唔少足球員都有自己放鬆娛樂嘅方式，閒時去夜店尋歡作樂實屬閒事，不過如果用有損身體嘅方式去娛樂自己，如吸煙、濫藥等，就有機會危及自己競技狀態，甚至職業生涯壽命。日本足壇長青樹三浦知良年過五旬仍然可以踢職業足球，好大程度歸功於佢極度嚴格嘅規律生活及飲食，更唔煙唔酒呢種職業態度真係值得學習。當然，球星都有私人生活，想唔想長踢長有完全係個人選擇、風險自負，球迷最多都係睇見你墮落而失望，唔會少咗忽肉，但年長球員如果教壞年輕球員，真係唔要得喇。
英國《太陽報》最擅長報導八卦新聞，今次遭殃嘅係一班阿仙奴球員，佢哋被影到曾經喺一個娛樂場所內吸笑氣「high翻天」，有片有真相。
https://streamable.com/7couw
根據報導，片段係今年8月，英超開季之前拍下嘅，一班阿仙奴球員喺西倫敦一個娛樂場所開party，房間一角嘅閉路電視，影到奧斯爾、拿卡錫迪等球星，拎住一個裝滿氣體嘅氣球，放到嘴邊吸食，呢個係俗稱笑氣嘅一氧化二氮（nitrous oxide）常見吸食方法。
(片中可見奧斯爾 [右紅圈]、高拿仙歷 [中紅圈] 手上揸住一個氣球，放近嘴邊後氣球慢慢變細；梅斯達菲 [左紅圈] 口中含住一個已縮細嘅氣球，好興奮咁跳舞，極大機會已經吸用入面嘅氣體)
片段中可見疑似曾經吸食笑氣嘅球員至少包括奧斯爾、拿卡錫迪、奧巴美揚、梅斯達菲、古安杜斯及高拿仙歷，佢哋喺片段中吸用氣球內氣體之後，或興奮起舞，或攤坐梳化上，唯一令人稍稍感到安慰嘅，係米希達恩雖然同隊友一齊坐，但冇見到佢有份吸笑氣。
(梅斯達菲疑似教導古安杜斯吸食方法；全片未見米希達恩 [右紅圈] 參與，只係喺度食「珍寶珠」？)
最令人驚訝嘅係喺一班年長球員裡面，混有啱啱加盟嘅19歲小將古安杜斯，影片中清晰可見佢亦有參與吸笑氣，而「老大哥」梅斯達菲及拿卡錫迪更疑似對佢「循循善誘」，教佢吸食方法，之後呢位法國年輕人貌似短暫失去意識，攤倒喺梳化上。
喺英國法律之下，只要年滿18歲，吸食一氧化二氮並唔違法。一氧化二氮係一種無色有甜味氣體，有輕微麻醉作用，常用於牙科或外科手術。超過醫學劑量使用時，佢會令人亢奮、傻笑、出現幻覺，有機會導致腦部缺氧、昏迷甚至死亡。
雖然事件發生於開季前，而且現時阿仙奴表現不俗，各項賽事已連續20場不敗，但相信主帥艾馬利得悉事件後會感到震怒，畢竟佢早前曾經下令禁止球員飲果汁！一班資深球員不但自己唔潔身自愛，仲俾新加盟嘅年輕球員參與 (當然古安杜斯已是成年人，自己亦有責任) ，奧斯爾更不時擔任「場上隊長」，相信難逃艾馬利處罰。
Source: TheSun
英國《太陽報》最擅長報導八卦新聞，今次遭殃嘅係一班阿仙奴球員，佢哋被影到曾經喺一個娛樂場所內吸笑氣「high翻天」，有片有真相。
https://streamable.com/7couw
根據報導，片段係今年8月，英超開季之前拍下嘅，一班阿仙奴球員喺西倫敦一個娛樂場所開party，房間一角嘅閉路電視，影到奧斯爾、拿卡錫迪等球星，拎住一個裝滿氣體嘅氣球，放到嘴邊吸食，呢個係俗稱笑氣嘅一氧化二氮（nitrous oxide）常見吸食方法。
(片中可見奧斯爾 [右紅圈]、高拿仙歷 [中紅圈] 手上揸住一個氣球，放近嘴邊後氣球慢慢變細；梅斯達菲 [左紅圈] 口中含住一個已縮細嘅氣球，好興奮咁跳舞，極大機會已經吸用入面嘅氣體)
片段中可見疑似曾經吸食笑氣嘅球員至少包括奧斯爾、拿卡錫迪、奧巴美揚、梅斯達菲、古安杜斯及高拿仙歷，佢哋喺片段中吸用氣球內氣體之後，或興奮起舞，或攤坐梳化上，唯一令人稍稍感到安慰嘅，係米希達恩雖然同隊友一齊坐，但冇見到佢有份吸笑氣。
(梅斯達菲疑似教導古安杜斯吸食方法；全片未見米希達恩 [右紅圈] 參與，只係喺度食「珍寶珠」？)
最令人驚訝嘅係喺一班年長球員裡面，混有啱啱加盟嘅19歲小將古安杜斯，影片中清晰可見佢亦有參與吸笑氣，而「老大哥」梅斯達菲及拿卡錫迪更疑似對佢「循循善誘」，教佢吸食方法，之後呢位法國年輕人貌似短暫失去意識，攤倒喺梳化上。
喺英國法律之下，只要年滿18歲，吸食一氧化二氮並唔違法。一氧化二氮係一種無色有甜味氣體，有輕微麻醉作用，常用於牙科或外科手術。超過醫學劑量使用時，佢會令人亢奮、傻笑、出現幻覺，有機會導致腦部缺氧、昏迷甚至死亡。
雖然事件發生於開季前，而且現時阿仙奴表現不俗，各項賽事已連續20場不敗，但相信主帥艾馬利得悉事件後會感到震怒，畢竟佢早前曾經下令禁止球員飲果汁！一班資深球員不但自己唔潔身自愛，仲俾新加盟嘅年輕球員參與 (當然古安杜斯已是成年人，自己亦有責任) ，奧斯爾更不時擔任「場上隊長」，相信難逃艾馬利處罰。
Source: TheSun
請按此登錄後留言。未成為會員? 立即註冊