當球季進行得如火如荼之際，球會主帥最擔心嘅就係球員受傷，而「FIFA病毒」更係令人聞風喪膽，遇上球隊主力為國上陣時受傷，隨時打亂球隊所有部署。今個國際賽期，利物浦就成為「受害者」，隊中四名主力球員都喺國家隊受傷，四人全部於今周英超對哈特斯菲上陣成疑，但所幸傷勢未至於肯定缺陣。紅軍未來將面對哈特斯菲、布爾格萊德紅星及卡迪夫城，於11月4日面對阿仙奴前所遇挑戰不大，因此有機會趁機俾四人稍作休息。
拿比基達
四名傷兵之中，最新鮮滾熱辣嘅就係拿比基達。拿比基達喺星期二征戰非洲國家盃外圍賽，為幾內亞上陣鬥盧旺達。完半場前，已經因為大腿受傷，要由隊友揹離球場，歸期未定，睇落情況並不樂觀。
根據《BBC》報導，拿比基達傷情需要接受掃描檢查後作實。今季為利物浦於各項賽事正選上陣10場，外間估計基達喺今個周末可以為紅軍上陣嘅機會不大。另一方面，紅軍早前已經有中場占士米拿拉傷大腿，近日復操，有望於周末上陣。加上紅軍中場仍有隊長軒達臣、韋拿杜姆及新兵法賓奴候命，即使基達冇大礙，唔冒險派佢上陣十分合理。
雲迪克
紅軍後防大將雲迪克，早前雖然於歐洲國家聯賽荷蘭對德國一仗中建功，但隨後一仗友賽比利時因傷未有上陣。
根據《BBC》報導，雲迪克早於9月22日對修咸頓一仗撞傷肋骨，今次避戰係出於同一原因。估計雲迪克避戰友賽係為咗預留時間恢復，以便趕及出戰周末英超，由於屬於「硬傷」，相信雲迪克今周上陣機會比較樂觀。另外，利物浦近仗有路夫雲及祖高美斯狀態不俗，今仗對手只係哈特斯菲，有空間俾雲迪克稍稍休息。
沙拿
紅軍球星穆罕默德沙拿上季單天保至尊，今季初段狀態未足，但仍屬利物浦前線關鍵人物。沙拿今個國際賽期為埃及出戰非洲國家盃外圍賽，早前對史威斯蘭一役雖然直接射入角球，但補時階段傷出。
《BBC》引述埃及助教指出，初步診斷沙拿係大腿肌肉緊繃，並非肌肉撕裂，情況並不嚴重。因此，沙拿周末有機會可以上陣，不過「法老」今季狀態似乎受到上季尾接連出戰歐聯及世界盃影響，至今表現未見銳利，倒不如乘機俾佢休息一下。
文尼
利物浦另一核心沙迪奧文尼今個國際賽期返到塞內加爾國家隊，但喺訓練中受傷，經檢驗發現左手姆指骨輕微骨折，已經缺陣國家隊嘅非國盃外圍賽。
雖然文尼傷勢唔重，而且傷處對於踢波影響唔大，但足球比賽始終有機會遇上激烈碰撞，或落地時會用手卸力，文尼喺手部受傷初期仍然不易比賽，估計將會缺陣今周英超。
Source: BBC、Goal.com、PhysioRoom
拿比基達
四名傷兵之中，最新鮮滾熱辣嘅就係拿比基達。拿比基達喺星期二征戰非洲國家盃外圍賽，為幾內亞上陣鬥盧旺達。完半場前，已經因為大腿受傷，要由隊友揹離球場，歸期未定，睇落情況並不樂觀。
根據《BBC》報導，拿比基達傷情需要接受掃描檢查後作實。今季為利物浦於各項賽事正選上陣10場，外間估計基達喺今個周末可以為紅軍上陣嘅機會不大。另一方面，紅軍早前已經有中場占士米拿拉傷大腿，近日復操，有望於周末上陣。加上紅軍中場仍有隊長軒達臣、韋拿杜姆及新兵法賓奴候命，即使基達冇大礙，唔冒險派佢上陣十分合理。
雲迪克
紅軍後防大將雲迪克，早前雖然於歐洲國家聯賽荷蘭對德國一仗中建功，但隨後一仗友賽比利時因傷未有上陣。
根據《BBC》報導，雲迪克早於9月22日對修咸頓一仗撞傷肋骨，今次避戰係出於同一原因。估計雲迪克避戰友賽係為咗預留時間恢復，以便趕及出戰周末英超，由於屬於「硬傷」，相信雲迪克今周上陣機會比較樂觀。另外，利物浦近仗有路夫雲及祖高美斯狀態不俗，今仗對手只係哈特斯菲，有空間俾雲迪克稍稍休息。
沙拿
紅軍球星穆罕默德沙拿上季單天保至尊，今季初段狀態未足，但仍屬利物浦前線關鍵人物。沙拿今個國際賽期為埃及出戰非洲國家盃外圍賽，早前對史威斯蘭一役雖然直接射入角球，但補時階段傷出。
《BBC》引述埃及助教指出，初步診斷沙拿係大腿肌肉緊繃，並非肌肉撕裂，情況並不嚴重。因此，沙拿周末有機會可以上陣，不過「法老」今季狀態似乎受到上季尾接連出戰歐聯及世界盃影響，至今表現未見銳利，倒不如乘機俾佢休息一下。
文尼
利物浦另一核心沙迪奧文尼今個國際賽期返到塞內加爾國家隊，但喺訓練中受傷，經檢驗發現左手姆指骨輕微骨折，已經缺陣國家隊嘅非國盃外圍賽。
雖然文尼傷勢唔重，而且傷處對於踢波影響唔大，但足球比賽始終有機會遇上激烈碰撞，或落地時會用手卸力，文尼喺手部受傷初期仍然不易比賽，估計將會缺陣今周英超。
Source: BBC、Goal.com、PhysioRoom
請按此登錄後留言。未成為會員? 立即註冊