不少效力歐洲球會嘅日本球員都有好表現，之前就講過踢荷甲格羅寧根嘅堂安律入選「U21版金球獎」高柏獎 (Trophée Kopa) 最後10強名單，足以同麥巴比、普列錫、當拿隆馬等人比較；踢葡超樸迪莫倫斯嘅中島翔哉就盛傳吸引到英超球隊李斯特城 (見另文《日本新10號身價達2000萬歐元被李城睇中，「十大金童」堂安律更吸引哥迪奧拿注目》)。不過佢哋近期都可能暫時被忘記一陣，因為南野拓實啱啱已經喺歐霸賽場上大演帽子戲法，成為日本史上第一人，自然成為焦點。
琴晚歐霸分組賽，奧地利球隊薩爾斯堡 (即薩爾斯堡紅牛，因歐霸規則削去紅牛二字) 作客到挪威面對洛辛堡 (即賓特拿所屬球隊) 。23歲前鋒南野拓實 (南野拓実 Takumi Minamino) 正選上陣，並於6分鐘、19分鐘及45分鐘入波完成帽子戲法，而其實球隊第5個入球亦係南野拓實突破入禁區令對手擺烏龍。
https://streamable.com/x9dxz
最終薩爾斯堡作客以5-2擊敗洛辛堡，以4戰全勝12分戰績排B組榜首，洛辛堡今仗雖然有「Lord賓」賓特拿交出兩個助攻，但就4戰皆北得0分。南野拓實亦成為史上第一個喺歐霸上演帽子戲法嘅日本球員。2002年效力富咸嘅稻本潤一 (稲本潤一 Junichi Inamoto) 亦喺圖圖盃攻入三球，係南野拓實之前第一位喺歐洲賽事「戴帽」嘅日本球員。
南野拓實由大阪櫻花青訓系統出道，大阪櫻花喺2014球季降班，南野拓實馬上喺2015年1月得到薩爾斯堡紅牛邀請加盟，今年2月與球隊續約至2021年季尾，今季之前仍未確立絕對主力位置，但亦已為薩爾斯堡上陣106場聯賽，貢獻33入球、19助攻，今季暫時只有2場聯賽未有上陣，各項賽事上陣20場錄得9入球1助攻。另外，薩爾斯堡紅牛陣中本來亦有另一位亞洲球員，就係南韓嘅黄喜燦 (Hwang Hee-chan) ，但佢因為表現出色而被外借到德乙漢堡。
Source: Transfermarkt、Goal、kyodonews、soccer-king.jp
琴晚歐霸分組賽，奧地利球隊薩爾斯堡 (即薩爾斯堡紅牛，因歐霸規則削去紅牛二字) 作客到挪威面對洛辛堡 (即賓特拿所屬球隊) 。23歲前鋒南野拓實 (南野拓実 Takumi Minamino) 正選上陣，並於6分鐘、19分鐘及45分鐘入波完成帽子戲法，而其實球隊第5個入球亦係南野拓實突破入禁區令對手擺烏龍。
https://streamable.com/x9dxz
最終薩爾斯堡作客以5-2擊敗洛辛堡，以4戰全勝12分戰績排B組榜首，洛辛堡今仗雖然有「Lord賓」賓特拿交出兩個助攻，但就4戰皆北得0分。南野拓實亦成為史上第一個喺歐霸上演帽子戲法嘅日本球員。2002年效力富咸嘅稻本潤一 (稲本潤一 Junichi Inamoto) 亦喺圖圖盃攻入三球，係南野拓實之前第一位喺歐洲賽事「戴帽」嘅日本球員。
南野拓實由大阪櫻花青訓系統出道，大阪櫻花喺2014球季降班，南野拓實馬上喺2015年1月得到薩爾斯堡紅牛邀請加盟，今年2月與球隊續約至2021年季尾，今季之前仍未確立絕對主力位置，但亦已為薩爾斯堡上陣106場聯賽，貢獻33入球、19助攻，今季暫時只有2場聯賽未有上陣，各項賽事上陣20場錄得9入球1助攻。另外，薩爾斯堡紅牛陣中本來亦有另一位亞洲球員，就係南韓嘅黄喜燦 (Hwang Hee-chan) ，但佢因為表現出色而被外借到德乙漢堡。
Source: Transfermarkt、Goal、kyodonews、soccer-king.jp
請按此登錄後留言。未成為會員? 立即註冊