英國時間10月30日原定有三場英格蘭聯賽盃16強賽事上演，但由於李斯特城班主意外身亡，李斯特城對修咸頓一仗延期，只餘下兩場比賽：般尼茅夫對諾域治、伯頓對諾定咸森林，相對注目程度稍低，但伯頓嘅聯賽盃歷程就絕對值得關注！
伯頓同諾定咸森林之間，牌面實力係諾定咸森林睇高一線，諾定咸森林已經連續11季征戰英冠，今季暫時已賽15場排第7位，距離榜首6分；伯頓就喺上季排英冠尾二降班到英甲，現時僅排英甲第16位，少賽一場距離榜首17分之多。
今場英格蘭聯賽盃16強，雖然上半場伯頓同諾定咸森林雙方都冇建樹，但下半場聯手炮製五個入球。伯頓先由史葛費沙射門導致客軍辛迪贊高擺烏龍，打破僵局，史葛費沙不久之後再直接建功，令英甲嘅伯頓領先至2-0。最終伯頓幸由希斯基夫於82分鐘，射入「保險球」，無懼被森林追至3-2完場。
https://youtu.be/HbERE5-ZxwI
經常話本土盃賽易爆冷，畢竟牌面實力較高嘅球隊往往戰意成疑兼有機會輪換出戰，相反被睇低嘅一隊會乘單場淘汰賽搏盡，所以單係英甲嘅伯頓撃敗英冠嘅諾定咸森林只能算係小冷門，真正嘅大冷門係佢哋連爆三次冷，以英甲球隊身分打入聯賽盃八強，途中只曾經喺首圈面對同處英甲嘅梳士巴利，之後分別擊敗英冠嘅阿士東維拉、英超嘅般尼、以及今仗對手諾定咸森林伯頓，三次越級挑戰成功，令唔少人大跌眼鏡，更加係球會成立68年嚟首次躋身聯賽盃八強！
伯頓於1950-51球季開始征戰 Birmingham & District League ，屬英格蘭第10至11級別聯賽，直至2009-10首次升上第四級別嘅英乙，成為職業聯賽球會，2014-15及2015-16更完成連續升班壯舉，升上英冠，但上季不幸只排尾二降回英甲。伯頓現時少賽一場，與升班附加賽席位相距9分，仍餘下31場聯賽，爭取升班並非渺茫。
聯賽盃方面，16強尚未完成，有機會晉身八強嘅非英超球隊只剩黑池 (vs阿仙奴) 、打比郡 (vs車路士) 、米杜士堡 (vs水晶宮) 。
伯頓同諾定咸森林之間，牌面實力係諾定咸森林睇高一線，諾定咸森林已經連續11季征戰英冠，今季暫時已賽15場排第7位，距離榜首6分；伯頓就喺上季排英冠尾二降班到英甲，現時僅排英甲第16位，少賽一場距離榜首17分之多。
今場英格蘭聯賽盃16強，雖然上半場伯頓同諾定咸森林雙方都冇建樹，但下半場聯手炮製五個入球。伯頓先由史葛費沙射門導致客軍辛迪贊高擺烏龍，打破僵局，史葛費沙不久之後再直接建功，令英甲嘅伯頓領先至2-0。最終伯頓幸由希斯基夫於82分鐘，射入「保險球」，無懼被森林追至3-2完場。
https://youtu.be/HbERE5-ZxwI
經常話本土盃賽易爆冷，畢竟牌面實力較高嘅球隊往往戰意成疑兼有機會輪換出戰，相反被睇低嘅一隊會乘單場淘汰賽搏盡，所以單係英甲嘅伯頓撃敗英冠嘅諾定咸森林只能算係小冷門，真正嘅大冷門係佢哋連爆三次冷，以英甲球隊身分打入聯賽盃八強，途中只曾經喺首圈面對同處英甲嘅梳士巴利，之後分別擊敗英冠嘅阿士東維拉、英超嘅般尼、以及今仗對手諾定咸森林伯頓，三次越級挑戰成功，令唔少人大跌眼鏡，更加係球會成立68年嚟首次躋身聯賽盃八強！
伯頓於1950-51球季開始征戰 Birmingham & District League ，屬英格蘭第10至11級別聯賽，直至2009-10首次升上第四級別嘅英乙，成為職業聯賽球會，2014-15及2015-16更完成連續升班壯舉，升上英冠，但上季不幸只排尾二降回英甲。伯頓現時少賽一場，與升班附加賽席位相距9分，仍餘下31場聯賽，爭取升班並非渺茫。
聯賽盃方面，16強尚未完成，有機會晉身八強嘅非英超球隊只剩黑池 (vs阿仙奴) 、打比郡 (vs車路士) 、米杜士堡 (vs水晶宮) 。
請按此登錄後留言。未成為會員? 立即註冊