曼聯深夜鬥阿仙奴 摩連奴超委屈:只有三名後衛可上陣

睇足365 於 05/12/2018 發表 收藏文章
曼聯今季表現不穩,連帶主帥摩連奴賴以成名嘅穩健防守亦不復見,撇除有關摩連奴戰術是否過時、是否未能處理與球員關係等爭論,曼聯後場球員嘅級數同狀態的確對球隊戰績有影響,難怪摩連奴多次明示暗示球會應該為佢收購後衛。


周末於英超出擊,曼聯作客只可以後上逼和位處下游嘅修咸頓,「聖人」今季英超僅得一勝,近況水深火熱,但仍然一度領先曼聯2-0,最終曼聯雖然取回一分,但已連續3場聯賽不勝,14仗共失23球。曼聯領隊摩連奴出席對阿仙奴賽前記者會時就解釋,係同兵源短缺有關:「對修咸頓嗰場,我喺比賽前三個鐘頭,仍然唔知道有邊個可以上陣。」


對於出戰阿仙奴嘅陣容,摩連奴同樣表示唔清楚:「上場連我哋自己都唔知到有咩人會出,我哋要等最後消息先知邊個可以出,邊個唔可以出,我諗今次請況都係一樣。


如果你而家問我 (英國時間周二早上) ,我可以話俾你知史摩寧、拜利同鍾斯都踢唔到。連迪路夫同華倫西亞都唔會出到,梳爾就上陣成疑。達美安已經復出,不過仍然要觀察,或者我哋會好似上場咁,等到最後幾個鐘先決定。」加上艾殊利楊格停賽,《ESPN》相信曼聯今仗可用嘅後衛只有馬高斯盧祖、達美安及達洛特三人,隨時需要好似之前咁用麥湯文尼客串中堅。另一方面,曼聯前線同樣有傷兵,山齊士大腿受傷需要長唞,而拉舒福特亦因腳踝輕傷上陣成疑。


Source: ESPN

留言


請按此登錄後留言。未成為會員? 立即註冊
  • 陳大文2 於 05/12/2018 評論 NO. 1

    摩佬又示弱,到時贏就話殘陣都贏,輸又可賴

快捷鍵:←
快捷鍵:→