球迷、球員心目中最難忘嘅比賽，可以係因為戰況激烈、戰果有特別意義、世界波、某球星表現出色、某人表現糟糕，但好少好似以下呢一場波咁，夠「騎呢」。「騎呢」到足以令人一生難忘，食花生嘅球迷都尚且對當時情境歷歷在目，何況喺球場上嘅「受害人」呢？事隔九年，連拿仍然耿耿於懷。
2009年10月17日英超賽事，新特蘭對利物浦，開波僅僅5分鐘，新特蘭前鋒戴倫賓特喺禁區內施射，足球竟然省中小禁區一個沙灘波，改變方向入網。情況就好似中學物理堂嘅彈性碰撞題目咁，一個波向左飛，一個波向右飛，有趣嘅係利物浦當時第一時間望向嘅係紅色搶眼嗰個大沙灘波 (咁搶眼，可以理解)，不過點都好，當時個波喺小禁區改變方向，本身已經冇可能救到。
https://i.imgur.com/2y9FrjY.gif
https://i.imgur.com/OuHke7k.gif
當時，利物浦必然起勢向球證投訴，但當值執法球證 Mike Jones 一於好少理，照樣宣判入球有效，結果利物浦全場猛攻不下，以呢一球不敵新特蘭。事後，球證 Mike Jones嘅判決受到激烈批評，傳媒訪問多名資深前球證，同樣得出相同結論：「就算係街場吹業餘比賽嘅球證都知道，有異物進入球場時，球證應該吹停比賽，處理好後再以公正球方式繼續比賽」，前英超球證Dermot Gallagher表示。結果，球證 Mike Jones 被降去執法英冠。
另一個問題係，個沙灘波點解會出現喺嗰度？連拿最近喺網上睇到一個「回帶post」，係講起呢件事發生九周年，佢就喺twitter分享，仲話：「邊鬼個掉個波落嚟呀？」睇清楚啲，原來個沙灘波係印有利物浦logo，係「自己友」所為，仲唔係「沙灘波之變」？
https://i.imgur.com/2ySZQHB.gif
其實呢個謎題喺當年已經解開，一位當時16歲嘅利物浦球迷 Callum Campbell 承認「兇手」就係自己，佢喺訪問中表示對於一時貪玩連累愛隊輸波感到十分內疚，返到屋企之後更加嘔出嚟。佢喺接受訪問前已經被起底，更收到死亡恐嚇。
呢位球迷估唔到自己會因為呢件事被寫入英超歷史嘅一頁，佢已經銷聲匿跡，連拿亦已經36歲，不過呢個沙灘波喺 Callum Campbell 、連拿，甚至你同我心目中都係一世難忘。
Source: Sportbible、BBC、Guardian、Mirror
2009年10月17日英超賽事，新特蘭對利物浦，開波僅僅5分鐘，新特蘭前鋒戴倫賓特喺禁區內施射，足球竟然省中小禁區一個沙灘波，改變方向入網。情況就好似中學物理堂嘅彈性碰撞題目咁，一個波向左飛，一個波向右飛，有趣嘅係利物浦當時第一時間望向嘅係紅色搶眼嗰個大沙灘波 (咁搶眼，可以理解)，不過點都好，當時個波喺小禁區改變方向，本身已經冇可能救到。
https://i.imgur.com/2y9FrjY.gif
https://i.imgur.com/OuHke7k.gif
當時，利物浦必然起勢向球證投訴，但當值執法球證 Mike Jones 一於好少理，照樣宣判入球有效，結果利物浦全場猛攻不下，以呢一球不敵新特蘭。事後，球證 Mike Jones嘅判決受到激烈批評，傳媒訪問多名資深前球證，同樣得出相同結論：「就算係街場吹業餘比賽嘅球證都知道，有異物進入球場時，球證應該吹停比賽，處理好後再以公正球方式繼續比賽」，前英超球證Dermot Gallagher表示。結果，球證 Mike Jones 被降去執法英冠。
另一個問題係，個沙灘波點解會出現喺嗰度？連拿最近喺網上睇到一個「回帶post」，係講起呢件事發生九周年，佢就喺twitter分享，仲話：「邊鬼個掉個波落嚟呀？」睇清楚啲，原來個沙灘波係印有利物浦logo，係「自己友」所為，仲唔係「沙灘波之變」？
https://i.imgur.com/2ySZQHB.gif
其實呢個謎題喺當年已經解開，一位當時16歲嘅利物浦球迷 Callum Campbell 承認「兇手」就係自己，佢喺訪問中表示對於一時貪玩連累愛隊輸波感到十分內疚，返到屋企之後更加嘔出嚟。佢喺接受訪問前已經被起底，更收到死亡恐嚇。
呢位球迷估唔到自己會因為呢件事被寫入英超歷史嘅一頁，佢已經銷聲匿跡，連拿亦已經36歲，不過呢個沙灘波喺 Callum Campbell 、連拿，甚至你同我心目中都係一世難忘。
Source: Sportbible、BBC、Guardian、Mirror
請按此登錄後留言。未成為會員? 立即註冊