牙買加飛人保特 (Usain Bolt) 喺田徑場上所向披靡，佢一直夢想成為職業足球員，不過始終年屆32歲，中途出家實在有難度，因此大部分球迷都唔睇好。不過，澳職球隊中岸水手或者係出於商業考慮，早前邀請保特試腳。最近一場友誼賽，保特為中岸水手上陣正選上陣兼梅開二度。
澳職聯賽下周先正式開戰，中岸水手喺周五約戰 麥卡化西南聯 Macarthur South West United (由次級聯賽球員組成) 進行季前熱身賽，保特身穿95號球衣擔任正選前鋒。
下半場，隊友送出過頭波，保特用速度同身位壓住對手突破，喺禁區內左側窄位射近柱破網，埋門一腳甚具功架！
68分鐘，對手門將與守衛相撞，保特輕鬆射入空門，梅開二度！中岸水手亦大勝對手4-0。
雖然保特今仗面對嘅對手級數唔高，更只係拉雜成軍踢友誼賽，默契欠奉，導致保特輕鬆射入個人第二球，不過保特射入嘅第一球的確唔容易射，令人眼前一亮，更有球迷講笑話射得好過莫拉達同盧卡古。
保特由8月起喺中岸水手跟操試腳，佢今仗嘅鋒線拍檔、由阿士東維拉外借嘅麥哥馬克 (Ross McCormack) 就大讚保特：「由保特第一日嚟跟操開始至到今日，佢有好大轉變。佢最大嘅優點係謙虛，而且好願意同隊友配合。」不過坦白講，保特再勁都仍然同職業水平有出入，要拎到中岸水手嘅合約，仍然有難度。根據《ESPN》報導，保特雖然喺球隊接受密集式特訓，仁喺比賽中控球水準低下、多次喪失球權，亦無法好好利用身高優勢，表現其實有好大進步空間。
精華片段
https://youtu.be/IJsCkJInZDI
Source: ESPN
澳職聯賽下周先正式開戰，中岸水手喺周五約戰 麥卡化西南聯 Macarthur South West United (由次級聯賽球員組成) 進行季前熱身賽，保特身穿95號球衣擔任正選前鋒。
下半場，隊友送出過頭波，保特用速度同身位壓住對手突破，喺禁區內左側窄位射近柱破網，埋門一腳甚具功架！
68分鐘，對手門將與守衛相撞，保特輕鬆射入空門，梅開二度！中岸水手亦大勝對手4-0。
雖然保特今仗面對嘅對手級數唔高，更只係拉雜成軍踢友誼賽，默契欠奉，導致保特輕鬆射入個人第二球，不過保特射入嘅第一球的確唔容易射，令人眼前一亮，更有球迷講笑話射得好過莫拉達同盧卡古。
保特由8月起喺中岸水手跟操試腳，佢今仗嘅鋒線拍檔、由阿士東維拉外借嘅麥哥馬克 (Ross McCormack) 就大讚保特：「由保特第一日嚟跟操開始至到今日，佢有好大轉變。佢最大嘅優點係謙虛，而且好願意同隊友配合。」不過坦白講，保特再勁都仍然同職業水平有出入，要拎到中岸水手嘅合約，仍然有難度。根據《ESPN》報導，保特雖然喺球隊接受密集式特訓，仁喺比賽中控球水準低下、多次喪失球權，亦無法好好利用身高優勢，表現其實有好大進步空間。
精華片段
https://youtu.be/IJsCkJInZDI
Source: ESPN
請按此登錄後留言。未成為會員? 立即註冊