我揀，我會用返正宗中堅。」
Source: Sky Sports
近況阿仙奴已祭出三中堅陣式，更曾派出列治史甸拿客串右中堅，反映球隊中堅兵源不足。近期阿仙奴有年輕中堅賀定重傷，加上梅斯達菲及柏柏斯達夫普路斯有輕傷上陣成疑，就連新丁馬法路彭路斯亦因傷今季仍未上陣，上仗阿仙奴已要於比賽中換入蒙維爾出任中堅。根據《Sky Sports》報導，阿仙奴今晚歐霸賽事中將會派出隊長哥斯尼正選出戰，雖然哥斯尼自上季尾再次觸傷阿基里斯腱後長期養傷，早前更於U23賽事復出戰中抽筋離場，狀態極度令人擔憂，但事實上阿仙奴陣中已經再冇其他100%健康可上陣嘅正宗中堅。
艾馬利其實早已為呢個情況準備，佢喺盃賽中都曾經派出贊堅遜、列治史甸拿客串中堅，加上蒙維爾由雲加時期已經有中堅經驗，已經踢完對曼聯及熱刺兩場硬仗，兼已篤定出線歐霸淘汰賽嘅阿仙奴相信可以安然度過中堅危機。
不過，除卻健康因素，阿仙奴失球數字亦難以令艾馬利滿意，近期坊間已經流傳，阿仙奴有可能於一月轉會窗求購加利卡希爾或拜利，但相信前者機會甚微。艾馬利最近喺訪問中就直言，希望喺一月轉會窗內收購一名中堅：「我認為我哋可以喺轉會窗中收購一名中堅球員幫助我哋，呢個係一個好選擇。
轉會窗嘅工作唔容易做。哥斯尼正在復出，呢樣對球隊嚟講係重要嘅。然後我哋仲要睇下馬法路彭路斯嘅傷勢有冇改善，佢都係一個可以幫助我哋嘅中堅。
除此之外，我哋可以打兩個或者三個中堅，而蒙維爾同列治史甸拿都可以踢呢個位置。當然，有得俾我揀，我會用返正宗中堅。」
Source: Sky Sports
請按此登錄後留言。未成為會員? 立即註冊