繼今年夏天花費6,100萬歐元簽入雲尼斯奧斯，以及接近落實以2,000萬歐元簽入河床新星艾斯基柏拉斯奧斯 (Exequiel Palacios) 後，皇家馬德里有可能再次簽入一位年輕球員。近日皇馬對於曼城小將巴謙戴亞斯 (Brahim Diaz) 甚感興趣，《馬卡報》報導認為，戴亞斯轉投皇馬只係季中或季尾時間問題。
部分球迷可能較少留意呢位年輕球員，其實曼城近年一直致力投資青訓系統，已經培養出一批喺青訓級別薄有名氣嘅新星，其中部分已經喺一隊得到過上陣機會，例如菲臘科頓、辛真高等，亦有出走而聲名大噪嘅球員，如多蒙特嘅查頓辛祖。至於今次嘅巴謙戴亞斯，同樣係一位備受注目嘅新星。現年19歲、西班牙籍嘅巴謙戴亞斯，14歲時由馬拉加青年軍加入曼城，16歲時已經為曼城U21上陣，17歲時就上演一隊處子戰兼獲得職業合約，今季曾經於聯賽盃上陣兩場取得兩個入球。
巴謙戴亞斯能夠出任左中右攻擊中場，最大特點係左右腳十分熟練，加上爆發力及球商出眾，令皇馬對於合約即將於季尾到期嘅佢感到興趣。《馬卡報》報導，指皇馬已經對戴亞斯表達出濃厚興趣，曼城近幾個月一直嘗試說服戴亞斯續約，但相信呢名西班牙小將已經下定決心要加盟皇馬，因此拒絕續約。
消息指出，巴謙戴亞斯有可能於季尾自由身加盟皇馬，但考慮到同曼城維持良好關係，皇馬有可能於季中轉會窗向曼城提出支付轉會費收購巴謙戴亞斯。《Goal》甚至認為皇馬已經向小將許諾，若成功於冬季轉會窗完成交易，下半季就可以得到不少一隊上陣機會，但據悉兩間球會並未正式就轉會開始談判。
巴謙戴亞斯球王片
https://www.youtube.com/watch?v=ZLLrpN_v3kA
Source: Marca、Marca、Goal
部分球迷可能較少留意呢位年輕球員，其實曼城近年一直致力投資青訓系統，已經培養出一批喺青訓級別薄有名氣嘅新星，其中部分已經喺一隊得到過上陣機會，例如菲臘科頓、辛真高等，亦有出走而聲名大噪嘅球員，如多蒙特嘅查頓辛祖。至於今次嘅巴謙戴亞斯，同樣係一位備受注目嘅新星。現年19歲、西班牙籍嘅巴謙戴亞斯，14歲時由馬拉加青年軍加入曼城，16歲時已經為曼城U21上陣，17歲時就上演一隊處子戰兼獲得職業合約，今季曾經於聯賽盃上陣兩場取得兩個入球。
巴謙戴亞斯能夠出任左中右攻擊中場，最大特點係左右腳十分熟練，加上爆發力及球商出眾，令皇馬對於合約即將於季尾到期嘅佢感到興趣。《馬卡報》報導，指皇馬已經對戴亞斯表達出濃厚興趣，曼城近幾個月一直嘗試說服戴亞斯續約，但相信呢名西班牙小將已經下定決心要加盟皇馬，因此拒絕續約。
消息指出，巴謙戴亞斯有可能於季尾自由身加盟皇馬，但考慮到同曼城維持良好關係，皇馬有可能於季中轉會窗向曼城提出支付轉會費收購巴謙戴亞斯。《Goal》甚至認為皇馬已經向小將許諾，若成功於冬季轉會窗完成交易，下半季就可以得到不少一隊上陣機會，但據悉兩間球會並未正式就轉會開始談判。
巴謙戴亞斯球王片
https://www.youtube.com/watch?v=ZLLrpN_v3kA
Source: Marca、Marca、Goal
請按此登錄後留言。未成為會員? 立即註冊