歐聯分組賽G組賽事，皇家馬德里主場迎戰捷克球隊柏辛域陀尼亞，以2-1險勝，終止球隊最近各項賽事連續五場不勝嘅頹勢。一場欠缺說服力嘅勝仗過後，皇馬喺星期日就要面對死敵巴塞隆拿，實在令人擔心。早前，有報導認為，皇馬將會於國家打吡前換帥，務求為球隊帶嚟新氣象，皇馬總監喺今場賽後親口表示主帥盧比迪古 (Julien Lopetegui) 會帶領皇馬出戰國家打吡。
前任皇馬主帥施丹執教期間大部分時間順風順水，帶領球隊完成歐聯三連霸，被稱為「玄學主帥」；今季施丹同C朗齊齊離隊，皇馬果然玄學不再，陣容中軸老化問題曝現，盧比迪古上任經歷開季初段六戰五勝一和蜜月期後，馬上身陷泥沼。事實上，六戰五勝一和期間，皇馬對手只係基達菲、雷加利斯、愛斯賓奴等，真正「考牌戰」只係賽和畢爾包及歐聯大勝羅馬。
皇馬最近各項賽事已經連續五場不勝，其中更包括0-1不敵艾拉維斯、0-1不敵莫斯科中央陸軍等令人驚訝嘅敗仗，今場歐聯分組賽面對捷克球隊柏辛域陀尼亞，對手牌面實力有幾多斤兩，相信睇下有幾多球迷熟悉呢隊波已經略知一二，但皇馬最終亦只能險勝2-1，難怪西班牙傳媒以「難以令人安心的勝利」形容，皇馬更受到自己主場球迷噓聲招呼。
雖然上輪聯賽輸俾利雲特後，《Sky Sports》等傳媒都曾經報導，盧比迪古已經十分接近被炒，更估計有可能喺今個星期日國家打吡前發生，但未知係因為呢場歐聯「止血」成功，定係其他原因，皇馬總監、名宿布達堅奴 (Emilio Butragueño) 親口回答有關盧比迪古會唔會帶領皇馬出戰國家打吡嘅問題時話：「會，會，球隊一切如常，我哋依家需要嘅係保持冷靜同保持團結。」 ("Yes, yes, everything is totally normal. We have to stay calm and united.")
姑且睇下皇馬將士可唔可以喺呢場既冇C朗又冇美斯嘅國家打吡中，展現出「仇人見面份外眼紅」嘅爭勝心，團結迎敵。
Source: Sky Sports、AS
前任皇馬主帥施丹執教期間大部分時間順風順水，帶領球隊完成歐聯三連霸，被稱為「玄學主帥」；今季施丹同C朗齊齊離隊，皇馬果然玄學不再，陣容中軸老化問題曝現，盧比迪古上任經歷開季初段六戰五勝一和蜜月期後，馬上身陷泥沼。事實上，六戰五勝一和期間，皇馬對手只係基達菲、雷加利斯、愛斯賓奴等，真正「考牌戰」只係賽和畢爾包及歐聯大勝羅馬。
皇馬最近各項賽事已經連續五場不勝，其中更包括0-1不敵艾拉維斯、0-1不敵莫斯科中央陸軍等令人驚訝嘅敗仗，今場歐聯分組賽面對捷克球隊柏辛域陀尼亞，對手牌面實力有幾多斤兩，相信睇下有幾多球迷熟悉呢隊波已經略知一二，但皇馬最終亦只能險勝2-1，難怪西班牙傳媒以「難以令人安心的勝利」形容，皇馬更受到自己主場球迷噓聲招呼。
雖然上輪聯賽輸俾利雲特後，《Sky Sports》等傳媒都曾經報導，盧比迪古已經十分接近被炒，更估計有可能喺今個星期日國家打吡前發生，但未知係因為呢場歐聯「止血」成功，定係其他原因，皇馬總監、名宿布達堅奴 (Emilio Butragueño) 親口回答有關盧比迪古會唔會帶領皇馬出戰國家打吡嘅問題時話：「會，會，球隊一切如常，我哋依家需要嘅係保持冷靜同保持團結。」 ("Yes, yes, everything is totally normal. We have to stay calm and united.")
姑且睇下皇馬將士可唔可以喺呢場既冇C朗又冇美斯嘅國家打吡中，展現出「仇人見面份外眼紅」嘅爭勝心，團結迎敵。
Source: Sky Sports、AS
請按此登錄後留言。未成為會員? 立即註冊