巴西傳奇前鋒朗拿度「無解」嘅進攻天賦令佢得到「外星人」嘅外號。當年想要簽入年輕嘅「大哨」，難度已經極高，近日喺傳媒訪問中，當時協助巴塞隆拿羅致朗拿度嘅巴塞副主席透露，自己為咗完成使命，施展渾身解數。
回到1996年，當時只得19歲嘅朗拿度已經係球壇炙手可熱嘅新星，「大哨」喺17歲時已經入選巴西國家隊並取得世界盃冠軍 (雖然佢並未喺1994世界盃上陣)，難怪今年有人話19歲嘅麥巴比令人睇到一絲「大哨」影子，而1996年嘅朗拿度已經喺荷甲PSV展現驚人實力，兩季內上陣57場射入54球，吸引歐洲大球會注目。
根據後來嘅訪問及傳記，當時執教巴塞隆拿嘅英格蘭名宿波比笠臣認為球隊必須簽入一位頂級前鋒，佢先向球會推薦英格蘭中鋒舒利亞，但當時被布力般流浪告知舒利亞為非賣品 (但舒利亞不久就被賣到紐卡素) 。波比笠臣馬上將目光轉向新星朗拿度，佢認為朗拿度嘅天賦十分罕見，有著驚人嘅腳下功夫，盤球能力令佢諗起佐治貝斯等球星，喺當時中鋒球員中與眾不同，除咗係一個出色嘅球員之外亦可當成未來嘅投資。
以財力嚟計，巴塞隆拿的確有能力簽下「大哨」，但仍然要取決於PSV燕豪芬及球員嘅意願。當時擔任巴塞副主席嘅 Joan Gaspart (後來曾出任主席) 近日接受訪問時透露當年內情。 Joan Gaspart 稱當時巴塞同PSV達成協議以大約等於今日1,500萬歐元嘅價錢收購朗拿度，但PSV臨時反悔，要求巴西足協幫忙阻止巴塞接觸朗拿度。原因係PSV已經同巴塞簽訂一份有法律效力嘅初步協議，只要巴塞喺1996年7月15日前取得朗拿度簽字同意，交易就成立。
Joan Gaspart 飛往巴西見朗拿度之前並唔知道PSV反悔，只係急於喺限期前完成使命，佢表示：「當時酒店內有兩名保安阻止我同朗拿度或其他球員見面，但我剛好遇上一名西班牙服務員，佢將制服借俾我，又將餐盤同一罐可樂交俾我。
我扮成酒店侍應向保安表示有賓客要求一罐可樂，佢哋就放我入去。我喺朗拿度嘅房間外敲門，佢親自開門，然後佢喺自己將床上簽字。」
結果，朗拿度得以轉投巴塞隆拿，更喺首季各項賽事射入47球，不過佢效力短短一季就被國際米蘭支付違約金買走。
Source: Goal
回到1996年，當時只得19歲嘅朗拿度已經係球壇炙手可熱嘅新星，「大哨」喺17歲時已經入選巴西國家隊並取得世界盃冠軍 (雖然佢並未喺1994世界盃上陣)，難怪今年有人話19歲嘅麥巴比令人睇到一絲「大哨」影子，而1996年嘅朗拿度已經喺荷甲PSV展現驚人實力，兩季內上陣57場射入54球，吸引歐洲大球會注目。
根據後來嘅訪問及傳記，當時執教巴塞隆拿嘅英格蘭名宿波比笠臣認為球隊必須簽入一位頂級前鋒，佢先向球會推薦英格蘭中鋒舒利亞，但當時被布力般流浪告知舒利亞為非賣品 (但舒利亞不久就被賣到紐卡素) 。波比笠臣馬上將目光轉向新星朗拿度，佢認為朗拿度嘅天賦十分罕見，有著驚人嘅腳下功夫，盤球能力令佢諗起佐治貝斯等球星，喺當時中鋒球員中與眾不同，除咗係一個出色嘅球員之外亦可當成未來嘅投資。
以財力嚟計，巴塞隆拿的確有能力簽下「大哨」，但仍然要取決於PSV燕豪芬及球員嘅意願。當時擔任巴塞副主席嘅 Joan Gaspart (後來曾出任主席) 近日接受訪問時透露當年內情。 Joan Gaspart 稱當時巴塞同PSV達成協議以大約等於今日1,500萬歐元嘅價錢收購朗拿度，但PSV臨時反悔，要求巴西足協幫忙阻止巴塞接觸朗拿度。原因係PSV已經同巴塞簽訂一份有法律效力嘅初步協議，只要巴塞喺1996年7月15日前取得朗拿度簽字同意，交易就成立。
Joan Gaspart 飛往巴西見朗拿度之前並唔知道PSV反悔，只係急於喺限期前完成使命，佢表示：「當時酒店內有兩名保安阻止我同朗拿度或其他球員見面，但我剛好遇上一名西班牙服務員，佢將制服借俾我，又將餐盤同一罐可樂交俾我。
我扮成酒店侍應向保安表示有賓客要求一罐可樂，佢哋就放我入去。我喺朗拿度嘅房間外敲門，佢親自開門，然後佢喺自己將床上簽字。」
結果，朗拿度得以轉投巴塞隆拿，更喺首季各項賽事射入47球，不過佢效力短短一季就被國際米蘭支付違約金買走。
Source: Goal
請按此登錄後留言。未成為會員? 立即註冊