日本球員大概係東亞最受歐洲球會看重嘅一群，近年一直有大批日本球員喺歐洲效力，現時英超亦有岡崎慎司及武藤嘉紀兩位前鋒。根據日本傳媒報導，李斯特城對於最近穿起日本國家隊10號球衣嘅中島翔哉十分有興趣，有意出價2000萬歐元將佢收歸旗下。不過，要數吸引到英超球隊嘅新一代日本球員，亦不得不提堂安律。
喺現今球壇，唔少球員喺20出頭已經闖出名堂，例如英格蘭國家隊首席前鋒哈利卡尼其實都係今年7月先年滿25歲、法國超新星麥巴比只係得19歲；24歲嘅日本中場中島翔哉雖然唔可以稱為超新星，但呢個年紀仍然有上升空間，佢喺2017-18球季先以外借形式加盟葡超球隊樸迪莫倫斯磨練，就貢獻10入球、12助攻，今季正式轉會後，葡超上陣7場，貢獻4入球、3助攻，場均「炮製」一個入球。
隨著日本國家隊中前場換代，主帥森保一喺最近10月中國際賽期選用中島翔哉、南野拓實及堂安律等新一代外流兵，更喺友賽以4-3擊敗有卡雲尼壓陣嘅烏拉圭。喺今個國際賽期，穿起10號球衣嘅正係中島翔哉，意義不言而喻。日本傳媒《日刊體育》報導，英超球隊李斯特城有意以2000萬歐元，收購中島翔哉。中島翔哉主要位置係左翼，亦可以出任進攻中場及右翼，要適應英超，中島嘅技術應該冇太大問題，不過佢身高只得1.64米，身材必定增加佢踢英超嘅難度。李斯特城對於日本球員並不陌生，佢哋已經喺2015年以1200萬歐元引入日本前鋒岡崎慎司，作為其中一位奪冠功臣，岡崎慎司雖然並非必然正選，但仍效力至今。
另外仲有一位日本新星，同樣受到英超球會關注，佢就係天才球員堂安律。現年僅21歲，堂安律同樣代表日本隊踢最近一輪國際賽，佢喺上季加盟荷甲球隊格羅寧根，可以司職進攻中場或左右兩翼，至今為球隊貢獻11入球、5助攻。數字上未必睇到佢有幾勁，但佢憑上季出色嘅表現，入選2018高柏獎十強。高柏獎 (Trophée Kopa) 同金球獎同樣由《法國足球》主辦，選出表現最佳21歲以下年青球員，可以話係U21版金球獎。2018高柏獎最後十強有堂安律、麥巴比、普列錫、當拿隆馬、古度尼、阿歷山大阿諾、祖斯甸古華特等，含金量十足。傳聞中，曼城有意將堂安律收歸旗下，再將佢外借磨練，意大利傳媒《calciomercato》更指，哥迪奧拿今夏已經嘗試求購堂安律，但未能達成協議，未來仍然唔會放棄再次接觸球員。就當曼城係吹大咗，但高柏獎十強吸引到其他歐洲大球會注意，就肯定唔係天方夜談，例如利華古遜、PSV燕豪芬係傳聞中比較實際、有意得到堂安律嘅球會。
當然，一切都係轉會傳聞，可信性成疑，小弟只係想趁機提下兩位值得大家關注嘅日本球員。
Source: nikkansports、calciomercato.com、Goal/jp、bleacherreport
喺現今球壇，唔少球員喺20出頭已經闖出名堂，例如英格蘭國家隊首席前鋒哈利卡尼其實都係今年7月先年滿25歲、法國超新星麥巴比只係得19歲；24歲嘅日本中場中島翔哉雖然唔可以稱為超新星，但呢個年紀仍然有上升空間，佢喺2017-18球季先以外借形式加盟葡超球隊樸迪莫倫斯磨練，就貢獻10入球、12助攻，今季正式轉會後，葡超上陣7場，貢獻4入球、3助攻，場均「炮製」一個入球。
隨著日本國家隊中前場換代，主帥森保一喺最近10月中國際賽期選用中島翔哉、南野拓實及堂安律等新一代外流兵，更喺友賽以4-3擊敗有卡雲尼壓陣嘅烏拉圭。喺今個國際賽期，穿起10號球衣嘅正係中島翔哉，意義不言而喻。日本傳媒《日刊體育》報導，英超球隊李斯特城有意以2000萬歐元，收購中島翔哉。中島翔哉主要位置係左翼，亦可以出任進攻中場及右翼，要適應英超，中島嘅技術應該冇太大問題，不過佢身高只得1.64米，身材必定增加佢踢英超嘅難度。李斯特城對於日本球員並不陌生，佢哋已經喺2015年以1200萬歐元引入日本前鋒岡崎慎司，作為其中一位奪冠功臣，岡崎慎司雖然並非必然正選，但仍效力至今。
另外仲有一位日本新星，同樣受到英超球會關注，佢就係天才球員堂安律。現年僅21歲，堂安律同樣代表日本隊踢最近一輪國際賽，佢喺上季加盟荷甲球隊格羅寧根，可以司職進攻中場或左右兩翼，至今為球隊貢獻11入球、5助攻。數字上未必睇到佢有幾勁，但佢憑上季出色嘅表現，入選2018高柏獎十強。高柏獎 (Trophée Kopa) 同金球獎同樣由《法國足球》主辦，選出表現最佳21歲以下年青球員，可以話係U21版金球獎。2018高柏獎最後十強有堂安律、麥巴比、普列錫、當拿隆馬、古度尼、阿歷山大阿諾、祖斯甸古華特等，含金量十足。傳聞中，曼城有意將堂安律收歸旗下，再將佢外借磨練，意大利傳媒《calciomercato》更指，哥迪奧拿今夏已經嘗試求購堂安律，但未能達成協議，未來仍然唔會放棄再次接觸球員。就當曼城係吹大咗，但高柏獎十強吸引到其他歐洲大球會注意，就肯定唔係天方夜談，例如利華古遜、PSV燕豪芬係傳聞中比較實際、有意得到堂安律嘅球會。
當然，一切都係轉會傳聞，可信性成疑，小弟只係想趁機提下兩位值得大家關注嘅日本球員。
Source: nikkansports、calciomercato.com、Goal/jp、bleacherreport
請按此登錄後留言。未成為會員? 立即註冊