巴塞隆拿今夏斥資4000萬歐元轉會費，由巴甲甘美奧簽下22歲中場艾法美路 (Arthur Melo) ，轉會費金額不低加上旋即穿上傳奇恩尼斯達嘅8號球衣，顯然巴塞對佢期望唔低，都令球迷期待呢位新恩尼斯達嘅表現。事實上，艾法美路於巴塞正式登場之後，有球迷表示認為佢踢法反而有點沙維影子，到底佢係新沙維定新小白？
原來呢位喺甘美奧青年隊時期就吸引到巴西名帥史高拉利賞識嘅天才中場，的確自少視恩尼斯達為偶像，據講佢兒時因為朗拿甸奴加盟巴塞而開始留意呢隊波，然後被巴塞中場恩尼斯達及沙維吸引住，更加會喺家中對住牆壁傳球，練習好似恩尼斯達咁樣接傳球後轉身，同時亦受到沙維嘅影響，鑽研傳球技巧。
為巴塞上陣之後，唔少人都認為艾法美路喺傳球穩定、護球能力、選位策應、控制節奏等方面，都有沙維嘅影子，但沙維風格嚟比較，艾法美路暫時缺乏威脅傳球嘅表現，另一方面，艾法美路似「小白」嘅地方係擅長過人擺脫。
其實，如今嘅巴塞已經唔係沙維、恩尼斯達時期嘅巴塞，冇需要定型一位球員去完全按照其中一人嘅風格踢波。無論如何，不論被評為兩位中場大師之中其中一人嘅接班人，都係艾法美路嘅無上光榮。喺呢片討論聲中，沙維就搶先欽點艾法美路做自己嘅接班人：
「當我喺電視見到佢嘅時候，我好似見到自己一樣。
佢係一個思考好快嘅人，係一個天才，最重要嘅係仍然可以透過訓練有好大提升空間。艾法美路已經好成熟，而且仍然有好大潛質。
喺任何比賽中最重要嘅係唔好失去控球權，佢可以喺困境中輕鬆做到呢樣嘢，而且好有個人風格。
佢仲需要最少20場比賽去展現出自己嘅全部實力。佢嘅射術都唔錯，更有自信之後，佢可以為球隊做到更多嘢。
好似艾比度 (Eric Abidal) 咁，啱啱嚟到巴塞嘅時候冇乜嘢做得好，但經過訓練中努力付出，佢成為咗世上最佳後衛。
喺巴塞呢種球會入面，冇嘢係唾手可得，因為你要面對生涯最大嘅考驗。喺呢個級數嘅球會入面，你最少要做多200樣喺第二度唔會做嘅嘢。」
不論艾法美路想成為邊一個，或者完全踢出自己風格，佢都要謹記沙維嘅建議，努力令自己不斷進步。
Source: Sportbible、Goal
原來呢位喺甘美奧青年隊時期就吸引到巴西名帥史高拉利賞識嘅天才中場，的確自少視恩尼斯達為偶像，據講佢兒時因為朗拿甸奴加盟巴塞而開始留意呢隊波，然後被巴塞中場恩尼斯達及沙維吸引住，更加會喺家中對住牆壁傳球，練習好似恩尼斯達咁樣接傳球後轉身，同時亦受到沙維嘅影響，鑽研傳球技巧。
為巴塞上陣之後，唔少人都認為艾法美路喺傳球穩定、護球能力、選位策應、控制節奏等方面，都有沙維嘅影子，但沙維風格嚟比較，艾法美路暫時缺乏威脅傳球嘅表現，另一方面，艾法美路似「小白」嘅地方係擅長過人擺脫。
其實，如今嘅巴塞已經唔係沙維、恩尼斯達時期嘅巴塞，冇需要定型一位球員去完全按照其中一人嘅風格踢波。無論如何，不論被評為兩位中場大師之中其中一人嘅接班人，都係艾法美路嘅無上光榮。喺呢片討論聲中，沙維就搶先欽點艾法美路做自己嘅接班人：
「當我喺電視見到佢嘅時候，我好似見到自己一樣。
佢係一個思考好快嘅人，係一個天才，最重要嘅係仍然可以透過訓練有好大提升空間。艾法美路已經好成熟，而且仍然有好大潛質。
喺任何比賽中最重要嘅係唔好失去控球權，佢可以喺困境中輕鬆做到呢樣嘢，而且好有個人風格。
佢仲需要最少20場比賽去展現出自己嘅全部實力。佢嘅射術都唔錯，更有自信之後，佢可以為球隊做到更多嘢。
好似艾比度 (Eric Abidal) 咁，啱啱嚟到巴塞嘅時候冇乜嘢做得好，但經過訓練中努力付出，佢成為咗世上最佳後衛。
喺巴塞呢種球會入面，冇嘢係唾手可得，因為你要面對生涯最大嘅考驗。喺呢個級數嘅球會入面，你最少要做多200樣喺第二度唔會做嘅嘢。」
不論艾法美路想成為邊一個，或者完全踢出自己風格，佢都要謹記沙維嘅建議，努力令自己不斷進步。
Source: Sportbible、Goal
請按此登錄後留言。未成為會員? 立即註冊