英超球隊曼聯開季9場聯賽取得4勝2和3負，以14分排第10位，落後榜首9分，作為號稱「英超Big 6」之一，曼聯與暫時佔據第6位嘅般尼茅夫3分，與合格線尚有一場勝仗之隔。難怪曼城領隊哥迪奧拿最近接受訪問時，認為今季英超冠軍之爭屬於「五頭馬車」格局，將曼聯排除在外。
對於曼聯球迷嚟講，最痛苦莫過於外隊沉淪之時，仲睇住「吵鬧的鄰居」曼城風生水起兼踢出悅目足球，相反曼聯喺比賽場面上表現偏向保守，有別於球迷喜愛過往曼聯嘅爽朗踢法。原來呢個並非淨係球迷嘅諗法，連曼聯名宿簡東拿一樣大嗌頂唔順。
《BBC》報導，簡東拿近日接受訪問時坦言，曼聯同領隊摩連奴係一段「爛桃花」 ("It's not the right man for the right woman,") ，睇曼聯比賽令佢受苦：
「係踢法嘅問題。你可以輸波，但你要肯冒險。對祖雲達斯嘅時候，對手喺奧脫福球場有70%控球率，你可以想像費格遜執教嘅時候會發生咁嘅事嗎？
我越睇越辛苦，特別係見到曼城踢得咁好。我諗年青球員需要榜樣，佢哋要偉大嘅球員、美妙嘅跑位、有創造力嘅足球，去產生對一支球隊或者一位球員嘅認同。我覺得曼聯而家流失緊一代年青球員。佢哋認同曼城嗰一套，我哋可唔可以接受呢樣嘢，唔得。」
被問到心目中嘅主帥人選，簡東拿認為應該要交俾一位前球員試試：「佢哋永遠冇俾機會一個由內到外了解球會、了解球會理念同身份認同嘅前球員。
我唔想啲人以為我咁講係自己想做曼聯領隊，只係講事實。
傑斯點呢？我覺得每個想做領隊嘅前球員都可以俾機會佢試下。」
Source: BBC
對於曼聯球迷嚟講，最痛苦莫過於外隊沉淪之時，仲睇住「吵鬧的鄰居」曼城風生水起兼踢出悅目足球，相反曼聯喺比賽場面上表現偏向保守，有別於球迷喜愛過往曼聯嘅爽朗踢法。原來呢個並非淨係球迷嘅諗法，連曼聯名宿簡東拿一樣大嗌頂唔順。
《BBC》報導，簡東拿近日接受訪問時坦言，曼聯同領隊摩連奴係一段「爛桃花」 ("It's not the right man for the right woman,") ，睇曼聯比賽令佢受苦：
「係踢法嘅問題。你可以輸波，但你要肯冒險。對祖雲達斯嘅時候，對手喺奧脫福球場有70%控球率，你可以想像費格遜執教嘅時候會發生咁嘅事嗎？
我越睇越辛苦，特別係見到曼城踢得咁好。我諗年青球員需要榜樣，佢哋要偉大嘅球員、美妙嘅跑位、有創造力嘅足球，去產生對一支球隊或者一位球員嘅認同。我覺得曼聯而家流失緊一代年青球員。佢哋認同曼城嗰一套，我哋可唔可以接受呢樣嘢，唔得。」
被問到心目中嘅主帥人選，簡東拿認為應該要交俾一位前球員試試：「佢哋永遠冇俾機會一個由內到外了解球會、了解球會理念同身份認同嘅前球員。
我唔想啲人以為我咁講係自己想做曼聯領隊，只係講事實。
傑斯點呢？我覺得每個想做領隊嘅前球員都可以俾機會佢試下。」
Source: BBC
請按此登錄後留言。未成為會員? 立即註冊