巴西國家隊將會喺11月16及20日先後友賽烏拉圭及喀麥隆，主帥迪堤最近公布最新一期國家隊名單。巴西足球人材濟濟，一直以嚟都有唔少滄海遺珠，特別係一啲有實力但星味不足、唔係效力國外頂級豪門嘅球員，就更加難以得到國家隊注目。拿玻里係意大利傳統勁旅，但係唔係屬於當今歐洲頂級豪門，只係見仁見智，不過拿玻里中場阿蘭（Allan；又譯亞倫盧利奧）係近年巴西國家隊嘅滄海遺珠應該就冇太大爭議喇啩。另外，長年征戰意甲而且未曾為巴西成年代表隊上陣嘅佢，本來亦有代表意大利國家隊嘅資格，今次睇嚟被巴西搶先一步。
27歲嘅阿蘭職業生涯第一支球隊係巴甲球隊華斯高，2012年登陸歐洲球壇，效力意甲烏甸尼斯三季後2015年轉投拿玻里。阿蘭雖然喺時任拿玻里主帥沙利麾下發揮出色，不過相對於前場支柱恩斯治尼、梅頓斯、荷西卡利祖、咸錫，同獲今季車路士收購嘅組織中場佐真奴嚟講，阿蘭就係球隊踢出華麗足球嘅無名英雄。
雖然阿蘭腳下功夫同傳球質素都不負巴西球員之名，但佢喺陣中經常要肩負跑動覆蓋、阻截進攻嘅工作，事實上佢搶截功夫亦十分了得，2018-19球季進行至今，佢暫時係意甲嘅場均搶截王，場均4.6次搶截 (tackles) ，再加上盤球、傳球能力同樣不俗，場均盤球過人 (1.7) 及傳球成功率 (91.8%) 同樣屬於意甲前列，可以作為全能中場使用。
此前只入選過巴西U20，阿蘭終於首次得到大國腳徵召，絕對係對佢實力嘅認可。佢亦係今期名單外場球員 (outfield player) 中唯一大國腳新丁，門將方面就有高士路18歲門將加比爾巴沙奧 (Gabriel Brazão) 首次入選。以結果論，個人認為以阿蘭實力，至少值得取代2018世界盃中費蘭甸奴嘅角色 (卡斯米路嘅後備) ，現時再加上後起之秀巴塞新星艾法阿美路 (Arthur) ，巴西中場嘅層次將會更加可觀。
巴西國家隊今期名單：
門將
艾利臣（利物浦）、艾達臣（曼城）、加比爾巴沙奧（高士路）
後衛
馬些路（皇家馬德里）、米蘭達（國際米蘭）、菲臘比路爾斯（馬德里體育會）、馬昆奴斯（巴黎聖日耳門）、丹尼路（曼城）、達迪安達臣（高士路）、法賓奴（利物浦）、柏保路卡斯度（波爾多）
中場
韋利安（車路士）、保連奴（廣州恆大）、古天奴（巴塞隆拿）、卡斯米路（皇家馬德里）、艾法阿美路（巴塞隆拿）、華萊士蘇沙（漢諾威）、阿蘭（拿玻里）
前鋒尼馬（巴黎聖日耳門）、杜格拉斯哥斯達（祖雲達斯）、費明奴（利物浦）、加比爾捷西斯（曼城）、李察利臣（愛華頓）
27歲嘅阿蘭職業生涯第一支球隊係巴甲球隊華斯高，2012年登陸歐洲球壇，效力意甲烏甸尼斯三季後2015年轉投拿玻里。阿蘭雖然喺時任拿玻里主帥沙利麾下發揮出色，不過相對於前場支柱恩斯治尼、梅頓斯、荷西卡利祖、咸錫，同獲今季車路士收購嘅組織中場佐真奴嚟講，阿蘭就係球隊踢出華麗足球嘅無名英雄。
雖然阿蘭腳下功夫同傳球質素都不負巴西球員之名，但佢喺陣中經常要肩負跑動覆蓋、阻截進攻嘅工作，事實上佢搶截功夫亦十分了得，2018-19球季進行至今，佢暫時係意甲嘅場均搶截王，場均4.6次搶截 (tackles) ，再加上盤球、傳球能力同樣不俗，場均盤球過人 (1.7) 及傳球成功率 (91.8%) 同樣屬於意甲前列，可以作為全能中場使用。
此前只入選過巴西U20，阿蘭終於首次得到大國腳徵召，絕對係對佢實力嘅認可。佢亦係今期名單外場球員 (outfield player) 中唯一大國腳新丁，門將方面就有高士路18歲門將加比爾巴沙奧 (Gabriel Brazão) 首次入選。以結果論，個人認為以阿蘭實力，至少值得取代2018世界盃中費蘭甸奴嘅角色 (卡斯米路嘅後備) ，現時再加上後起之秀巴塞新星艾法阿美路 (Arthur) ，巴西中場嘅層次將會更加可觀。
巴西國家隊今期名單：
門將
艾利臣（利物浦）、艾達臣（曼城）、加比爾巴沙奧（高士路）
後衛
馬些路（皇家馬德里）、米蘭達（國際米蘭）、菲臘比路爾斯（馬德里體育會）、馬昆奴斯（巴黎聖日耳門）、丹尼路（曼城）、達迪安達臣（高士路）、法賓奴（利物浦）、柏保路卡斯度（波爾多）
中場
韋利安（車路士）、保連奴（廣州恆大）、古天奴（巴塞隆拿）、卡斯米路（皇家馬德里）、艾法阿美路（巴塞隆拿）、華萊士蘇沙（漢諾威）、阿蘭（拿玻里）
前鋒尼馬（巴黎聖日耳門）、杜格拉斯哥斯達（祖雲達斯）、費明奴（利物浦）、加比爾捷西斯（曼城）、李察利臣（愛華頓）
請按此登錄後留言。未成為會員? 立即註冊