經常話，踢而優則教，不過世界級球員並唔保證一定可以成為世界級教練，成功例子有，但似乎頂級教練中，球員生涯平平無奇嘅例子更多。馬勒當拿曾經係一代球王，但佢執教經歷以失敗居多，而佢亦一直係一個充滿爭議性嘅人，究竟佢係真係唔識教波，定只係被性格同紀律所累？
阿根廷球王馬勒當拿曾經喺2008-10執教阿根廷國家隊，不過2010世界盃8強慘敗於德國手下4-0後離任，之後去過中東執教球會，但同樣未取得成功。今年夏天2018世界盃，佢喺看台上目睹阿根廷國家隊整體差勁嘅表現，又被拍下舉中指，以及因球隊晉身淘汰賽而激動到幾乎暈低，成為一時焦點。
今年9月，58歲嘅佢宣布出山，出任墨西哥甲組聯賽球隊多拉多斯 (Dorados de Sinaloa) 主帥。上任之初，球隊只屬墨甲榜末分子，對馬勒當拿嚟講係一大考驗。結果，佢帶領球隊以常規賽第7名完成，只要通過由8隊競逐嘅升班附加賽就可以升上墨超。
「老馬」率領第七位嘅多拉多斯沿路擊敗常規賽第一、二名嘅 Mineros de Zacatecas 及 FC Juárez，進入升班附加賽決賽，對手係聖路易體育會 Atlético San Luis 。多拉多斯喺首回合主場以1-0取勝，但主帥馬勒當拿於比賽中被逐，次回合只能喺看台上睇波。
次回合，多拉多斯曾經兩度領先，但下半場中段被反勝3-2 (總比數3-3)。比賽進入加時，聖路易體育會再下一城，以一口氣以總比數4-2奪得升班資格。.
看台上嘅馬勒當拿被拍到一邊睇波一邊飲酒，《Goal》報導指賽後馬勒當拿喺保安及己隊職員護送下，穿過一群對手球迷離開現場，途中有人唱歌嘲諷佢體重。怒髮衝冠嘅馬勒當拿激動到想打人，向一名球迷做出揮拳動作，幸好被職員簇擁下未有傷人，成功將佢護送入電梯。《ESPN Deportes》指馬勒當拿當時大叫回應：「過嚟吖！過嚟我面前講多次，喺我面前講多次呀！」
https://youtu.be/WHqtvdUUAW4
太多事例證明，馬勒當拿好多時喺懷疑受酒精或藥物影響之下，未能自控，相信呢個係佢未能成為一位偉大教練嘅原因，不但未能以身作則教導球員嚴守紀律、愛惜身體，自己判斷力同情緒都受到影響，單睇佢竟然可以喺升班附加賽決賽被罰停賽，要眼白白喺看台睇住球隊被連入四球反勝已經可見一斑。當然，佢呢種我行我素、大癲大肺亦係佢之所以充滿才華及受佢嘅球迷喜愛嘅原因之一……
Source: Goal、ESPN
阿根廷球王馬勒當拿曾經喺2008-10執教阿根廷國家隊，不過2010世界盃8強慘敗於德國手下4-0後離任，之後去過中東執教球會，但同樣未取得成功。今年夏天2018世界盃，佢喺看台上目睹阿根廷國家隊整體差勁嘅表現，又被拍下舉中指，以及因球隊晉身淘汰賽而激動到幾乎暈低，成為一時焦點。
今年9月，58歲嘅佢宣布出山，出任墨西哥甲組聯賽球隊多拉多斯 (Dorados de Sinaloa) 主帥。上任之初，球隊只屬墨甲榜末分子，對馬勒當拿嚟講係一大考驗。結果，佢帶領球隊以常規賽第7名完成，只要通過由8隊競逐嘅升班附加賽就可以升上墨超。
「老馬」率領第七位嘅多拉多斯沿路擊敗常規賽第一、二名嘅 Mineros de Zacatecas 及 FC Juárez，進入升班附加賽決賽，對手係聖路易體育會 Atlético San Luis 。多拉多斯喺首回合主場以1-0取勝，但主帥馬勒當拿於比賽中被逐，次回合只能喺看台上睇波。
次回合，多拉多斯曾經兩度領先，但下半場中段被反勝3-2 (總比數3-3)。比賽進入加時，聖路易體育會再下一城，以一口氣以總比數4-2奪得升班資格。.
看台上嘅馬勒當拿被拍到一邊睇波一邊飲酒，《Goal》報導指賽後馬勒當拿喺保安及己隊職員護送下，穿過一群對手球迷離開現場，途中有人唱歌嘲諷佢體重。怒髮衝冠嘅馬勒當拿激動到想打人，向一名球迷做出揮拳動作，幸好被職員簇擁下未有傷人，成功將佢護送入電梯。《ESPN Deportes》指馬勒當拿當時大叫回應：「過嚟吖！過嚟我面前講多次，喺我面前講多次呀！」
https://youtu.be/WHqtvdUUAW4
太多事例證明，馬勒當拿好多時喺懷疑受酒精或藥物影響之下，未能自控，相信呢個係佢未能成為一位偉大教練嘅原因，不但未能以身作則教導球員嚴守紀律、愛惜身體，自己判斷力同情緒都受到影響，單睇佢竟然可以喺升班附加賽決賽被罰停賽，要眼白白喺看台睇住球隊被連入四球反勝已經可見一斑。當然，佢呢種我行我素、大癲大肺亦係佢之所以充滿才華及受佢嘅球迷喜愛嘅原因之一……
Source: Goal、ESPN
請按此登錄後留言。未成為會員? 立即註冊